Shuru
Apke Nagar Ki App…
पुणे-अहमदनगर महामार्गावरील सरदवाडी परिसरात शनिवारी (दि. 30) पहाटे सुमारे 1 वाजण्याच्या सुमारास एक भीषण अपघात घडला. भरधाव वेगाने आलेल्या एसटी बसने ट्रॅव्हल्स बसला पाठीमागून जोरदार धडक दिल्याने या अपघातात अनेक प्रवासी जखमी झाले असून, तीन वाहनांचे मोठे नुकसान झाले आहे. या प्रकरणी अजय रोहीदास माने (वय 28, रा. घोलपवाडी, ता. शिरूर) यांनी शिरूर पोलिस ठाण्यात तक्रार दाखल केली आहे. फिर्यादीनुसार, धुळे आगारातील एसटी बस (एमएच 18 बीझेड 1252) चालक प्रशांत संजय पाटील याने बस भरधाव वेगाने आणि वाहतूक नियमांकडे दुर्लक्ष करून चालविल्याचा आरोप आहे. या बसने पुढे असलेल्या मेहूल ट्रॅव्हल्सच्या बसला (एनएल 01 बी 2018) धडक दिली, ज्यामुळे एसटी बसमधील प्रवासी तसेच इतर वाहनांतील काही जण जखमी झाले. अपघातात फिर्यादी यांच्या एमएच 14 एचडब्ल्यू 3307 क्रमांकाच्या वाहनासह एसटी बस आणि ट्रॅव्हल्स बसचे नुकसान झाले. घटनेनंतर जखमींना उपचारासाठी रुग्णालयात दाखल करण्यात आले आहे. शिरूर पोलिस ठाण्यात या प्रकरणी गुन्हा क्रमांक 495/2026 अंतर्गत भारतीय न्याय संहिता कलम 125(अ), 324(4), 324(5), 281 तसेच मोटार वाहन कायदा कलम 184 अन्वये एसटी चालकाविरुद्ध गुन्हा दाखल करण्यात आला असून, पुढील तपास शिरूर पोलिस करत आहेत.
Satish Dhumal
पुणे-अहमदनगर महामार्गावरील सरदवाडी परिसरात शनिवारी (दि. 30) पहाटे सुमारे 1 वाजण्याच्या सुमारास एक भीषण अपघात घडला. भरधाव वेगाने आलेल्या एसटी बसने ट्रॅव्हल्स बसला पाठीमागून जोरदार धडक दिल्याने या अपघातात अनेक प्रवासी जखमी झाले असून, तीन वाहनांचे मोठे नुकसान झाले आहे. या प्रकरणी अजय रोहीदास माने (वय 28, रा. घोलपवाडी, ता. शिरूर) यांनी शिरूर पोलिस ठाण्यात तक्रार दाखल केली आहे. फिर्यादीनुसार, धुळे आगारातील एसटी बस (एमएच 18 बीझेड 1252) चालक प्रशांत संजय पाटील याने बस भरधाव वेगाने आणि वाहतूक नियमांकडे दुर्लक्ष करून चालविल्याचा आरोप आहे. या बसने पुढे असलेल्या मेहूल ट्रॅव्हल्सच्या बसला (एनएल 01 बी 2018) धडक दिली, ज्यामुळे एसटी बसमधील प्रवासी तसेच इतर वाहनांतील काही जण जखमी झाले. अपघातात फिर्यादी यांच्या एमएच 14 एचडब्ल्यू 3307 क्रमांकाच्या वाहनासह एसटी बस आणि ट्रॅव्हल्स बसचे नुकसान झाले. घटनेनंतर जखमींना उपचारासाठी रुग्णालयात दाखल करण्यात आले आहे. शिरूर पोलिस ठाण्यात या प्रकरणी गुन्हा क्रमांक 495/2026 अंतर्गत भारतीय न्याय संहिता कलम 125(अ), 324(4), 324(5), 281 तसेच मोटार वाहन कायदा कलम 184 अन्वये एसटी चालकाविरुद्ध गुन्हा दाखल करण्यात आला असून, पुढील तपास शिरूर पोलिस करत आहेत.
More news from महाराष्ट्र and nearby areas
- शिरूर एमआयडीसी पोलिसांनी निमगाव भोगी येथील शेळके वस्ती परिसरात छापा टाकून गावठी हातभट्टी दारू निर्मितीचा मोठा अड्डा उद्ध्वस्त केला आहे. या कारवाईत पोलिसांनी १ लाख ५ हजार रुपयांचा मुद्देमाल जप्त करून एका आरोपीला अटक केली आहे, ज्याला न्यायालयाने ३ जूनपर्यंत पोलिस कोठडी सुनावली आहे. पोलिसांनी दिलेल्या माहितीनुसार, निलेश गुलाब लोंढे (वय ३४, रा. शेवाळे वस्ती, निमगाव भोगी, ता. शिरूर) याला २९ मे रोजी अटक करण्यात आली. त्याच्याविरुद्ध शिरूर पोलिस ठाण्यात गुन्हा क्रमांक २५०/२०२६ दाखल करण्यात आला आहे. निमगाव भोगी येथील शेळके वस्ती परिसरात शुक्रवारी (दि. २९) सायंकाळी सुमारे ७ वाजण्याच्या सुमारास ही कारवाई करण्यात आली. यावेळी आरोपीकडे तयार हातभट्टी दारू, तसेच दारू निर्मितीसाठी वापरले जाणारे कच्चे रसायन आणि साहित्य आढळून आले. कारवाईदरम्यान सुमारे ५०० लिटर कच्चे रसायन, २०० लिटर तयार गावठी हातभट्टी दारू आणि एक अल्टो कार (एमएच १२ पीएन ३६३४) असा एकूण १ लाख ५ हजार रुपयांचा मुद्देमाल जप्त करण्यात आला. घटनास्थळी असलेले दारू निर्मितीसाठीचे रसायन व साहित्य दोन जेसीबी मशीनच्या साहाय्याने जागीच नष्ट करण्यात आले. आरोपीविरुद्ध भारतीय न्याय संहिता कलम १२३ आणि महाराष्ट्र दारूबंदी कायदा कलम ६५ (ई) अन्वये गुन्हा दाखल करण्यात आला आहे. विशेष म्हणजे, आरोपीविरुद्ध यापूर्वीही दारूबंदी कायद्यांतर्गत तीन गुन्हे दाखल असल्याची माहिती पोलिसांनी दिली आहे. पोलीस निरीक्षक महादेव वाघमोडे यांच्या मार्गदर्शनाखाली पोलीस उपनिरीक्षक निळकंठ तिडके, विलास आंबेकर, संतोष औटी, उमेश कुतवळ, योगेश गुंड, विद्या बनकर, किशोर शिवणकर, अमोल रासकर, अजित पवार आणि चालक ज्ञानेश्वर शिंदे यांच्या पथकाने ही कारवाई यशस्वी केली. पुढील तपास पोलीस उपनिरीक्षक थोरात करीत आहेत.1Satish Dhumal
- पुणे जिल्ह्यातील चाकण तळेगाव चौकात वाहतूक पोलिसांकडून धडक कारवाईची मोहीम राबवण्यात येणार आहे. मिळालेल्या माहितीनुसार, ही कठोर कारवाई यापुढेही सातत्याने सुरूच ठेवण्यात येईल, असे वाहतूक पोलिसांनी स्पष्ट केले आहे.1महेश भिंगारे
- लोकमाता पुण्यश्लोक अहिल्यादेवी होळकर यांच्या जयंतीनिमित्त चौँडी, जामखेड येथे विशेष कार्यक्रम आयोजित करण्यात आला आहे. या शुभप्रसंगी संपूर्ण परिसरात आकर्षक विद्युत रोषणाई करण्यात आली असून, यामुळे जयंती उत्सवाला एक वेगळीच शोभा प्राप्त झाली आहे.1लोकमान्य टाइम्स
- नाशिक जिल्ह्यातील सटाणा शहरात पौर्णिमेच्या मध्यरात्री एका धक्कादायक घटनेने खळबळ उडाली आहे. शहरातील जुन्या अमरधाममध्ये काही अज्ञात व्यक्तींनी अघोरी पूजा केल्याचा प्रकार उघडकीस आला असून, यामुळे परिसरात भीतीचे वातावरण पसरले आहे. अंधश्रद्धेच्या या प्रकारावर तीव्र संताप व्यक्त केला जात आहे. मिळालेल्या माहितीनुसार, पौर्णिमेच्या मध्यरात्री काही व्यक्ती आलिशान गाड्यांमधून सटाण्यातील या स्मशानभूमीत दाखल झाल्या होत्या. या गटात एका मांत्रिकाचा समावेश होता, ज्याने मृतदेहाचे दहन केले जाते त्याच पवित्र आणि संवेदनशील जागेवर लिंबू, अंडी आणि कवड्यांचा वापर करून अघोरी विधी करण्यास सुरुवात केली. मध्यरात्री सुरू असलेल्या या संशयास्पद हालचालींची कुणकुण लागताच काही जागरूक नागरिकांनी घटनास्थळाकडे धाव घेतली. नागरिक येत असल्याचे लक्षात येताच हे लोक तेथून पसार झाले, मात्र विधीसाठी वापरलेले साहित्य अजूनही तिथे विखुरलेल्या अवस्थेत आढळले आहे. मृतदेहाच्या जाळण्याच्या जागेवर अशा प्रकारे अघोरी कृत्य केल्याने नागरिकांनी या घटनेचा तीव्र निषेध केला असून, अंधश्रद्धा पसरवणाऱ्या या टोळीचा शोध घेऊन त्यांच्यावर कडक कारवाई करण्याची मागणी केली जात आहे. सटाणा पोलिसांनी या घटनेची दखल घेतली असून, अधिक तपास सुरू आहे.1विशेष तपास न्युज
- खासदार सुप्रिया सुळे यांनी अन्नधान्याच्या वाहतुकीतील भ्रष्टाचाराबाबत एक महत्त्वाची भूमिका मांडली आहे. त्यांनी स्पष्टपणे म्हटले आहे की, जर अन्नधान्याच्या ट्रान्सपोर्टमध्ये भ्रष्टाचार होत असेल, तर आम्ही तो कोणत्याही परिस्थितीत होऊ देणार नाही.1NEWS 24 MAHARASHTRA
- पुण्यातील राज्य उत्पादन शुल्क विभागाच्या कार्यालयात 'दिवाखाली अंधार' असल्याचा एक धक्कादायक प्रकार समोर आला आहे. ज्या विभागावर अवैध दारू पकडण्याची मोठी जबाबदारी आहे, त्याच पुणे कार्यालयाच्या आवारात एका कुंडीत चक्क व्होडकाची बाटली आढळून आल्याने खळबळ उडाली आहे. या प्रकारानंतर एका कार्यकर्त्याने थेट अधिकाऱ्यांसमोर ती व्होडकाची बाटली ठेवून जाब विचारला. अधिकाऱ्यांना 'आरसा' दाखवल्याचा हा व्हिडिओ सध्या सोशल मीडियावर, विशेषतः इंस्टाग्रामवर, मोठ्या प्रमाणात व्हायरल होत आहे.1क्राईम महाराष्ट्र लाईव्ह न्यूज
- पिंपरी चिंचवडमध्ये मंत्री गिरीश महाजन यांच्या अचानक दौऱ्यामुळे पोलिसांची चांगलीच तारांबळ उडाली. दापोडी पोलीस स्टेशन परिसरात रस्त्याच्या दुतर्फा पार्क केलेली वाहने हटवण्यासाठी पोलिसांना अक्षरशः ‘दे धक्का’ करावा लागला. अनेक वाहनचालकांशी संपर्क होऊ न शकल्याने, पोलिसांना लॉक केलेली वाहने उघडण्यासाठीही शर्थीचे प्रयत्न करावे लागले. विशेष म्हणजे, वाहतूक पोलिसांना एका पोलिसांच्याच वाहनाचे लॉक उघडताना मोठी धावपळ करावी लागली. मंत्री महाजन हे विषारी दारू प्रकरणातील मृतांच्या कुटुंबीयांची भेट घेण्यासाठी आणि या प्रकरणाच्या तपासाचा आढावा घेण्यासाठी येण्याची शक्यता होती. यामुळेच पिंपरी चिंचवड पोलिसांवर मोठा ताण निर्माण झाल्याचे दिसून आले.1Thenayak
- पिंपरी चिंचवडमध्ये मध्यरात्री एक धक्कादायक प्रकार समोर आला आहे. संत तुकाराम नगर परिसरात एका टपोरी तरुणाने रस्त्याच्या कडेला पार्क केलेल्या कारची बेसबॉल स्टिकने निर्घृण तोडफोड केली. ही संपूर्ण घटना सीसीटीव्ही कॅमेऱ्यात कैद झाली आहे, ज्यामुळे परिसरात भीती आणि संतापाचे वातावरण निर्माण झाले आहे. मध्यरात्रीच्या सुमारास हा तरुण बेसबॉल स्टिक घेऊन परिसरात आला आणि अचानक एका कारवर तुफान हल्ला चढवत तिच्या काचा व गाडीचे मोठे नुकसान केले. गाडी फोडण्याचा आवाज ऐकून स्थानिक नागरिक घराबाहेर आले असता, या माथेफिरूने त्यांनाही स्टिक दाखवत दमदाटी केली आणि त्यानंतर तो घटनास्थळावरून पसार झाला. याप्रकरणी कार मालकाने संत तुकाराम नगर पोलीस ठाण्यात तक्रार दाखल केली आहे. पोलिसांनी सीसीटीव्ही फुटेजच्या आधारे आरोपीचा शोध सुरू केला आहे. या घटनेमुळे परिसरातील नागरिकांमध्ये दहशत निर्माण झाली आहे.1Thenayak
