कर्जत येथील 'दिशा इलेक्ट्रिकल्स' या दुकानाचे संचालक भाऊसाहेब रानमाळ मेजर यांची बोगस चेकद्वारे ६६ हजार रुपयांची फसवणूक झाल्याचा प्रकार उघडकीस आला आहे. स्वतःला कॉन्ट्रॅक्टर सांगणाऱ्या एका अज्ञात व्यक्तीने बोगस चेक देऊन दुकानातून ६६ हजार रुपये किमतीचे कॉपर वायरचे बंडल लांबवले. या प्रकरणी भाऊसाहेब रानमाळ मेजर यांनी कर्जत पोलीस ठाण्यात लेखी तक्रार दाखल केली आहे. ५ जुलै रोजी एका अज्ञात व्यक्तीने ९५७९६३९२०९ या मोबाईल क्रमांकावरून भाऊसाहेब रानमाळ मेजर यांच्याशी संपर्क साधला होता. त्याने स्वतःचे नाव “श्री. शिंदे कॉन्ट्रॅक्टर” असे सांगत कर्जत येथील एका साईटसाठी कॉपर वायरची मागणी केली. दराबाबत चर्चा झाल्यानंतर व्यवहार चेकद्वारे करण्याचे ठरले. यानंतर संबंधित व्यक्तीने प्रत्यक्ष दुकानात न येता, कर्जत येथील एका रिक्षाचालकाकडे ६६ हजार रुपयांचा चेक देऊन पाठवले आणि त्याच्यामार्फत कॉपर वायरचे बंडल घेतले. माल मिळाल्यानंतर संबंधित व्यक्तीने संपर्क टाळला आणि दोन दिवसांनी तो चेक बँकेत जमा केला असता खात्यात पुरेशी रक्कम नसल्याचे समोर आले. पुढील तपासात ते बँक खातेही संशयास्पद असल्याचे निष्पन्न झाले. फसवणूक झाल्याची खात्री झाल्यानंतर रानमाळ यांनी संबंधित मोबाईल क्रमांकावर संपर्क साधण्याचा प्रयत्न केला असता तो फोन बंद आढळला. त्यानंतर त्यांनी कर्जत पोलीस ठाण्यात अज्ञात भामट्याविरुद्ध लेखी तक्रार नोंदवली. सध्या कर्जत पोलीस मोबाईल क्रमांक आणि रिक्षाचालकाकडून मिळालेल्या माहितीच्या आधारे संबंधित व्यक्तीचा शोध घेत आहेत. या घटनेमुळे कर्जत परिसरातील व्यापाऱ्यांमध्ये चिंतेचे वातावरण निर्माण झाले असून, अनोळखी व्यक्तींशी चेकद्वारे व्यवहार करताना आवश्यक ती खबरदारी घेण्याचे आवाहन केले जात आहे.

कर्जत लाईव्ह

Advertising agency कर्जत, अहमदनगर, महाराष्ट्र•

5 hrs ago

कर्जत येथील 'दिशा इलेक्ट्रिकल्स' या दुकानाचे संचालक भाऊसाहेब रानमाळ मेजर यांची बोगस चेकद्वारे ६६ हजार रुपयांची फसवणूक झाल्याचा प्रकार उघडकीस आला आहे. स्वतःला कॉन्ट्रॅक्टर सांगणाऱ्या एका अज्ञात व्यक्तीने बोगस चेक देऊन दुकानातून ६६ हजार रुपये किमतीचे कॉपर वायरचे बंडल लांबवले. या प्रकरणी भाऊसाहेब रानमाळ मेजर यांनी कर्जत पोलीस ठाण्यात लेखी तक्रार दाखल केली आहे. ५ जुलै रोजी एका अज्ञात व्यक्तीने ९५७९६३९२०९ या मोबाईल क्रमांकावरून भाऊसाहेब रानमाळ मेजर यांच्याशी संपर्क साधला होता. त्याने स्वतःचे नाव “श्री. शिंदे कॉन्ट्रॅक्टर” असे सांगत कर्जत येथील एका साईटसाठी कॉपर वायरची मागणी केली. दराबाबत चर्चा झाल्यानंतर व्यवहार चेकद्वारे करण्याचे ठरले. यानंतर संबंधित व्यक्तीने प्रत्यक्ष दुकानात न येता, कर्जत येथील एका रिक्षाचालकाकडे ६६ हजार रुपयांचा चेक देऊन पाठवले आणि त्याच्यामार्फत कॉपर वायरचे बंडल घेतले. माल मिळाल्यानंतर संबंधित व्यक्तीने संपर्क टाळला आणि दोन दिवसांनी तो चेक बँकेत जमा केला असता खात्यात पुरेशी रक्कम नसल्याचे समोर आले. पुढील तपासात ते बँक खातेही संशयास्पद असल्याचे निष्पन्न झाले. फसवणूक झाल्याची खात्री झाल्यानंतर रानमाळ यांनी संबंधित मोबाईल क्रमांकावर संपर्क साधण्याचा प्रयत्न केला असता तो फोन बंद आढळला. त्यानंतर त्यांनी कर्जत पोलीस ठाण्यात अज्ञात भामट्याविरुद्ध लेखी तक्रार नोंदवली. सध्या कर्जत पोलीस मोबाईल क्रमांक आणि रिक्षाचालकाकडून मिळालेल्या माहितीच्या आधारे संबंधित व्यक्तीचा शोध घेत आहेत. या घटनेमुळे कर्जत परिसरातील व्यापाऱ्यांमध्ये चिंतेचे वातावरण निर्माण झाले असून, अनोळखी व्यक्तींशी चेकद्वारे व्यवहार करताना आवश्यक ती खबरदारी घेण्याचे आवाहन केले जात आहे.