भाटघर धरण ९५%, तर नीरा देवघर धरण ९८% भरले; नदीकाठच्या गावांना प्रशासनाचा सतर्कतेचा इशारा.... भोर - प्रतिनिधी ​        दोन दिवसांपासून घाटमाथ्यावर सुरू असलेल्या मुसळधार पावसामुळे भोर तालुक्यातील भाटघर आणि नीरा देवघर धरणांच्या पाणीसाठ्यात मोठ्या प्रमाणात वाढ झाली आहे. भाटघर धरण ९५ टक्के, तर नीरा देवघर धरण ९८ टक्के भरले असून दोन्ही धरणे ओव्हरफ्लो होण्याच्या मार्गावर आहेत. धरणांची शंभरीकडे वाटचाल सुरू असल्याने लवकरच दोन्ही प्रकल्प पूर्ण क्षमतेने भरतील, असा विश्वास प्रशासना कडून व्यक्त करण्यात आला आहे. दरम्यान, वाढत्या विसर्गामुळे नदीकाठच्या गावांना सतर्कतेचा इशारा देण्यात आला असून नागरिकांनी नदीपात्रातू जाणे टाळावे, असे आवाहन प्रशासनाने केले आहे. ​      मागील वर्षीही याच कालावधीत दोन्ही धरणांमध्ये असाच संतोषजनक पाणीसाठा उपलब्ध होता. सध्या धरण क्षेत्रात मुसळधार पर्जन्यवृष्टी सुरू असल्याने पाणीसाठ्यात झपाट्याने वाढ होत आहे. वाढलेला विसर्ग पाहता प्रशासनाने खबरदारी म्हणून भाटघर धरण ९५ टक्के भरल्याने धरणातून वेळवंडी नदीपात्रात १६३१ क्यूसेक पाण्याचा विसर्ग सोडला आहे तर नीरा देवघर धरण ९८ टक्के भरले असून, या धरणातून १६३७४ क्युसेक इतक्या मोठ्या प्रमाणावर पाण्याचा विसर्ग नदीपात्रात सोडण्यात आला आहे.    दोन्ही धरणे पूर्ण क्षमतेने भरण्याच्या मार्गावर असल्याने तालुक्यातील शेतकरी वर्गात दिलासादायक व आनंदाचे वातावरण निर्माण झाले आहे. मात्र, सततच्या पावसामुळे रस्त्यांवर पाणी साचले असून वाहन चालवताना नागरिकांनी काळजी घेण्याचे आवाहन करण्यात आले आहे. नागरिकांनी अत्यंत आवश्यक असेल तरच घराबाहेर पडावे.​हौसी पर्यटक आणि नागरिकांनी सुरक्षेच्या दृष्टीने घाटमाथा, डोंगररांगा, टेकड्या, नदीकाठ, धबधबे आणि धरण परिसर यांसारख्या धोकादायक ठिकाणी जाणे टाळावे.नागरिकांच्या सुरक्षिततेसाठी प्रशासन पूर्णपणे सतर्क असून, भोरचे उपविभागीय अधिकारी डॉ विकास खरात आणि तहसीलदार राजेंद्र नजन यांनी नागरिकांना प्रशासना च्या सूचनांचे पालन करण्याचे आवाहन केले आहे.

Rupesh Jadhav

भोर, पुणे, महाराष्ट्र•

6 hrs ago

भाटघर धरण ९५%, तर नीरा देवघर धरण ९८% भरले; नदीकाठच्या गावांना प्रशासनाचा सतर्कतेचा इशारा.... भोर - प्रतिनिधी ​        दोन दिवसांपासून घाटमाथ्यावर सुरू असलेल्या मुसळधार पावसामुळे भोर तालुक्यातील भाटघर आणि नीरा देवघर धरणांच्या पाणीसाठ्यात मोठ्या प्रमाणात वाढ झाली आहे. भाटघर धरण ९५ टक्के, तर नीरा देवघर धरण ९८ टक्के भरले असून दोन्ही धरणे ओव्हरफ्लो होण्याच्या मार्गावर आहेत. धरणांची शंभरीकडे वाटचाल सुरू असल्याने लवकरच दोन्ही प्रकल्प पूर्ण क्षमतेने भरतील, असा विश्वास प्रशासना कडून व्यक्त करण्यात आला आहे. दरम्यान, वाढत्या विसर्गामुळे नदीकाठच्या गावांना सतर्कतेचा इशारा देण्यात आला असून नागरिकांनी नदीपात्रातू जाणे टाळावे, असे आवाहन प्रशासनाने केले आहे. ​      मागील वर्षीही याच कालावधीत दोन्ही धरणांमध्ये असाच संतोषजनक पाणीसाठा उपलब्ध होता. सध्या धरण क्षेत्रात मुसळधार पर्जन्यवृष्टी सुरू असल्याने पाणीसाठ्यात झपाट्याने वाढ होत आहे. वाढलेला

विसर्ग पाहता प्रशासनाने खबरदारी म्हणून भाटघर धरण ९५ टक्के भरल्याने धरणातून वेळवंडी नदीपात्रात १६३१ क्यूसेक पाण्याचा विसर्ग सोडला आहे तर नीरा देवघर धरण ९८ टक्के भरले असून, या धरणातून १६३७४ क्युसेक इतक्या मोठ्या प्रमाणावर पाण्याचा विसर्ग नदीपात्रात सोडण्यात आला आहे.    दोन्ही धरणे पूर्ण क्षमतेने भरण्याच्या मार्गावर असल्याने तालुक्यातील शेतकरी वर्गात दिलासादायक व आनंदाचे वातावरण निर्माण झाले आहे. मात्र, सततच्या पावसामुळे रस्त्यांवर पाणी साचले असून वाहन चालवताना नागरिकांनी काळजी घेण्याचे आवाहन करण्यात आले आहे. नागरिकांनी अत्यंत आवश्यक असेल तरच घराबाहेर पडावे.​हौसी पर्यटक आणि नागरिकांनी सुरक्षेच्या दृष्टीने घाटमाथा, डोंगररांगा, टेकड्या, नदीकाठ, धबधबे आणि धरण परिसर यांसारख्या धोकादायक ठिकाणी जाणे टाळावे.नागरिकांच्या सुरक्षिततेसाठी प्रशासन पूर्णपणे सतर्क असून, भोरचे उपविभागीय अधिकारी डॉ विकास खरात आणि तहसीलदार राजेंद्र नजन यांनी नागरिकांना प्रशासना च्या सूचनांचे पालन करण्याचे आवाहन केले आहे.