हिंगोली जिल्ह्यातील सेनगाव शहराजवळ शनिवारी रात्री झालेल्या भीषण रस्ते अपघातात वरुड चक्रपाण गावचे रहिवासी असलेले दोन शिक्षक, संतोष देसाई आणि गजानन पत्की, यांचा जागीच दुर्दैवी मृत्यू झाला. मिळालेल्या माहितीनुसार, दोन्ही शिक्षकांनी शनिवारी शासनाच्या जनगणना कामाची जबाबदारी पूर्ण केली होती आणि वाशिम जिल्ह्यातील रिसोड येथे एका नातेवाईकाला भेटून रात्री उशिरा मोटारसायकलने आपल्या गावी परतत होते. रात्री सुमारे ११ वाजण्याच्या सुमारास सेनगावजवळ विरुद्ध दिशेने भरधाव वेगाने येणाऱ्या एका अज्ञात पिकअप वाहनाने त्यांच्या दुचाकीला समोरासमोर जोरदार धडक दिली. धडकेची तीव्रता इतकी भीषण होती की दोन्ही शिक्षक रस्त्यावर फेकले गेले आणि त्यांच्या डोक्याला गंभीर दुखापत झाली. घटनेची माहिती मिळताच सेनगाव पोलिसांचे पथक तातडीने घटनास्थळी पोहोचले. जखमींना त्वरित सेनगाव ग्रामीण रुग्णालयात दाखल करण्यात आले, मात्र वैद्यकीय अधिकाऱ्यांनी तपासणीनंतर दोघांनाही मृत घोषित केले. या घटनेची माहिती वरुड चक्रपाण गावात पोहोचताच संपूर्ण गावावर शोककळा पसरली. गावातील शेकडो नागरिक आणि नातेवाईकांनी सेनगाव ग्रामीण रुग्णालयात धाव घेतली. एकाच वेळी गावातील दोन शिक्षकांचा दुर्दैवी मृत्यू झाल्याने संपूर्ण परिसरात हळहळ व्यक्त केली जात आहे. दरम्यान, अपघातानंतर पिकअप चालक वाहनासह घटनास्थळावरून फरार झाला असून, सेनगाव पोलीस त्याचा शोध घेत आहेत. या प्रकरणी गुन्हा दाखल करण्याची प्रक्रिया सुरू असून, पुढील तपास सुरू आहे.

पत्रकार ओमप्रकाश उढाण

घनसावंगी, जालना, महाराष्ट्र•

11 hrs ago

हिंगोली जिल्ह्यातील सेनगाव शहराजवळ शनिवारी रात्री झालेल्या भीषण रस्ते अपघातात वरुड चक्रपाण गावचे रहिवासी असलेले दोन शिक्षक, संतोष देसाई आणि गजानन पत्की, यांचा जागीच दुर्दैवी मृत्यू झाला. मिळालेल्या माहितीनुसार, दोन्ही शिक्षकांनी शनिवारी शासनाच्या जनगणना कामाची जबाबदारी पूर्ण केली होती आणि वाशिम जिल्ह्यातील रिसोड येथे एका नातेवाईकाला भेटून रात्री उशिरा मोटारसायकलने आपल्या गावी परतत होते. रात्री सुमारे ११ वाजण्याच्या सुमारास सेनगावजवळ विरुद्ध दिशेने भरधाव वेगाने येणाऱ्या एका अज्ञात पिकअप वाहनाने त्यांच्या दुचाकीला समोरासमोर जोरदार धडक दिली. धडकेची तीव्रता इतकी भीषण होती की दोन्ही शिक्षक रस्त्यावर फेकले गेले आणि त्यांच्या डोक्याला गंभीर दुखापत झाली. घटनेची माहिती मिळताच सेनगाव पोलिसांचे पथक तातडीने घटनास्थळी पोहोचले. जखमींना त्वरित सेनगाव ग्रामीण रुग्णालयात दाखल करण्यात आले, मात्र वैद्यकीय अधिकाऱ्यांनी तपासणीनंतर दोघांनाही मृत घोषित केले. या घटनेची माहिती वरुड चक्रपाण गावात पोहोचताच संपूर्ण गावावर शोककळा पसरली. गावातील शेकडो नागरिक आणि नातेवाईकांनी सेनगाव ग्रामीण रुग्णालयात धाव घेतली. एकाच वेळी गावातील दोन शिक्षकांचा दुर्दैवी मृत्यू झाल्याने संपूर्ण परिसरात हळहळ व्यक्त केली जात आहे. दरम्यान, अपघातानंतर पिकअप चालक वाहनासह घटनास्थळावरून फरार झाला असून, सेनगाव पोलीस त्याचा शोध घेत आहेत. या प्रकरणी गुन्हा दाखल करण्याची प्रक्रिया सुरू असून, पुढील तपास सुरू आहे.