चंद्रपूर जिल्ह्यातील वरोरा तालुक्यातील चरुर (खटी) येथील वारकरी स्व. प्रफुल पिंपळकर यांच्या कुटुंबाला महाराष्ट्र शासनाकडून ४ लाख रुपयांचे सानुग्रह अनुदान मंजूर करण्यात आले आहे. आषाढी पंढरपूर वारी-२०२५ दरम्यान हृदयविकाराच्या तीव्र झटक्याने प्रफुल पिंपळकर यांचे दुर्दैवी निधन झाले होते. यानंतर त्यांच्या कुटुंबाला आर्थिक दिलासा मिळवून देण्यासाठी आमदार सुधीर मुनगंटीवार यांनी केलेल्या सातत्यपूर्ण पाठपुराव्याला अखेर यश आले आहे. आषाढी वारीत सहभागी असताना पिंपळकर यांचे अचानक निधन झाल्याने त्यांच्या कुटुंबावर दुःखाचा डोंगर कोसळला होता. या घटनेनंतर शासनाच्या विठ्ठल-रखुमाई योजनेअंतर्गत सानुग्रह अनुदान मिळावे यासाठी आवश्यक प्रस्ताव पाठविण्यात आला होता. आमदार सुधीर मुनगंटीवार यांनी मदत व पुनर्वसन मंत्री मकरंद जाधव-पाटील यांच्याकडे या प्रकरणाचा सातत्याने पाठपुरावा केला, ज्याची दखल घेत शासनाने ही मदत मंजूर केली असून यामुळे पिंपळकर कुटुंबाला मोठा आर्थिक दिलासा मिळाला आहे. या संवेदनशील निर्णयाबद्दल आमदार सुधीर मुनगंटीवार यांनी मुख्यमंत्री देवेंद्र फडणवीस आणि मदत व पुनर्वसन मंत्री मकरंद जाधव-पाटील यांचे मनःपूर्वक आभार मानले आहेत. यावेळी बोलताना मुनगंटीवार म्हणाले की, वारकरी संप्रदाय हा महाराष्ट्राच्या श्रद्धा, संस्कृती आणि संतपरंपरेचा जिवंत वारसा आहे. वारकरी कुटुंबावर संकट आल्यास शासनाची मदत त्यांच्यापर्यंत पोहोचविण्यासाठी आपण कायम संवेदनशील राहून प्रयत्न करत राहू. शासनाच्या या निर्णयामुळे संकटकाळात सामान्य नागरिकांच्या पाठीशी शासन ठामपणे उभे असल्याचा विश्वास अधिक दृढ झाला आहे.

Vainganga News Live Network

Press advisory पोंभुर्णा, चंद्रपूर, महाराष्ट्र•

1 hr ago

चंद्रपूर जिल्ह्यातील वरोरा तालुक्यातील चरुर (खटी) येथील वारकरी स्व. प्रफुल पिंपळकर यांच्या कुटुंबाला महाराष्ट्र शासनाकडून ४ लाख रुपयांचे सानुग्रह अनुदान मंजूर करण्यात आले आहे. आषाढी पंढरपूर वारी-२०२५ दरम्यान हृदयविकाराच्या तीव्र झटक्याने प्रफुल पिंपळकर यांचे दुर्दैवी निधन झाले होते. यानंतर त्यांच्या कुटुंबाला आर्थिक दिलासा मिळवून देण्यासाठी आमदार सुधीर मुनगंटीवार यांनी केलेल्या सातत्यपूर्ण पाठपुराव्याला अखेर यश आले आहे. आषाढी वारीत सहभागी असताना पिंपळकर यांचे अचानक निधन झाल्याने त्यांच्या कुटुंबावर दुःखाचा डोंगर कोसळला होता. या घटनेनंतर शासनाच्या विठ्ठल-रखुमाई योजनेअंतर्गत सानुग्रह अनुदान मिळावे यासाठी आवश्यक प्रस्ताव पाठविण्यात आला होता. आमदार सुधीर मुनगंटीवार यांनी मदत व पुनर्वसन मंत्री मकरंद जाधव-पाटील यांच्याकडे या प्रकरणाचा सातत्याने पाठपुरावा केला, ज्याची दखल घेत शासनाने ही मदत मंजूर केली असून यामुळे पिंपळकर कुटुंबाला मोठा आर्थिक दिलासा मिळाला आहे. या संवेदनशील निर्णयाबद्दल आमदार सुधीर मुनगंटीवार यांनी मुख्यमंत्री देवेंद्र फडणवीस आणि मदत व पुनर्वसन मंत्री मकरंद जाधव-पाटील यांचे मनःपूर्वक आभार मानले आहेत. यावेळी बोलताना मुनगंटीवार म्हणाले की, वारकरी संप्रदाय हा महाराष्ट्राच्या श्रद्धा, संस्कृती आणि संतपरंपरेचा जिवंत वारसा आहे. वारकरी कुटुंबावर संकट आल्यास शासनाची मदत त्यांच्यापर्यंत पोहोचविण्यासाठी आपण कायम संवेदनशील राहून प्रयत्न करत राहू. शासनाच्या या निर्णयामुळे संकटकाळात सामान्य नागरिकांच्या पाठीशी शासन ठामपणे उभे असल्याचा विश्वास अधिक दृढ झाला आहे.