वंचित बहुजन आघाडी पुणे शहराच्या वतीने आज रास्ता पेठ, पुणे येथील महावितरण कार्यालयासमोर जनआक्रोश आंदोलन करण्यात आले. राज्यभरात महावितरणकडून सुरू असलेल्या स्मार्ट मीटर बसवण्याच्या सक्तीविरोधात आणि वीज ग्राहकांच्या हितसंरक्षणासाठी हे आंदोलन करण्यात आले. यावेळी वीज ग्राहकांच्या संमतीशिवाय स्मार्ट मीटर बसवण्याच्या प्रकाराचा तीव्र निषेध करण्यात आला. आंदोलनकर्त्यांनी आरोप केला की, वीज ग्राहकांची पूर्वपरवानगी घेणे आवश्यक असताना, महावितरणचे कर्मचारी अनेक ठिकाणी नागरिकांना कोणतीही पूर्वसूचना न देता जुने मीटर बदलून स्मार्ट मीटर बसवत आहेत. आंदोलनकर्त्यांनी भीती व्यक्त केली की, स्मार्ट मीटर बसविल्यानंतर वीज बिल वेळेत न भरल्यास वीजपुरवठा तात्काळ खंडित होऊ शकतो, तसेच स्मार्ट मीटरमुळे वीज बिलामध्ये मोठी वाढ होण्याची शक्यता आहे. त्यांच्या मते, आधीच वाढती महागाई, बेरोजगारी आणि आर्थिक अडचणींचा सामना करणाऱ्या सामान्य, गरीब व वंचित नागरिकांवर हा अतिरिक्त आर्थिक बोजा टाकण्याचा प्रयत्न आहे. वंचित बहुजन आघाडीने महाराष्ट्र शासन तसेच स्वतःला विरोधी पक्ष म्हणवून घेणाऱ्या पक्षांवरही जनतेच्या प्रश्नांवर मौन बाळगल्याबद्दल टीका केली. त्यांनी असाही आरोप केला की, सर्वसामान्य वीज ग्राहकांच्या हिताचा विचार न करता ही स्मार्ट मीटर योजना काही मोजक्या उद्योगपतींच्या फायद्यासाठी राबविली जात आहे. वंचित बहुजन आघाडी पुणे शहराच्या वतीने महावितरणला स्मार्ट मीटर बसवण्याची सक्ती तात्काळ थांबवण्याचा इशारा देण्यात आला. अन्यथा, आगामी काळात आंदोलन अधिक तीव्र करण्यात येईल, तसेच स्मार्ट मीटरची होळी करून व्यापक जनआंदोलन उभारण्यात येईल, असे स्पष्ट करण्यात आले. या आंदोलनात वंचित बहुजन आघाडीच्या पुणे शहरातील सर्व विभागांचे पदाधिकारी, कार्यकर्ते आणि पर्वती विधानसभा मतदारसंघातील पदाधिकारी मोठ्या संख्येने उपस्थित होते.

पत्रकार सुधाकर गायकवाड

Advertising agency Pune City, Maharashtra•

6 hrs ago

वंचित बहुजन आघाडी पुणे शहराच्या वतीने आज रास्ता पेठ, पुणे येथील महावितरण कार्यालयासमोर जनआक्रोश आंदोलन करण्यात आले. राज्यभरात महावितरणकडून सुरू असलेल्या स्मार्ट मीटर बसवण्याच्या सक्तीविरोधात आणि वीज ग्राहकांच्या हितसंरक्षणासाठी हे आंदोलन करण्यात आले. यावेळी वीज ग्राहकांच्या संमतीशिवाय स्मार्ट मीटर बसवण्याच्या प्रकाराचा तीव्र निषेध करण्यात आला. आंदोलनकर्त्यांनी आरोप केला की, वीज ग्राहकांची पूर्वपरवानगी घेणे आवश्यक असताना, महावितरणचे कर्मचारी अनेक ठिकाणी नागरिकांना कोणतीही पूर्वसूचना न देता जुने मीटर बदलून स्मार्ट मीटर बसवत आहेत. आंदोलनकर्त्यांनी भीती व्यक्त केली की, स्मार्ट मीटर बसविल्यानंतर वीज बिल वेळेत न भरल्यास वीजपुरवठा तात्काळ खंडित होऊ शकतो, तसेच स्मार्ट मीटरमुळे वीज बिलामध्ये मोठी वाढ होण्याची शक्यता आहे. त्यांच्या मते, आधीच वाढती महागाई, बेरोजगारी आणि आर्थिक अडचणींचा सामना करणाऱ्या सामान्य, गरीब व वंचित नागरिकांवर हा अतिरिक्त आर्थिक बोजा टाकण्याचा प्रयत्न आहे. वंचित बहुजन आघाडीने महाराष्ट्र शासन तसेच स्वतःला विरोधी पक्ष म्हणवून घेणाऱ्या पक्षांवरही जनतेच्या प्रश्नांवर मौन बाळगल्याबद्दल टीका केली. त्यांनी असाही आरोप केला की, सर्वसामान्य वीज ग्राहकांच्या हिताचा विचार न करता ही स्मार्ट मीटर योजना काही मोजक्या उद्योगपतींच्या फायद्यासाठी राबविली जात आहे. वंचित बहुजन आघाडी पुणे शहराच्या वतीने महावितरणला स्मार्ट मीटर बसवण्याची सक्ती तात्काळ थांबवण्याचा इशारा देण्यात आला. अन्यथा, आगामी काळात आंदोलन अधिक तीव्र करण्यात येईल, तसेच स्मार्ट मीटरची होळी करून व्यापक जनआंदोलन उभारण्यात येईल, असे स्पष्ट करण्यात आले. या आंदोलनात वंचित बहुजन आघाडीच्या पुणे शहरातील सर्व विभागांचे पदाधिकारी, कार्यकर्ते आणि पर्वती विधानसभा मतदारसंघातील पदाधिकारी मोठ्या संख्येने उपस्थित होते.