கர்நாடக சட்டப்பேரவைக் காங்கிரஸ் கட்சித் தலைவராக ஒருமனதாகத் தேர்ந்தெடுக்கப்பட்டதைத் தொடர்ந்து, மாநிலத்தின் அடுத்த முதலமைச்சராகப் பதவியேற்க அனுமதி கோரி டி.கே. சிவகுமார், ஆளுநர் தாவர் சந்த் கெலாட்டிடம் முறைப்படி கடிதம் அளித்துள்ளார். இதன்படி, அவர் ஜூன் 3 அன்று முதலமைச்சராகப் பதவியேற்க உள்ளார். 2023ஆம் ஆண்டு தேர்தலில் கர்நாடகாவில் காங்கிரஸ் ஆட்சியைப் பிடித்தபோது, முதலமைச்சர் பதவிக்காக சித்தராமையா, டி.கே. சிவகுமார் மற்றும் ஜி.பரமேஷ்வர் இடையே கடும் போட்டி நிலவியது. கட்சியில் ஏற்பட்ட நீண்ட இழுபறிக்குப் பிறகு, சித்தராமையாவுக்கு முதலமைச்சர் பதவியும், டி.கே. சிவகுமாருக்கு துணை முதலமைச்சர் பதவியும் வழங்கப்பட்டிருந்தது. அப்போது, காங்கிரஸ் மேலிடம் இருவருக்கும் தலா இரண்டரை ஆண்டுகள் முதலமைச்சர் பதவி வழங்குவதாகக் கூறி சமாதானம் செய்ததாகக் கூறப்பட்டது. இருப்பினும், இது குறித்து வெளிப்படையாக எந்த அறிவிப்பும் வெளியாகவில்லை. இதைத் தொடர்ந்து, சித்தராமையா முதலமைச்சராகவும், டி.கே. சிவகுமார் துணை முதலமைச்சராகவும் இருந்து வந்தனர். இந்தச் சூழலில், சித்தராமையா தலைமையிலான காங்கிரஸ் ஆட்சி இரண்டரை ஆண்டுகளை நிறைவு செய்ததிலிருந்தே, அவர் முதலமைச்சர் பதவியில் இருந்து விலக வேண்டும் என டி.கே. சிவகுமார் ஆதரவாளர்கள் கோரிக்கை விடுத்து வந்தனர். இதன் காரணமாக, கடந்த மே 26 அன்று கர்நாடக முதலமைச்சரைத் தேர்ந்தெடுப்பது தொடர்பாக மல்லிகார்ஜுனா கார்கே மற்றும் ராகுல் காந்தி தலைமையில் ஆலோசனைக் கூட்டம் நடைபெற்றது. இக்கூட்டத்தில், சித்தராமையா பதவி விலகி தேசிய அரசியலில் கவனம் செலுத்த வேண்டும் என முடிவு செய்யப்பட்டதாகத் தகவல்கள் வெளியாகின.

Jeyaraman SM

பெரம்பலூர், பெரம்பலூர், தமிழ்நாடு•

7 hrs ago

கர்நாடக சட்டப்பேரவைக் காங்கிரஸ் கட்சித் தலைவராக ஒருமனதாகத் தேர்ந்தெடுக்கப்பட்டதைத் தொடர்ந்து, மாநிலத்தின் அடுத்த முதலமைச்சராகப் பதவியேற்க அனுமதி கோரி டி.கே. சிவகுமார், ஆளுநர் தாவர் சந்த் கெலாட்டிடம் முறைப்படி கடிதம் அளித்துள்ளார். இதன்படி, அவர் ஜூன் 3 அன்று முதலமைச்சராகப் பதவியேற்க உள்ளார். 2023ஆம் ஆண்டு தேர்தலில் கர்நாடகாவில் காங்கிரஸ் ஆட்சியைப் பிடித்தபோது, முதலமைச்சர் பதவிக்காக சித்தராமையா, டி.கே. சிவகுமார் மற்றும் ஜி.பரமேஷ்வர் இடையே கடும் போட்டி நிலவியது. கட்சியில் ஏற்பட்ட நீண்ட இழுபறிக்குப் பிறகு, சித்தராமையாவுக்கு முதலமைச்சர் பதவியும், டி.கே. சிவகுமாருக்கு துணை முதலமைச்சர் பதவியும் வழங்கப்பட்டிருந்தது. அப்போது, காங்கிரஸ் மேலிடம் இருவருக்கும் தலா இரண்டரை ஆண்டுகள் முதலமைச்சர் பதவி வழங்குவதாகக் கூறி சமாதானம் செய்ததாகக் கூறப்பட்டது. இருப்பினும், இது குறித்து வெளிப்படையாக எந்த அறிவிப்பும் வெளியாகவில்லை. இதைத் தொடர்ந்து, சித்தராமையா முதலமைச்சராகவும், டி.கே. சிவகுமார் துணை முதலமைச்சராகவும் இருந்து வந்தனர். இந்தச் சூழலில், சித்தராமையா தலைமையிலான காங்கிரஸ் ஆட்சி இரண்டரை ஆண்டுகளை நிறைவு செய்ததிலிருந்தே, அவர் முதலமைச்சர் பதவியில் இருந்து விலக வேண்டும் என டி.கே. சிவகுமார் ஆதரவாளர்கள் கோரிக்கை விடுத்து வந்தனர். இதன் காரணமாக, கடந்த மே 26 அன்று கர்நாடக முதலமைச்சரைத் தேர்ந்தெடுப்பது தொடர்பாக மல்லிகார்ஜுனா கார்கே மற்றும் ராகுல் காந்தி தலைமையில் ஆலோசனைக் கூட்டம் நடைபெற்றது. இக்கூட்டத்தில், சித்தராமையா பதவி விலகி தேசிய அரசியலில் கவனம் செலுத்த வேண்டும் என முடிவு செய்யப்பட்டதாகத் தகவல்கள் வெளியாகின.