ବଳିଆପଣ୍ଡା ବିଜୟନଗର ବସ୍ତିକୁ ପଟ୍ଟା ଦାବି: ୭ ଦିନରେ ସମାଧାନ ନହେଲେ ଅନିର୍ଦ୍ଧିଷ୍ଟ ଅନଶନ ଚେତାବନୀ। ପୁରୀ: ବସ୍ତି ବାସିନ୍ଦାଙ୍କୁ ଭୂମି ଅଧିକାର ଦେବା ପାଇଁ ୨୦୧୭ ମସିହାରେ ଆରମ୍ଭ ହୋଇଥିବା “ଜାଗା ମିଶନ” ଯୋଜନା ଅନୁସାରେ ପୁରୀ ନିର୍ବାଚନ ମଣ୍ଡଳୀର ବିଭିନ୍ନ ବସ୍ତିରେ ପଟ୍ଟା ବଣ୍ଟନ ହୋଇଥିଲେ ମଧ୍ୟ ବଳିଆପଣ୍ଡାର ବିଜୟନଗର ବସ୍ତିକୁ “ସ୍ୱିଟ୍ ୱାଟର ଜୋନ” ଦେଖାଇ ଦୀର୍ଘଦିନ ପର୍ଯ୍ୟନ୍ତ ପଟ୍ଟା ଦିଆଯାଇନଥିଲା। ଏହା ପରେ ବସ୍ତିବାସିନ୍ଦାମାନେ ଲଗାତାର ଆନ୍ଦୋଳନ, ଦାବିପତ୍ର ଓ ଘେରାଉ କରିଆସୁଥିବା ବେଳେ ୨୦୧୮ରୁ ୨୦୨୪ ପର୍ଯ୍ୟନ୍ତ ପ୍ରଶାସନ ଉପରେ ଚାପ ଜାରି ରହିଥିଲା। ୨୦୨୧ରେ ଦ୍ୱିତୀୟ ଥର ପାଇଁ ଉଷା ସର୍ଭେ ହୋଇ ୧୭୮୪ ପରିବାରକୁ ଚିହ୍ନଟ କରାଯାଇଥିଲା। ଦୀର୍ଘ ସଂଘର୍ଷ ପରେ ୩୧ ଅଗଷ୍ଟ ୨୦୨୫ ରେ ପୁରୀ ପୌରସଂସ୍ଥା ସ୍ୱୟତ୍ତ ଶାସନ ଦିବସ ଅବସରରେ ପୁରୀ ଟାଉନ ହଲ୍‌ରେ ପ୍ରଥମ ପର୍ଯ୍ୟାୟରେ ୨୮୬ ଜଣଙ୍କୁ ମାଗଣା ପଟ୍ଟା ପ୍ରଦାନ କରାଯାଇଥିଲା। କିନ୍ତୁ ଏହା ପରେ ପ୍ରକ୍ରିୟା ଅଟକିଯିବାରୁ ଅନ୍ୟ ୧୫୦୦ରୁ ଅଧିକ ପରିବାର ଏପର୍ଯ୍ୟନ୍ତ ପଟ୍ଟା ପାଇବାରୁ ବଞ୍ଚିତ ରହିଛନ୍ତି। ପରେ ଅଧିକ ଜମି ଥିବା ଲୋକମାନଙ୍କୁ ଜମି ମୂଲ୍ୟ ପୌରପାଳିକାରେ ଡିପୋଜିଟ କରିବା ପାଇଁ ତାଲିକା ଦିଆଯାଇଥିଲା ଓ ୧୦୦ରୁ ଅଧିକ ଲୋକ ଟଙ୍କା ଜମା କରି ରସିଦ ମଧ୍ୟ ପାଇଛନ୍ତି। ସମୁଦାୟ ୪୮୪ ଜଣଙ୍କୁ ଏହି ତାଲିକାରେ ଚିହ୍ନଟ କରାଯାଇଥିଲା। ତଥାପି ସମସ୍ୟାର ସ୍ଥାୟୀ ସମାଧାନ ନ ହେବାରୁ ବଳିଆପଣ୍ଡା ବସ୍ତିବାସିନ୍ଦାମାନେ ପୁନଃ ଆନ୍ଦୋଳନ ମୁଖରେ ଯାଇଛନ୍ତି। ବଳଗଣ୍ଡି ଛକସ୍ଥିତ ଭକ୍ତ ସାଲେବେଗ ପିଠରେ ଆୟୋଜିତ ସାମ୍ବାଦିକ ସମ୍ମିଳନୀରେ ବସ୍ତି ସଭାନେତ୍ରୀ ବାସନ୍ତୀ ମୁଦି ଓ ବସ୍ତି ଅଧିକାର ସମିତିର ନେତାମାନେ ୭ ଦିନ ମଧ୍ୟରେ ସମସ୍ତ ଯୋଗ୍ୟ ପରିବାରକୁ ପଟ୍ଟା ପ୍ରଦାନ କରିବାକୁ ଦାବି କରିଛନ୍ତି। ସେମାନେ ଚେତାବନୀ ଦେଇଛନ୍ତି ଯେ, ଦାବି ପୂରଣ ନହେଲେ ସମସ୍ତ ବସ୍ତିବାସିନ୍ଦା ଅନିର୍ଦ୍ଧିଷ୍ଟ ଅହୋରାତ୍ରି ଅନଶନରେ ବସିବେ। ଏହି ସମୟରେ ପୁରୀ ଜିଲ୍ଲା ଯୁବ କଂଗ୍ରେସ ସଭାପତି ଆଲୋକ କୁମାର ଦାଶ ଆନ୍ଦୋଳନକୁ ସମର୍ଥନ କରି ସରକାର ବିରୋଧରେ ଆହୁରି ଜୋରଦାର ଲଢେଇ କରିବାକୁ ଆହ୍ୱାନ ଦେଇଛନ୍ତି। ସ୍ଥାନୀୟ ଲୋକଙ୍କ ମତଅନୁସାରେ, ବର୍ଷରୁ ବର୍ଷ ଧରି ଚାଲୁଥିବା ଏହି ଭୂମି ଅଧିକାର ସଂଘର୍ଷର ସ୍ଥାୟୀ ସମାଧାନ ପାଇଁ ପ୍ରଶାସନଙ୍କ ତତ୍କାଳ ପଦକ୍ଷେପ ଆବଶ୍ୟକ।

Manoj kumar baliyarsingh

ସାମ୍ବାଦିକ ପୁରୀ (M), ପୁରୀ, ଓଡ଼ିଶା•

1 hr ago

ବଳିଆପଣ୍ଡା ବିଜୟନଗର ବସ୍ତିକୁ ପଟ୍ଟା ଦାବି: ୭ ଦିନରେ ସମାଧାନ ନହେଲେ ଅନିର୍ଦ୍ଧିଷ୍ଟ ଅନଶନ ଚେତାବନୀ। ପୁରୀ: ବସ୍ତି ବାସିନ୍ଦାଙ୍କୁ ଭୂମି ଅଧିକାର ଦେବା ପାଇଁ ୨୦୧୭ ମସିହାରେ ଆରମ୍ଭ ହୋଇଥିବା “ଜାଗା ମିଶନ” ଯୋଜନା ଅନୁସାରେ ପୁରୀ ନିର୍ବାଚନ ମଣ୍ଡଳୀର ବିଭିନ୍ନ ବସ୍ତିରେ ପଟ୍ଟା ବଣ୍ଟନ ହୋଇଥିଲେ ମଧ୍ୟ ବଳିଆପଣ୍ଡାର ବିଜୟନଗର ବସ୍ତିକୁ “ସ୍ୱିଟ୍ ୱାଟର ଜୋନ” ଦେଖାଇ ଦୀର୍ଘଦିନ ପର୍ଯ୍ୟନ୍ତ ପଟ୍ଟା ଦିଆଯାଇନଥିଲା। ଏହା ପରେ ବସ୍ତିବାସିନ୍ଦାମାନେ ଲଗାତାର ଆନ୍ଦୋଳନ, ଦାବିପତ୍ର ଓ ଘେରାଉ କରିଆସୁଥିବା ବେଳେ ୨୦୧୮ରୁ ୨୦୨୪ ପର୍ଯ୍ୟନ୍ତ

ପ୍ରଶାସନ ଉପରେ ଚାପ ଜାରି ରହିଥିଲା। ୨୦୨୧ରେ ଦ୍ୱିତୀୟ ଥର ପାଇଁ ଉଷା ସର୍ଭେ ହୋଇ ୧୭୮୪ ପରିବାରକୁ ଚିହ୍ନଟ କରାଯାଇଥିଲା। ଦୀର୍ଘ ସଂଘର୍ଷ ପରେ ୩୧ ଅଗଷ୍ଟ ୨୦୨୫ ରେ ପୁରୀ ପୌରସଂସ୍ଥା ସ୍ୱୟତ୍ତ ଶାସନ ଦିବସ ଅବସରରେ ପୁରୀ ଟାଉନ ହଲ୍‌ରେ ପ୍ରଥମ ପର୍ଯ୍ୟାୟରେ ୨୮୬ ଜଣଙ୍କୁ ମାଗଣା ପଟ୍ଟା ପ୍ରଦାନ କରାଯାଇଥିଲା। କିନ୍ତୁ ଏହା ପରେ ପ୍ରକ୍ରିୟା ଅଟକିଯିବାରୁ ଅନ୍ୟ ୧୫୦୦ରୁ ଅଧିକ ପରିବାର ଏପର୍ଯ୍ୟନ୍ତ ପଟ୍ଟା ପାଇବାରୁ ବଞ୍ଚିତ ରହିଛନ୍ତି। ପରେ ଅଧିକ ଜମି ଥିବା ଲୋକମାନଙ୍କୁ ଜମି

ମୂଲ୍ୟ ପୌରପାଳିକାରେ ଡିପୋଜିଟ କରିବା ପାଇଁ ତାଲିକା ଦିଆଯାଇଥିଲା ଓ ୧୦୦ରୁ ଅଧିକ ଲୋକ ଟଙ୍କା ଜମା କରି ରସିଦ ମଧ୍ୟ ପାଇଛନ୍ତି। ସମୁଦାୟ ୪୮୪ ଜଣଙ୍କୁ ଏହି ତାଲିକାରେ ଚିହ୍ନଟ କରାଯାଇଥିଲା। ତଥାପି ସମସ୍ୟାର ସ୍ଥାୟୀ ସମାଧାନ ନ ହେବାରୁ ବଳିଆପଣ୍ଡା ବସ୍ତିବାସିନ୍ଦାମାନେ ପୁନଃ ଆନ୍ଦୋଳନ ମୁଖରେ ଯାଇଛନ୍ତି। ବଳଗଣ୍ଡି ଛକସ୍ଥିତ ଭକ୍ତ ସାଲେବେଗ ପିଠରେ ଆୟୋଜିତ ସାମ୍ବାଦିକ ସମ୍ମିଳନୀରେ ବସ୍ତି ସଭାନେତ୍ରୀ ବାସନ୍ତୀ ମୁଦି ଓ ବସ୍ତି ଅଧିକାର ସମିତିର ନେତାମାନେ ୭ ଦିନ ମଧ୍ୟରେ ସମସ୍ତ ଯୋଗ୍ୟ ପରିବାରକୁ

ପଟ୍ଟା ପ୍ରଦାନ କରିବାକୁ ଦାବି କରିଛନ୍ତି। ସେମାନେ ଚେତାବନୀ ଦେଇଛନ୍ତି ଯେ, ଦାବି ପୂରଣ ନହେଲେ ସମସ୍ତ ବସ୍ତିବାସିନ୍ଦା ଅନିର୍ଦ୍ଧିଷ୍ଟ ଅହୋରାତ୍ରି ଅନଶନରେ ବସିବେ। ଏହି ସମୟରେ ପୁରୀ ଜିଲ୍ଲା ଯୁବ କଂଗ୍ରେସ ସଭାପତି ଆଲୋକ କୁମାର ଦାଶ ଆନ୍ଦୋଳନକୁ ସମର୍ଥନ କରି ସରକାର ବିରୋଧରେ ଆହୁରି ଜୋରଦାର ଲଢେଇ କରିବାକୁ ଆହ୍ୱାନ ଦେଇଛନ୍ତି। ସ୍ଥାନୀୟ ଲୋକଙ୍କ ମତଅନୁସାରେ, ବର୍ଷରୁ ବର୍ଷ ଧରି ଚାଲୁଥିବା ଏହି ଭୂମି ଅଧିକାର ସଂଘର୍ଷର ସ୍ଥାୟୀ ସମାଧାନ ପାଇଁ ପ୍ରଶାସନଙ୍କ ତତ୍କାଳ ପଦକ୍ଷେପ ଆବଶ୍ୟକ।