నరసరావుపేట పార్లమెంటు సభ్యులు లావు శ్రీకృష్ణదేవరాయలు పెదకూరపాడు నియోజకవర్గంలో కూటమి ప్రభుత్వం రెండేళ్ల పాలన విజయోత్సవ సభలో, అలాగే 'ప్రజల వద్దకు ప్రవీణ్ 100 రోజులు - 100 గ్రామాలు' ముగింపు కార్యక్రమంలో పాల్గొన్నారు. ఈ సందర్భంగా ఆయన మాట్లాడుతూ, రాష్ట్ర ప్రజలకు సంక్షేమం, అభివృద్ధితో పాటు ప్రశాంతత, మనశ్శాంతి కల్పించినట్లు తెలిపారు. కేవలం కార్యాలయాలకే పరిమితం కాకుండా, ప్రవీణ్ 100 రోజుల పాటు గ్రామాలన్నీ తిరిగి ప్రజల సమస్యలను తెలుసుకోవడం అందరికీ ఆదర్శనీయమని ఎంపీ కొనియాడారు. ఎన్నికల సమయంలో ఇచ్చిన హామీలైన పెన్షన్ల పెంపు, అన్నదాత సుఖీభవ వంటి పథకాలను ప్రభుత్వం విజయవంతంగా అమలు చేస్తోందని శ్రీకృష్ణదేవరాయలు వెల్లడించారు. అమరావతి రాజధాని కోసం 33,000 ఎకరాలు ఇచ్చిన రైతుల త్యాగాలను స్మరిస్తూ, అమరావతి అభివృద్ధికి ప్రజల మద్దతు కొనసాగాలని ఆయన కోరారు. రాష్ట్రంలో యూరియా కొరత ఎక్కడా లేదని, రైతులు ఆందోళన చెందవద్దని భరోసా ఇచ్చారు. మిర్చికి మంచి ధర లభిస్తోందని, ఎకరాకు రూ. 2-3 లక్షల వరకు ఆదాయం వస్తుండటం సంతోషకరమన్నారు. జూలై 1 నుంచి 'VB-G RAM G' పథకం ద్వారా రాష్ట్రానికి రూ. 7 వేల కోట్ల నిధులు రానున్నాయని, వీటితో పల్లెల్లో రోడ్లు, డ్రైనేజీల నిర్మాణం వేగవంతం చేయనున్నట్లు వివరించారు. రాజధాని కోసం 33 వేల ఎకరాలు త్యాగం చేసిన రైతులకు అండగా ఉంటామని ఎంపీ హామీ ఇచ్చారు. రాష్ట్రంలో ప్రస్తుతం ప్రశాంత వాతావరణం నెలకొందని, అక్రమ అరెస్టుల భయం లేదని ఆయన స్పష్టం చేశారు. ఒకవైపు సంపద పెంచుతూనే, మరోవైపు సంక్షేమ కార్యక్రమాలు, అభివృద్ధిని సమాంతరంగా ముందుకు తీసుకెళ్తున్నామని ఎంపీ లావు శ్రీకృష్ణదేవరాయలు పునరుద్ఘాటించారు.

Journalist SIDDHU

Guntur, Andhra Pradesh•

1 hr ago

నరసరావుపేట పార్లమెంటు సభ్యులు లావు శ్రీకృష్ణదేవరాయలు పెదకూరపాడు నియోజకవర్గంలో కూటమి ప్రభుత్వం రెండేళ్ల పాలన విజయోత్సవ సభలో, అలాగే 'ప్రజల వద్దకు ప్రవీణ్ 100 రోజులు - 100 గ్రామాలు' ముగింపు కార్యక్రమంలో పాల్గొన్నారు. ఈ సందర్భంగా ఆయన మాట్లాడుతూ, రాష్ట్ర ప్రజలకు సంక్షేమం, అభివృద్ధితో పాటు ప్రశాంతత, మనశ్శాంతి కల్పించినట్లు తెలిపారు. కేవలం కార్యాలయాలకే పరిమితం కాకుండా, ప్రవీణ్ 100 రోజుల పాటు గ్రామాలన్నీ తిరిగి ప్రజల సమస్యలను తెలుసుకోవడం అందరికీ ఆదర్శనీయమని ఎంపీ కొనియాడారు. ఎన్నికల సమయంలో ఇచ్చిన హామీలైన పెన్షన్ల పెంపు, అన్నదాత సుఖీభవ వంటి పథకాలను ప్రభుత్వం విజయవంతంగా అమలు చేస్తోందని శ్రీకృష్ణదేవరాయలు వెల్లడించారు. అమరావతి రాజధాని కోసం 33,000 ఎకరాలు ఇచ్చిన రైతుల త్యాగాలను స్మరిస్తూ, అమరావతి అభివృద్ధికి ప్రజల మద్దతు కొనసాగాలని ఆయన

కోరారు. రాష్ట్రంలో యూరియా కొరత ఎక్కడా లేదని, రైతులు ఆందోళన చెందవద్దని భరోసా ఇచ్చారు. మిర్చికి మంచి ధర లభిస్తోందని, ఎకరాకు రూ. 2-3 లక్షల వరకు ఆదాయం వస్తుండటం సంతోషకరమన్నారు. జూలై 1 నుంచి 'VB-G RAM G' పథకం ద్వారా రాష్ట్రానికి రూ. 7 వేల కోట్ల నిధులు రానున్నాయని, వీటితో పల్లెల్లో రోడ్లు, డ్రైనేజీల నిర్మాణం వేగవంతం చేయనున్నట్లు వివరించారు. రాజధాని కోసం 33 వేల ఎకరాలు త్యాగం చేసిన రైతులకు అండగా ఉంటామని ఎంపీ హామీ ఇచ్చారు. రాష్ట్రంలో ప్రస్తుతం ప్రశాంత వాతావరణం నెలకొందని, అక్రమ అరెస్టుల భయం లేదని ఆయన స్పష్టం చేశారు. ఒకవైపు సంపద పెంచుతూనే, మరోవైపు సంక్షేమ కార్యక్రమాలు, అభివృద్ధిని సమాంతరంగా ముందుకు తీసుకెళ్తున్నామని ఎంపీ లావు శ్రీకృష్ణదేవరాయలు పునరుద్ఘాటించారు.