वाढोणा परिसरात अस्वलाची दहशत; आता पिलासह सावरगाव (ता. नागभीड, जि. चंद्रपूर) शिवारात फिरकली अस्वल, स्वाब फाउंडेशन व वनविभाग सज्ज! वाढोणा (दि. १ नोव्हेंबर) — काल रात्रौ वाढोणा गावात एकटी अस्वल गल्लोगल्ली फिरताना दिसल्याने ग्रामस्थांमध्ये प्रचंड भीतीचे वातावरण निर्माण झाले होते. याबाबत तात्काळ माहिती स्वाब फाउंडेशनला देण्यात आली. त्यानंतर स्वाब फाउंडेशनची टीम व वनविभागाचे अधिकारी गावात दाखल होऊन मध्यरात्रीपर्यंत गस्त घालत फटाके फोडून अस्वलाला हाकलण्याचा प्रयत्न करत होते. दरम्यान, आज सायंकाळी तीच अस्वल पिलासह सावरगाव (ता. नागभीड, जि. चंद्रपूर) परिसरातील शेतशिवारात फिरताना दिसल्याने पुन्हा एकदा नागरिकांमध्ये घबराट पसरली. काही नागरिकांनी आरडा-ओरडा करून तिला दूर करण्याऐवजी पाठलाग केला, असे व्हिडिओमध्ये स्पष्टपणे दिसते. मात्र वनविभागाने आणि स्वाब टीमने इशारा दिला की — अस्वल आपल्या पिलाचे रक्षण करण्यासाठी कुठल्याही क्षणी हल्ला करू शकते, त्यामुळे अशा धोकादायक कृतीपासून नागरिकांनी दूर राहावे. अस्वल व नागरिकांच्या सुरक्षेसाठी स्वाब फाउंडेशनची टीम आणि वनविभाग तत्परतेने घटनास्थळी दाखल झाले. त्यांनी फटाके फोडून अस्वलाला जंगलाच्या दिशेने हाकलून लावले. तसेच, परिसरात रात्रभर गस्त ठेवण्यासाठी विशेष पथक नेमण्यात आले असून ग्रामस्थांना सतर्क राहण्याचे आवाहन करण्यात आले आहे.

Roshan Khankure

Journalist Dadra And Nagar Haveli•

on 4 November

वाढोणा परिसरात अस्वलाची दहशत; आता पिलासह सावरगाव (ता. नागभीड, जि. चंद्रपूर) शिवारात फिरकली अस्वल, स्वाब फाउंडेशन व वनविभाग सज्ज! वाढोणा (दि. १ नोव्हेंबर) — काल रात्रौ वाढोणा गावात एकटी अस्वल गल्लोगल्ली फिरताना दिसल्याने ग्रामस्थांमध्ये प्रचंड भीतीचे वातावरण निर्माण झाले होते. याबाबत तात्काळ माहिती स्वाब फाउंडेशनला देण्यात आली. त्यानंतर स्वाब फाउंडेशनची टीम व वनविभागाचे अधिकारी गावात दाखल होऊन मध्यरात्रीपर्यंत गस्त घालत फटाके फोडून अस्वलाला हाकलण्याचा प्रयत्न करत होते. दरम्यान, आज सायंकाळी तीच अस्वल पिलासह सावरगाव (ता. नागभीड, जि. चंद्रपूर) परिसरातील शेतशिवारात फिरताना दिसल्याने पुन्हा एकदा नागरिकांमध्ये घबराट पसरली. काही नागरिकांनी आरडा-ओरडा करून तिला दूर करण्याऐवजी पाठलाग केला, असे व्हिडिओमध्ये स्पष्टपणे दिसते. मात्र वनविभागाने आणि स्वाब टीमने इशारा दिला की — अस्वल आपल्या पिलाचे रक्षण करण्यासाठी कुठल्याही क्षणी हल्ला करू शकते, त्यामुळे अशा धोकादायक कृतीपासून नागरिकांनी दूर राहावे. अस्वल व नागरिकांच्या सुरक्षेसाठी स्वाब फाउंडेशनची टीम आणि वनविभाग तत्परतेने घटनास्थळी दाखल झाले. त्यांनी फटाके फोडून अस्वलाला जंगलाच्या दिशेने हाकलून लावले. तसेच, परिसरात रात्रभर गस्त ठेवण्यासाठी विशेष पथक नेमण्यात आले असून ग्रामस्थांना सतर्क राहण्याचे आवाहन करण्यात आले आहे.