पिंपरी चिंचवडमध्ये मंत्री गिरीश महाजन यांच्या अचानक दौऱ्यामुळे पोलिसांची चांगलीच तारांबळ उडाली. दापोडी पोलीस स्टेशन परिसरात रस्त्याच्या दुतर्फा पार्क केलेली वाहने हटवण्यासाठी पोलिसांना अक्षरशः ‘दे धक्का’ करावा लागला. अनेक वाहनचालकांशी संपर्क होऊ न शकल्याने, पोलिसांना लॉक केलेली वाहने उघडण्यासाठीही शर्थीचे प्रयत्न करावे लागले. विशेष म्हणजे, वाहतूक पोलिसांना एका पोलिसांच्याच वाहनाचे लॉक उघडताना मोठी धावपळ करावी लागली. मंत्री महाजन हे विषारी दारू प्रकरणातील मृतांच्या कुटुंबीयांची भेट घेण्यासाठी आणि या प्रकरणाच्या तपासाचा आढावा घेण्यासाठी येण्याची शक्यता होती. यामुळेच पिंपरी चिंचवड पोलिसांवर मोठा ताण निर्माण झाल्याचे दिसून आले.

पुण्यातील राज्य उत्पादन शुल्क विभागाच्या कार्यालयात 'दिवाखाली अंधार' असल्याचा एक धक्कादायक प्रकार समोर आला आहे. ज्या विभागावर अवैध दारू पकडण्याची मोठी जबाबदारी आहे, त्याच पुणे कार्यालयाच्या आवारात एका कुंडीत चक्क व्होडकाची बाटली आढळून आल्याने खळबळ उडाली आहे. या प्रकारानंतर एका कार्यकर्त्याने थेट अधिकाऱ्यांसमोर ती व्होडकाची बाटली ठेवून जाब विचारला. अधिकाऱ्यांना 'आरसा' दाखवल्याचा हा व्हिडिओ सध्या सोशल मीडियावर, विशेषतः इंस्टाग्रामवर, मोठ्या प्रमाणात व्हायरल होत आहे.

खासदार सुप्रिया सुळे यांनी अन्नधान्याच्या वाहतुकीतील भ्रष्टाचाराबाबत एक महत्त्वाची भूमिका मांडली आहे. त्यांनी स्पष्टपणे म्हटले आहे की, जर अन्नधान्याच्या ट्रान्सपोर्टमध्ये भ्रष्टाचार होत असेल, तर आम्ही तो कोणत्याही परिस्थितीत होऊ देणार नाही.

राष्ट्रवादी काँग्रेसचे ज्येष्ठ नेते जयंत पाटील यांचे भाचे आणि माजी राज्यमंत्री प्राजक्त तनपुरे यांनी अखेर भारतीय जनता पक्षात (भाजप) प्रवेश केला आहे.

पुणे जिल्ह्यातील चाकण तळेगाव चौकात वाहतूक पोलिसांकडून धडक कारवाईची मोहीम राबवण्यात येणार आहे. मिळालेल्या माहितीनुसार, ही कठोर कारवाई यापुढेही सातत्याने सुरूच ठेवण्यात येईल, असे वाहतूक पोलिसांनी स्पष्ट केले आहे.

शिरूरच्या आनंद सोसायटी परिसरात झालेल्या २४ लाख रुपयांच्या घरफोडीचा शिरूर पोलिसांच्या डी.बी. पथकाने यशस्वीपणे उलगडा केला आहे. या प्रकरणी, चोराने लंपास केलेले सोन्या-चांदीचे दागिने आणि इतर मौल्यवान वस्तूंसह तब्बल २४ लाख रुपयांचा संपूर्ण मुद्देमाल जप्त करत मुख्य आरोपी नोकराला नांदेड जिल्ह्यातून अटक करण्यात आली आहे. या प्रकरणी नितीन मोतीलाल मुथ्था (रा. आनंद सोसायटी, शिरूर) यांनी शिरूर पोलीस ठाण्यात फिर्याद दिली होती. फिर्यादीनुसार, त्यांच्या घरात काम करणारे विलास आनंदा खोसडे आणि सारजा विलास खोसडे (दोघेही रा. भायेगाव, जि. नांदेड) यांनी ४ फेब्रुवारी ते २३ फेब्रुवारी २०२६ या कालावधीत घरातील सोन्या-चांदीचे दागिने, चांदीची भांडी आणि अन्य मौल्यवान साहित्य चोरले होते. या गुन्ह्याप्रकरणी शिरूर पोलीस ठाण्यात भारतीय न्याय संहितेच्या कलम ३०५, ३०६ आणि ३(५) अन्वये गुन्हा दाखल करण्यात आला होता. गुन्ह्याचे गांभीर्य लक्षात घेऊन पोलीस निरीक्षक संदेश केंजळे यांनी विशेष तपास पथकाला आरोपींचा आणि चोरीच्या मालाचा शोध घेण्याचे आदेश दिले. तांत्रिक विश्लेषण आणि गोपनीय माहितीच्या आधारे तपास सुरू असताना, मुख्य आरोपी विलास आनंदा खोसडे हा मुखेड तालुक्यातील जांब येथे असल्याची माहिती पोलिसांना मिळाली. त्यानुसार, पोलीस उपनिरीक्षक शुभम चव्हाण यांच्या नेतृत्वाखालील पथकाने नांदेड जिल्ह्यात सापळा रचून आरोपीला ताब्यात घेतले. चौकशीदरम्यान, आरोपीकडून चोरीस गेलेले सुमारे २४ लाख रुपये किमतीचे ७ किलो १३४ ग्रॅम वजनाचे चांदीचे दागिने व वस्तू तसेच ३६ ग्रॅम वजनाचे सोन्याचे दागिने जप्त करण्यात आले. पोलिसांनी चोरीचा जवळपास संपूर्ण मुद्देमाल हस्तगत करण्यात यश मिळवले. ही कारवाई पुणे ग्रामीणचे पोलीस अधीक्षक संदीप सिंह गिल, अपर पोलीस अधीक्षक डॉ. शुभमकुमार, उपविभागीय पोलीस अधिकारी प्रशांत ढोले आणि पोलीस निरीक्षक संदेश केंजळे यांच्या मार्गदर्शनाखाली शिरूर पोलीस ठाण्याच्या डी.बी. पथकाने पार पाडली. पोलीस उपनिरीक्षक शुभम चव्हाण यांच्यासह अक्षय कळमकर, नितेश थोरात, विजय शिंदे, निरज पिसाळ, सचिन भोई, निखील रावडे, अंबादास थोरे, रविंद्र काळे, दादाराव नागरे आणि अजय पाटील यांनी या यशस्वी कारवाईत सहभाग घेतला.

पिंपरी चिंचवडमध्ये मंत्री गिरीश महाजन यांच्या अचानक दौऱ्यामुळे पोलिसांची चांगलीच तारांबळ उडाली. दापोडी पोलीस स्टेशन परिसरात रस्त्याच्या दुतर्फा पार्क केलेली वाहने हटवण्यासाठी पोलिसांना अक्षरशः ‘दे धक्का’ करावा लागला. अनेक वाहनचालकांशी संपर्क होऊ न शकल्याने, पोलिसांना लॉक केलेली वाहने उघडण्यासाठीही शर्थीचे प्रयत्न करावे लागले. विशेष म्हणजे, वाहतूक पोलिसांना एका पोलिसांच्याच वाहनाचे लॉक उघडताना मोठी धावपळ करावी लागली. मंत्री महाजन हे विषारी दारू प्रकरणातील मृतांच्या कुटुंबीयांची भेट घेण्यासाठी आणि या प्रकरणाच्या तपासाचा आढावा घेण्यासाठी येण्याची शक्यता होती. यामुळेच पिंपरी चिंचवड पोलिसांवर मोठा ताण निर्माण झाल्याचे दिसून आले.

पिंपरी चिंचवडमध्ये मध्यरात्री एक धक्कादायक प्रकार समोर आला आहे. संत तुकाराम नगर परिसरात एका टपोरी तरुणाने रस्त्याच्या कडेला पार्क केलेल्या कारची बेसबॉल स्टिकने निर्घृण तोडफोड केली. ही संपूर्ण घटना सीसीटीव्ही कॅमेऱ्यात कैद झाली आहे, ज्यामुळे परिसरात भीती आणि संतापाचे वातावरण निर्माण झाले आहे. मध्यरात्रीच्या सुमारास हा तरुण बेसबॉल स्टिक घेऊन परिसरात आला आणि अचानक एका कारवर तुफान हल्ला चढवत तिच्या काचा व गाडीचे मोठे नुकसान केले. गाडी फोडण्याचा आवाज ऐकून स्थानिक नागरिक घराबाहेर आले असता, या माथेफिरूने त्यांनाही स्टिक दाखवत दमदाटी केली आणि त्यानंतर तो घटनास्थळावरून पसार झाला. याप्रकरणी कार मालकाने संत तुकाराम नगर पोलीस ठाण्यात तक्रार दाखल केली आहे. पोलिसांनी सीसीटीव्ही फुटेजच्या आधारे आरोपीचा शोध सुरू केला आहे. या घटनेमुळे परिसरातील नागरिकांमध्ये दहशत निर्माण झाली आहे.