ମାଲକାନଗିରି ଜିଲ୍ଲାର କାଲିମେଳା ସାପ୍ତାହିକ ହାଟରେ ଅସହ୍ୟ ତାତି ଯୋଗୁଁ ବ୍ୟବସାୟ ସମ୍ପୂର୍ଣ୍ଣ ମାନ୍ଦା ପଡ଼ିଯାଇଛି, ଯାହା ଫଳରେ ହାଟ ଖାଁ ଖାଁ ଲାଗୁଛି। ଜିଲ୍ଲାର ସବୁଠାରୁ ବଡ଼ ହାଟ ଭାବେ ପରିଚିତ ଏହି ବଜାରରେ ଏବେ ତାପମାତ୍ରା ୪୪ ଡିଗ୍ରୀ ସେଲସିୟସରେ ପହଞ୍ଚିଛି। ଖରା ପ୍ରଖରତା ଯୋଗୁଁ ବ୍ୟବସାୟୀମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି; କିଏ ଓଦା ଗାମୁଛା ମୁଣ୍ଡରେ ପକାଇଛି ତ ଆଉ କିଏ ପାଣି ପିଇ ଗ୍ରାହକଙ୍କ ଆସିବା ବାଟକୁ ଚାହିଁ ରହିଛି। ବ୍ୟବସାୟୀଙ୍କ କହିବା ଅନୁଯାୟୀ, ଗତ ତିନି ସପ୍ତାହ ହେଲା ହାଟରେ ବେପାର ବନ୍ଦ ପ୍ରାୟ ହୋଇଯାଇଛି। ଭଳିକି ଭଳି ଦୋକାନ ଖୋଲିଥିଲେ ମଧ୍ୟ ଗ୍ରାହକଙ୍କ ସଂଖ୍ୟା ନଗଣ୍ୟ। ଯଦି ଏହି ଅବସ୍ଥା ଆଗକୁ ଲାଗି ରୁହେ, ତେବେ ସେମାନଙ୍କ ଗାଡ଼ି ଭଡ଼ା ବାହାରିବା କଷ୍ଟ ହେବା ସହ ବାହାରୁ ଆସୁଥିବା ପନିପରିବା ମଧ୍ୟ ନଷ୍ଟ ହୋଇଯିବ। ଏହି ପରିସ୍ଥିତିରେ ସ୍ଥାନୀୟ ଚାଷୀଙ୍କ ସମେତ ବ୍ୟବସାୟୀମାନେ ମଧ୍ୟ ବ୍ୟାପକ କ୍ଷତି ସହିବାକୁ ବାଧ୍ୟ ହେବେ ବୋଲି ଆଶଙ୍କା ପ୍ରକାଶ ପାଇଛି।

Santosh panda

Newsstand ଏମ.ଭି. 79, ମାଲକାନଗିରି, ଓଡ଼ିଶା•

10 hrs ago

ମାଲକାନଗିରି ଜିଲ୍ଲାର କାଲିମେଳା ସାପ୍ତାହିକ ହାଟରେ ଅସହ୍ୟ ତାତି ଯୋଗୁଁ ବ୍ୟବସାୟ ସମ୍ପୂର୍ଣ୍ଣ ମାନ୍ଦା ପଡ଼ିଯାଇଛି, ଯାହା ଫଳରେ ହାଟ ଖାଁ ଖାଁ ଲାଗୁଛି। ଜିଲ୍ଲାର ସବୁଠାରୁ ବଡ଼ ହାଟ ଭାବେ ପରିଚିତ ଏହି ବଜାରରେ ଏବେ ତାପମାତ୍ରା ୪୪ ଡିଗ୍ରୀ ସେଲସିୟସରେ ପହଞ୍ଚିଛି। ଖରା ପ୍ରଖରତା ଯୋଗୁଁ ବ୍ୟବସାୟୀମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି; କିଏ ଓଦା ଗାମୁଛା ମୁଣ୍ଡରେ ପକାଇଛି ତ ଆଉ କିଏ ପାଣି ପିଇ ଗ୍ରାହକଙ୍କ ଆସିବା ବାଟକୁ ଚାହିଁ ରହିଛି। ବ୍ୟବସାୟୀଙ୍କ କହିବା ଅନୁଯାୟୀ, ଗତ ତିନି ସପ୍ତାହ ହେଲା ହାଟରେ ବେପାର ବନ୍ଦ ପ୍ରାୟ ହୋଇଯାଇଛି। ଭଳିକି ଭଳି ଦୋକାନ ଖୋଲିଥିଲେ ମଧ୍ୟ ଗ୍ରାହକଙ୍କ ସଂଖ୍ୟା ନଗଣ୍ୟ। ଯଦି ଏହି ଅବସ୍ଥା ଆଗକୁ ଲାଗି ରୁହେ, ତେବେ ସେମାନଙ୍କ ଗାଡ଼ି ଭଡ଼ା ବାହାରିବା କଷ୍ଟ ହେବା ସହ ବାହାରୁ ଆସୁଥିବା ପନିପରିବା ମଧ୍ୟ ନଷ୍ଟ ହୋଇଯିବ। ଏହି ପରିସ୍ଥିତିରେ ସ୍ଥାନୀୟ ଚାଷୀଙ୍କ ସମେତ ବ୍ୟବସାୟୀମାନେ ମଧ୍ୟ ବ୍ୟାପକ କ୍ଷତି ସହିବାକୁ ବାଧ୍ୟ ହେବେ ବୋଲି ଆଶଙ୍କା ପ୍ରକାଶ ପାଇଛି।