ప్రజా సమస్యల పరిష్కారంలో అధికారులు సమన్వయంతో పనిచేయాలి : జిల్లా కలెక్టర్ అంకిత్ ఐ డి ఓ సి కార్యాలయం లో సోమవారం నిర్వహించిన ప్రజావాణి కార్యక్రమంలో జిల్లా కలెక్టర్ అంకిత్ ప్రజల నుండి వినతులు, ఫిర్యాదులను,అదనపు కలెక్టర్ వేణుగోపాల్, గృహ నిర్మాణ శాఖ పీడీ రవీంద్రనాథ్ తో కలసి స్వీకరించి సమగ్రంగా పరిశీలించారు. జిల్లాలోని పలు మండలాలు, గ్రామాల నుండి పెద్ద సంఖ్యలో ప్రజలు హాజరై తమ వ్యక్తిగత, సామూహిక సమస్యలను కలెక్టర్ దృష్టికి తీసుకువచ్చారు. ఈ సందర్భంగా కలెక్టర్ మాట్లాడుతూ ప్రజల సమస్యల పరిష్కారంలో శాఖల మధ్య సమన్వయం అత్యంత కీలకమని తెలిపారు. ప్రతి వినతిపత్రాన్ని బాధ్యతాయుతంగా పరిశీలించి తక్షణ చర్యలు చేపట్టాలని సంబంధిత శాఖల అధికారులను ఆదేశించారు. తక్షణ పరిష్కారం సాధ్యమయ్యే సమస్యలను వెంటనే పరిష్కరించాలని, మిగిలిన సమస్యలను నిర్ణీత గడువులోగా పూర్తి చేయాలని సూచించారు. ఫిర్యాదుల పరిష్కారంలో ఎటువంటి నిర్లక్ష్యం, జాప్యం చోటుచేసుకోకుండా క్రమం తప్పకుండా పర్యవేక్షణ నిర్వహించాలని తెలిపారు. సమస్యల వెనుక ఉన్న మూల కారణాలను గుర్తించి శాశ్వత పరిష్కారానికి చర్యలు చేపట్టాలని అధికారులకు సూచించారు. ప్రజా సేవలో పారదర్శకత, బాధ్యతాయుత ధోరణితో పనిచేయాలని తెలిపారు. ప్రజలు తమ వినతులతో పాటు అవసరమైన ఆధార పత్రాలను సమర్పిస్తే సమస్యల పరిష్కారం మరింత వేగవంతమవుతుందని పేర్కొన్నారు. ప్రజావాణి కార్యక్రమం ద్వారా ప్రభుత్వ సేవలు ప్రజలకు మరింత చేరువ కావాలని, ప్రజల సమస్యలకు సమర్థవంతమైన పరిష్కారం అందించేందుకు అన్ని శాఖల అధికారులు సమిష్టిగా పనిచేయాలని జిల్లా కలెక్టర్ అంకిత్ ఆదేశించారు. ప్రజావాణిలో స్వీకరించిన కొన్ని దరఖాస్తులు : లక్ష్మీదేవిపల్లి మండలం మైలారం గ్రామానికి చెందిన రైతులు ఆర్‌వోఎఫ్‌ఆర్ వ్యవసాయ భూముల్లో ఆయిల్ పామ్ మొక్కలకు నీరు అందించేందుకు విద్యుత్ సదుపాయం కల్పించాలని వినతిపత్రం సమర్పించారు. ఫారెస్ట్ శాఖ అనుమతులు మంజూరు చేయకపోవడంతో కరెంట్ లైన్ వేయలేకపోతున్నామని, దీంతో ఆయిల్ పామ్ మొక్కలు ఎండిపోతున్నాయని తెలిపారు. దరఖాస్తును పరిశీలించిన కలెక్టర్ తగు చర్యల నిమిత్తం ఐటీడీఏ పీవోకు ఎండార్స్ చేశారు. చుంచుపల్లి మండలం వెంకటేశ్వర కాలనీ గ్రామపంచాయతీకి చెందిన షేక్ పర్వీన్ నివసిస్తున్న ఇల్లు పూర్తిగా శిథిలావస్థకు చేరుకుందని, ఇందిరమ్మ ఇల్లు కోసం ప్రజాపాలనలో దరఖాస్తు చేసుకున్నప్పటికీ జాబితాలో పేరు లేదని తెలిపారు. ఇద్దరు చిన్న పిల్లలతో దయనీయ పరిస్థితుల్లో జీవనం సాగిస్తున్నానని పేర్కొంటూ ఇందిరమ్మ ఇల్లు మంజూరు చేయాలని కోరగా, దరఖాస్తును పరిశీలించిన కలెక్టర్ చర్యల నిమిత్తం చుంచుపల్లి ఎంపీడీవోకు ఎండార్స్ చేశారు. ఇల్లందుకు చెందిన శేషకుమారి యాక్సిడెంట్‌లో చేయి కోల్పోయి కుటుంబ పోషణ భారంగా మారిందని, తనకు మరియు తన తల్లికి ఇల్లు, పెన్షన్ సదుపాయం లేదని తెలిపారు. ఉపాధి అవకాశాలు కల్పించాలని కోరుతూ సమర్పించిన దరఖాస్తును పరిశీలించిన కలెక్టర్ తగు చర్యల నిమిత్తం ఇల్లందు తహసీల్దార్‌కు ఎండార్స్ చేశారు. ఇల్లందు ఆరవ వార్డుకు చెందిన మహేష్ కుటుంబ రేషన్ కార్డు నుండి తన పేరు తొలగించారని, కొత్త రేషన్ కార్డు కోసం ఆరు నెలల క్రితం దరఖాస్తు చేసుకున్నప్పటికీ ఇంకా పెండింగ్‌లో చూపిస్తున్నారని తెలిపారు. తనకు కొత్త రేషన్ కార్డు మంజూరు చేయాలని కోరగా, దరఖాస్తును పరిశీలించిన కలెక్టర్ తగు చర్యల నిమిత్తం పౌరసరఫరాల శాఖ అధికారికి ఎండార్స్ చేశారు. కొత్తగూడెం గణేష్‌బస్తీ 54వ డివిజన్‌కు చెందిన ఎండీ గౌస్య తమ ఇంటి ముందు ఉన్న వేప చెట్టు కూలిపోవడంతో విద్యుత్ స్తంభం పడిపోయిందని, ఇంటిలో షాక్ వస్తోందని తెలిపారు. వర్షాకాలంలో ఇంట్లో నీరు కారడం వల్ల షార్ట్‌సర్క్యూట్ ప్రమాదం ఉందని పేర్కొంటూ సమస్య పరిష్కరించాలని కోరగా, దరఖాస్తును పరిశీలించిన కలెక్టర్ చర్యల నిమిత్తం విద్యుత్ శాఖ అధికారులకు ఎండార్స్ చేశారు. ఈ కార్యక్రమంలో అన్ని శాఖలకు చెందిన జిల్లా అధికారులు, సిబ్బంది పాల్గొన్నారు.

VANAMA SRINIVAS RAO

జర్నలిస్ట్ కొత్తగూడెం, భద్రాద్రి కొత్తగూడెం, తెలంగాణ•

1 hr ago

ప్రజా సమస్యల పరిష్కారంలో అధికారులు సమన్వయంతో పనిచేయాలి : జిల్లా కలెక్టర్ అంకిత్ ఐ డి ఓ సి కార్యాలయం లో సోమవారం నిర్వహించిన ప్రజావాణి కార్యక్రమంలో జిల్లా కలెక్టర్ అంకిత్ ప్రజల నుండి వినతులు, ఫిర్యాదులను,అదనపు కలెక్టర్ వేణుగోపాల్, గృహ నిర్మాణ శాఖ పీడీ రవీంద్రనాథ్ తో కలసి స్వీకరించి సమగ్రంగా పరిశీలించారు. జిల్లాలోని పలు మండలాలు, గ్రామాల నుండి పెద్ద సంఖ్యలో ప్రజలు హాజరై తమ వ్యక్తిగత, సామూహిక సమస్యలను కలెక్టర్ దృష్టికి తీసుకువచ్చారు. ఈ సందర్భంగా కలెక్టర్ మాట్లాడుతూ ప్రజల సమస్యల పరిష్కారంలో శాఖల మధ్య సమన్వయం అత్యంత కీలకమని తెలిపారు. ప్రతి వినతిపత్రాన్ని బాధ్యతాయుతంగా పరిశీలించి తక్షణ చర్యలు చేపట్టాలని సంబంధిత శాఖల అధికారులను ఆదేశించారు. తక్షణ పరిష్కారం సాధ్యమయ్యే సమస్యలను వెంటనే పరిష్కరించాలని, మిగిలిన సమస్యలను నిర్ణీత గడువులోగా పూర్తి చేయాలని సూచించారు. ఫిర్యాదుల పరిష్కారంలో ఎటువంటి

నిర్లక్ష్యం, జాప్యం చోటుచేసుకోకుండా క్రమం తప్పకుండా పర్యవేక్షణ నిర్వహించాలని తెలిపారు. సమస్యల వెనుక ఉన్న మూల కారణాలను గుర్తించి శాశ్వత పరిష్కారానికి చర్యలు చేపట్టాలని అధికారులకు సూచించారు. ప్రజా సేవలో పారదర్శకత, బాధ్యతాయుత ధోరణితో పనిచేయాలని తెలిపారు. ప్రజలు తమ వినతులతో పాటు అవసరమైన ఆధార పత్రాలను సమర్పిస్తే సమస్యల పరిష్కారం మరింత వేగవంతమవుతుందని పేర్కొన్నారు. ప్రజావాణి కార్యక్రమం ద్వారా ప్రభుత్వ సేవలు ప్రజలకు మరింత చేరువ కావాలని, ప్రజల సమస్యలకు సమర్థవంతమైన పరిష్కారం అందించేందుకు అన్ని శాఖల అధికారులు సమిష్టిగా పనిచేయాలని జిల్లా కలెక్టర్ అంకిత్ ఆదేశించారు. ప్రజావాణిలో స్వీకరించిన కొన్ని దరఖాస్తులు : లక్ష్మీదేవిపల్లి మండలం మైలారం గ్రామానికి చెందిన రైతులు ఆర్‌వోఎఫ్‌ఆర్ వ్యవసాయ భూముల్లో ఆయిల్ పామ్ మొక్కలకు నీరు అందించేందుకు విద్యుత్ సదుపాయం కల్పించాలని వినతిపత్రం సమర్పించారు. ఫారెస్ట్ శాఖ అనుమతులు మంజూరు చేయకపోవడంతో కరెంట్ లైన్ వేయలేకపోతున్నామని,

దీంతో ఆయిల్ పామ్ మొక్కలు ఎండిపోతున్నాయని తెలిపారు. దరఖాస్తును పరిశీలించిన కలెక్టర్ తగు చర్యల నిమిత్తం ఐటీడీఏ పీవోకు ఎండార్స్ చేశారు. చుంచుపల్లి మండలం వెంకటేశ్వర కాలనీ గ్రామపంచాయతీకి చెందిన షేక్ పర్వీన్ నివసిస్తున్న ఇల్లు పూర్తిగా శిథిలావస్థకు చేరుకుందని, ఇందిరమ్మ ఇల్లు కోసం ప్రజాపాలనలో దరఖాస్తు చేసుకున్నప్పటికీ జాబితాలో పేరు లేదని తెలిపారు. ఇద్దరు చిన్న పిల్లలతో దయనీయ పరిస్థితుల్లో జీవనం సాగిస్తున్నానని పేర్కొంటూ ఇందిరమ్మ ఇల్లు మంజూరు చేయాలని కోరగా, దరఖాస్తును పరిశీలించిన కలెక్టర్ చర్యల నిమిత్తం చుంచుపల్లి ఎంపీడీవోకు ఎండార్స్ చేశారు. ఇల్లందుకు చెందిన శేషకుమారి యాక్సిడెంట్‌లో చేయి కోల్పోయి కుటుంబ పోషణ భారంగా మారిందని, తనకు మరియు తన తల్లికి ఇల్లు, పెన్షన్ సదుపాయం లేదని తెలిపారు. ఉపాధి అవకాశాలు కల్పించాలని కోరుతూ సమర్పించిన దరఖాస్తును పరిశీలించిన కలెక్టర్ తగు చర్యల నిమిత్తం ఇల్లందు తహసీల్దార్‌కు ఎండార్స్ చేశారు. ఇల్లందు

ఆరవ వార్డుకు చెందిన మహేష్ కుటుంబ రేషన్ కార్డు నుండి తన పేరు తొలగించారని, కొత్త రేషన్ కార్డు కోసం ఆరు నెలల క్రితం దరఖాస్తు చేసుకున్నప్పటికీ ఇంకా పెండింగ్‌లో చూపిస్తున్నారని తెలిపారు. తనకు కొత్త రేషన్ కార్డు మంజూరు చేయాలని కోరగా, దరఖాస్తును పరిశీలించిన కలెక్టర్ తగు చర్యల నిమిత్తం పౌరసరఫరాల శాఖ అధికారికి ఎండార్స్ చేశారు. కొత్తగూడెం గణేష్‌బస్తీ 54వ డివిజన్‌కు చెందిన ఎండీ గౌస్య తమ ఇంటి ముందు ఉన్న వేప చెట్టు కూలిపోవడంతో విద్యుత్ స్తంభం పడిపోయిందని, ఇంటిలో షాక్ వస్తోందని తెలిపారు. వర్షాకాలంలో ఇంట్లో నీరు కారడం వల్ల షార్ట్‌సర్క్యూట్ ప్రమాదం ఉందని పేర్కొంటూ సమస్య పరిష్కరించాలని కోరగా, దరఖాస్తును పరిశీలించిన కలెక్టర్ చర్యల నిమిత్తం విద్యుత్ శాఖ అధికారులకు ఎండార్స్ చేశారు. ఈ కార్యక్రమంలో అన్ని శాఖలకు చెందిన జిల్లా అధికారులు, సిబ్బంది పాల్గొన్నారు.