ଝାରସୁଗୁଡ଼ା ଜିଲ୍ଲା ରେଙ୍ଗାଲି ପୁଲିସ ଦୀର୍ଘ ୨୮ ବର୍ଷ ଧରି ଫେରାର ଥିବା ଜଣେ ହତ୍ୟା ଅଭିଯୁକ୍ତକୁ ଗିରଫ କରିବାରେ ସଫଳ ହୋଇଛି। ଅଭିଯୁକ୍ତ ଜଣକ ରେଙ୍ଗାଲି ଥାନା ଅନ୍ତର୍ଗତ ଭୂନ୍ଦୁପାଲି ଗ୍ରାମର ନୀଳମଣି ମହାନନ୍ଦ, ଯିଏକି ନୀଳ, ନୀଳମଣି ହରିଜନ ଏବଂ ରାଜୁ ଗୋଣ୍ଡ ନାମରେ ମଧ୍ୟ ପରିଚିତ। ୧୯୯୮ ମସିହା ଅକ୍ଟୋବର ୬ ତାରିଖ ରାତିରେ ପୂର୍ବ ଶତ୍ରୁତାକୁ କେନ୍ଦ୍ର କରି ଦୁର୍ଯ୍ୟୋଧନ ଦୀପଙ୍କୁ ହତ୍ୟା କରାଯାଇଥିବା ନେଇ ଦୁର୍ଯ୍ୟୋଧନଙ୍କ ପୁଅ ଦେବଲାଲ ଦୀପ ରେଙ୍ଗାଲି ଥାନାରେ ଅଭିଯୋଗ କରିଥିଲେ। ଏହି ମାମଲାରେ ଭାରତୀୟ ଦଣ୍ଡବିଧି ସଂହିତାର ଧାରା ୩୬୪, ୩୦୨, ୨୦୧ ଓ ୩୪ ଅନୁଯାୟୀ ମାମଲା ରୁଜୁ ହୋଇଥିଲା। ସେହି ସମୟରେ ଅନ୍ୟ ଦୁଇ ଅଭିଯୁକ୍ତ ଗିରଫ ହୋଇ କୋର୍ଟ ଚାଲାଣ ହୋଇଥିବା ବେଳେ ନୀଳମଣି ହାତକଡ଼ି ପିନ୍ଧିଥିବା ଅବସ୍ଥାରେ ପୁଲିସକୁ ଚକମା ଦେଇ ଫେରାର ହୋଇଯାଇଥିଲା। ଫେରାର ହେବା ପରେ ଅଭିଯୁକ୍ତ ନୀଳମଣି ଛତିଶଗଡ଼ରେ ରାଜୁ ଗୋଣ୍ଡ ନାମକ ଛଦ୍ମ ପରିଚୟରେ ଆଧାର ଓ ପାନ କାର୍ଡ଼ ଭଳି ମିଥ୍ୟା କାଗଜପତ୍ର ପ୍ରସ୍ତୁତ କରି ଦିନ ମଜୁରୀଆ ଭାବେ ରହୁଥିଲା। ଭିକମପାଲିରେ ଥିବା ନିଜର ଏକ ଜମି ବିକ୍ରି କରିବା ନେଇ ଲଖନପୁର ତହସିଲ କାର୍ଯ୍ୟାଳୟକୁ ଆସିବା ନେଇ ପୁଲିସକୁ ଗୁଇନ୍ଦା ସୂଚନା ମିଳିଥିଲା। ଏହାପରେ ରେଙ୍ଗାଲି ଥାନା ଅଧିକାରୀ ସମରେନ୍ଦ୍ର ନାୟକଙ୍କ ନେତୃତ୍ୱରେ ଏକ ସ୍ୱତନ୍ତ୍ର ପୁଲିସ ଟିମ୍ ଗଠନ କରାଯାଇ ଅଭିଯୁକ୍ତକୁ ଗିରଫ କରାଯାଇଛି। ଆଇନଗତ ପ୍ରକ୍ରିୟା ଶେଷ ହେବା ପରେ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିବା ନେଇ ଥାନା ଅଧିକାରୀ ସୂଚନା ଦେଇଛନ୍ତି।

Saroj Kumar Mirdha

Local News Reporter ଲଖନପୁର, ଝାରସୁଗୁଡ଼ା, ଓଡ଼ିଶା•

14 hrs ago

ଝାରସୁଗୁଡ଼ା ଜିଲ୍ଲା ରେଙ୍ଗାଲି ପୁଲିସ ଦୀର୍ଘ ୨୮ ବର୍ଷ ଧରି ଫେରାର ଥିବା ଜଣେ ହତ୍ୟା ଅଭିଯୁକ୍ତକୁ ଗିରଫ କରିବାରେ ସଫଳ ହୋଇଛି। ଅଭିଯୁକ୍ତ ଜଣକ ରେଙ୍ଗାଲି ଥାନା ଅନ୍ତର୍ଗତ ଭୂନ୍ଦୁପାଲି ଗ୍ରାମର ନୀଳମଣି ମହାନନ୍ଦ, ଯିଏକି ନୀଳ, ନୀଳମଣି ହରିଜନ ଏବଂ ରାଜୁ ଗୋଣ୍ଡ ନାମରେ ମଧ୍ୟ ପରିଚିତ। ୧୯୯୮ ମସିହା ଅକ୍ଟୋବର ୬ ତାରିଖ ରାତିରେ ପୂର୍ବ ଶତ୍ରୁତାକୁ କେନ୍ଦ୍ର କରି ଦୁର୍ଯ୍ୟୋଧନ ଦୀପଙ୍କୁ ହତ୍ୟା କରାଯାଇଥିବା ନେଇ ଦୁର୍ଯ୍ୟୋଧନଙ୍କ ପୁଅ ଦେବଲାଲ ଦୀପ ରେଙ୍ଗାଲି ଥାନାରେ ଅଭିଯୋଗ କରିଥିଲେ। ଏହି ମାମଲାରେ ଭାରତୀୟ ଦଣ୍ଡବିଧି ସଂହିତାର ଧାରା ୩୬୪, ୩୦୨, ୨୦୧ ଓ ୩୪ ଅନୁଯାୟୀ ମାମଲା ରୁଜୁ ହୋଇଥିଲା। ସେହି ସମୟରେ ଅନ୍ୟ ଦୁଇ ଅଭିଯୁକ୍ତ ଗିରଫ ହୋଇ କୋର୍ଟ ଚାଲାଣ ହୋଇଥିବା ବେଳେ ନୀଳମଣି ହାତକଡ଼ି ପିନ୍ଧିଥିବା ଅବସ୍ଥାରେ ପୁଲିସକୁ ଚକମା ଦେଇ ଫେରାର ହୋଇଯାଇଥିଲା। ଫେରାର ହେବା ପରେ ଅଭିଯୁକ୍ତ ନୀଳମଣି ଛତିଶଗଡ଼ରେ ରାଜୁ ଗୋଣ୍ଡ ନାମକ ଛଦ୍ମ ପରିଚୟରେ ଆଧାର ଓ ପାନ କାର୍ଡ଼ ଭଳି ମିଥ୍ୟା କାଗଜପତ୍ର ପ୍ରସ୍ତୁତ କରି ଦିନ ମଜୁରୀଆ ଭାବେ ରହୁଥିଲା। ଭିକମପାଲିରେ ଥିବା ନିଜର ଏକ ଜମି ବିକ୍ରି କରିବା ନେଇ ଲଖନପୁର ତହସିଲ କାର୍ଯ୍ୟାଳୟକୁ ଆସିବା ନେଇ ପୁଲିସକୁ ଗୁଇନ୍ଦା ସୂଚନା ମିଳିଥିଲା। ଏହାପରେ ରେଙ୍ଗାଲି ଥାନା ଅଧିକାରୀ ସମରେନ୍ଦ୍ର ନାୟକଙ୍କ ନେତୃତ୍ୱରେ ଏକ ସ୍ୱତନ୍ତ୍ର ପୁଲିସ ଟିମ୍ ଗଠନ କରାଯାଇ ଅଭିଯୁକ୍ତକୁ ଗିରଫ କରାଯାଇଛି। ଆଇନଗତ ପ୍ରକ୍ରିୟା ଶେଷ ହେବା ପରେ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିବା ନେଇ ଥାନା ଅଧିକାରୀ ସୂଚନା ଦେଇଛନ୍ତି।