పెద్దపల్లి ఎమ్మెల్యే, తెలంగాణ రాష్ట్ర ప్రభుత్వ విప్ చింతకుంట విజయరామరాజు రైతుల పొలాలకు చివరి ఆయకట్టు వరకు నీరందించాలనే సంకల్పంతో ఎల్లమ్మ కాలువ పూడికతీత పనులను ప్రారంభించారు. ఆదివారం రామగుండం మండలంలోని గర్రెపల్లి, బొంతకుంటపల్లి, రంగంపల్లి, కోమండ్లపల్లి గ్రామాలలో, రైతుల సాగునీటి అవసరాల కోసం ₹20 లక్షల రూపాయల వ్యయంతో ఈ పనులకు శ్రీకారం చుట్టారు. ఈ సందర్భంగా ఆయన మాట్లాడుతూ, ఎల్లమ్మ కాలువ 15 నుండి 20 సంవత్సరాలుగా పూడికతో నిండిపోయిందని, దీనివల్ల వేలాది ఎకరాలలో రైతుల పంటలు ఎండిపోతున్నాయని తెలిపారు. ఇంతకాలం ఏ నాయకుడూ దీనిని పట్టించుకోలేదని పేర్కొన్నారు. బొంతకుంటపల్లి సర్పంచ్ రైతులను వెంటబెట్టుకుని వచ్చి ఈ సమస్యను తన దృష్టికి తీసుకురాగా, తక్షణమే స్పందించి రైతులు ఇబ్బందులు పడకుండా ఉండేందుకు ₹20 లక్షలు మంజూరు చేయించి పనులు మొదలుపెట్టించినట్లు వివరించారు. రానున్న రోజుల్లో మరో ₹10 నుండి ₹15 లక్షల రూపాయలు అందజేసి కాలువను పూర్తిస్థాయిలో ఆధునీకరిస్తానని విజయరామరాజు హామీ ఇచ్చారు. వర్షాలు ప్రారంభమయ్యే లోపే రెండు, మూడు జేసీబీలను ఏర్పాటు చేసి ఐదు కిలోమీటర్ల పొడవున ఉన్న కాలువ పనులను త్వరితగతిన పూర్తి చేయాలని అధికారులను ఆదేశించారు. అవసరమైతే రెవెన్యూ, ఎస్సారెస్పీ అధికారులు, పోలీసుల సహకారంతో పనులు చేపట్టాలని, కాలువను ఆక్రమించుకున్న రైతులను సైతం ఉపేక్షించేది లేదని హెచ్చరించారు. సాగునీటి సరఫరాను అడ్డుకునే ఒక్కరిద్దరిపైనా కఠిన చర్యలు తీసుకుంటామని ఆయన ఆగ్రహం వ్యక్తం చేశారు. రైతులు తమ రక్తాన్ని, చెమటను ధారపోసి పంటలు పండిస్తున్నారని, అటువంటి అన్నదాతలకు పార్టీలకు అతీతంగా అందరూ సహకరించాలని, అభివృద్ధిలో భాగస్వాములు కావాలని పిలుపునిచ్చారు. సాగునీటి కాలువలను ఎల్లప్పుడూ పరిరక్షిస్తామని, కాంగ్రెస్ ప్రభుత్వం అంటేనే రైతు ప్రభుత్వమని ఆయన పునరుద్ఘాటించారు. ఈ కార్యక్రమంలో ప్రజా ప్రతినిధులు, ప్రభుత్వ అధికారులు, పలు గ్రామాల సర్పంచ్ లు, ఉపసర్పంచ్ లు, కాంగ్రెస్ పార్టీ నాయకులు, కార్యకర్తలు, రైతులు తదితరులు పాల్గొన్నారు.

SRAVAN KUMAR

Astrologer రామగుండం, పెద్దపల్లి, తెలంగాణ•

2 hrs ago

పెద్దపల్లి ఎమ్మెల్యే, తెలంగాణ రాష్ట్ర ప్రభుత్వ విప్ చింతకుంట విజయరామరాజు రైతుల పొలాలకు చివరి ఆయకట్టు వరకు నీరందించాలనే సంకల్పంతో ఎల్లమ్మ కాలువ పూడికతీత పనులను ప్రారంభించారు. ఆదివారం రామగుండం మండలంలోని గర్రెపల్లి, బొంతకుంటపల్లి, రంగంపల్లి, కోమండ్లపల్లి గ్రామాలలో, రైతుల సాగునీటి అవసరాల కోసం ₹20 లక్షల రూపాయల వ్యయంతో ఈ పనులకు శ్రీకారం చుట్టారు. ఈ సందర్భంగా ఆయన మాట్లాడుతూ, ఎల్లమ్మ కాలువ 15 నుండి 20 సంవత్సరాలుగా పూడికతో నిండిపోయిందని, దీనివల్ల వేలాది ఎకరాలలో రైతుల పంటలు ఎండిపోతున్నాయని తెలిపారు. ఇంతకాలం ఏ నాయకుడూ దీనిని పట్టించుకోలేదని పేర్కొన్నారు. బొంతకుంటపల్లి సర్పంచ్ రైతులను వెంటబెట్టుకుని వచ్చి ఈ సమస్యను తన దృష్టికి తీసుకురాగా, తక్షణమే స్పందించి రైతులు ఇబ్బందులు పడకుండా ఉండేందుకు ₹20 లక్షలు మంజూరు చేయించి పనులు మొదలుపెట్టించినట్లు వివరించారు. రానున్న రోజుల్లో మరో ₹10 నుండి ₹15 లక్షల రూపాయలు అందజేసి కాలువను

పూర్తిస్థాయిలో ఆధునీకరిస్తానని విజయరామరాజు హామీ ఇచ్చారు. వర్షాలు ప్రారంభమయ్యే లోపే రెండు, మూడు జేసీబీలను ఏర్పాటు చేసి ఐదు కిలోమీటర్ల పొడవున ఉన్న కాలువ పనులను త్వరితగతిన పూర్తి చేయాలని అధికారులను ఆదేశించారు. అవసరమైతే రెవెన్యూ, ఎస్సారెస్పీ అధికారులు, పోలీసుల సహకారంతో పనులు చేపట్టాలని, కాలువను ఆక్రమించుకున్న రైతులను సైతం ఉపేక్షించేది లేదని హెచ్చరించారు. సాగునీటి సరఫరాను అడ్డుకునే ఒక్కరిద్దరిపైనా కఠిన చర్యలు తీసుకుంటామని ఆయన ఆగ్రహం వ్యక్తం చేశారు. రైతులు తమ రక్తాన్ని, చెమటను ధారపోసి పంటలు పండిస్తున్నారని, అటువంటి అన్నదాతలకు పార్టీలకు అతీతంగా అందరూ సహకరించాలని, అభివృద్ధిలో భాగస్వాములు కావాలని పిలుపునిచ్చారు. సాగునీటి కాలువలను ఎల్లప్పుడూ పరిరక్షిస్తామని, కాంగ్రెస్ ప్రభుత్వం అంటేనే రైతు ప్రభుత్వమని ఆయన పునరుద్ఘాటించారు. ఈ కార్యక్రమంలో ప్రజా ప్రతినిధులు, ప్రభుత్వ అధికారులు, పలు గ్రామాల సర్పంచ్ లు, ఉపసర్పంచ్ లు, కాంగ్రెస్ పార్టీ నాయకులు, కార్యకర్తలు, రైతులు తదితరులు పాల్గొన్నారు.