यवतमाळ स्थानिक गुन्हे शाखेने केलेल्या धडक कारवाईत वन्यजीव शिकारीचा पर्दाफाश करत एका आरोपीला अटक केली आहे. मार्च महिन्यात पांहडुळ-इंजनी शेतशिवारात झालेल्या निलगायीच्या शिकारीचा गुन्हा यामुळे उघडकीस आला आहे. सय्यद कलीम ऊर्फ काल्या सय्यद हाफिज (वय ३२, रा. काळी (दौ), ता. महागाव) या आरोपीला देशी बनावटीच्या टूबोर बंदुकीसह ताब्यात घेण्यात आले असून, जप्त केलेल्या मुद्देमालाची किंमत सुमारे ५० हजार रुपये आहे. पोलिसांनी दिलेल्या माहितीनुसार, २२ जून २०२६ रोजी स्थानिक गुन्हे शाखेचे पथक पुसद उपविभागात गस्त घालत असताना, काळी (दौ) शेतशिवारात पेवठाणा रोडलगत एक व्यक्ती वन्यजीव शिकारीच्या उद्देशाने टूबोर बंदूक घेऊन थांबल्याची गुप्त माहिती मिळाली. या माहितीची खातरजमा करत पथकाने तात्काळ घटनास्थळी सापळा रचून सय्यद कलीम याला पकडले आणि त्याच्याकडून ५० हजार रुपये किमतीची टूबोर बंदूक जप्त केली. चौकशीदरम्यान, आरोपीने आपल्या एका साथीदारासोबत मार्च महिन्यात पांहडुळ-इंजनी शेतशिवारात निलगायीची शिकार केल्याची कबुली दिली, ज्यामुळे वन विभागाकडे नोंद असलेला शिकारीचा गुन्हा उघडकीस आला. या प्रकरणी आरोपी सय्यद कलीम आणि त्याच्या एका साथीदाराविरुद्ध पुसद ग्रामीण पोलीस ठाण्यात भारतीय हत्यार कायदा कलम ३, २५ नुसार गुन्हा दाखल करण्यात आला असून, पुढील तपास सुरू आहे. पोलीस अधीक्षक कुमार चिंता, अपर पोलीस अधीक्षक अशोक थोरात आणि पोलीस निरीक्षक सतीश चवरे यांच्या मार्गदर्शनाखाली सहायक पोलीस निरीक्षक धीरज बांडे, पोलीस उपनिरीक्षक अमोल राठोड यांच्यासह मुन्ना आडे, संतोष भोरगे, तेजाब रणखांब, सुभाष जाधव, कुणाल मुंडोकार, रमेश राठोड, सुनील पंडागळे, रवींद्र शिरामे आणि राजेश जाधव यांनी ही कारवाई यशस्वीरित्या पार पाडली.

Taha Mirza

Teacher महागाव, यवतमाळ, महाराष्ट्र•

2 hrs ago

यवतमाळ स्थानिक गुन्हे शाखेने केलेल्या धडक कारवाईत वन्यजीव शिकारीचा पर्दाफाश करत एका आरोपीला अटक केली आहे. मार्च महिन्यात पांहडुळ-इंजनी शेतशिवारात झालेल्या निलगायीच्या शिकारीचा गुन्हा यामुळे उघडकीस आला आहे. सय्यद कलीम ऊर्फ काल्या सय्यद हाफिज (वय ३२, रा. काळी (दौ), ता. महागाव) या आरोपीला देशी बनावटीच्या टूबोर बंदुकीसह ताब्यात घेण्यात आले असून, जप्त केलेल्या मुद्देमालाची किंमत सुमारे ५० हजार रुपये आहे. पोलिसांनी दिलेल्या माहितीनुसार, २२ जून २०२६ रोजी स्थानिक गुन्हे शाखेचे पथक पुसद उपविभागात गस्त घालत असताना, काळी (दौ) शेतशिवारात पेवठाणा रोडलगत एक व्यक्ती वन्यजीव शिकारीच्या उद्देशाने टूबोर बंदूक घेऊन थांबल्याची गुप्त माहिती मिळाली. या माहितीची खातरजमा करत पथकाने तात्काळ घटनास्थळी सापळा रचून सय्यद कलीम याला पकडले आणि त्याच्याकडून ५० हजार रुपये किमतीची टूबोर बंदूक जप्त केली. चौकशीदरम्यान, आरोपीने आपल्या एका साथीदारासोबत मार्च महिन्यात पांहडुळ-इंजनी शेतशिवारात निलगायीची शिकार केल्याची कबुली दिली, ज्यामुळे वन विभागाकडे नोंद असलेला शिकारीचा गुन्हा उघडकीस आला. या प्रकरणी आरोपी सय्यद कलीम आणि त्याच्या एका साथीदाराविरुद्ध पुसद ग्रामीण पोलीस ठाण्यात भारतीय हत्यार कायदा कलम ३, २५ नुसार गुन्हा दाखल करण्यात आला असून, पुढील तपास सुरू आहे. पोलीस अधीक्षक कुमार चिंता, अपर पोलीस अधीक्षक अशोक थोरात आणि पोलीस निरीक्षक सतीश चवरे यांच्या मार्गदर्शनाखाली सहायक पोलीस निरीक्षक धीरज बांडे, पोलीस उपनिरीक्षक अमोल राठोड यांच्यासह मुन्ना आडे, संतोष भोरगे, तेजाब रणखांब, सुभाष जाधव, कुणाल मुंडोकार, रमेश राठोड, सुनील पंडागळे, रवींद्र शिरामे आणि राजेश जाधव यांनी ही कारवाई यशस्वीरित्या पार पाडली.