પંચમહાલ જિલ્લાના હાલોલ તાલુકાના રામેશરા ગામમાં 23 જૂનની મોડી રાત્રે કાયદો અને વ્યવસ્થાનું ઉલ્લંઘન કરતો એક ચોંકાવનારો કિસ્સો સામે આવ્યો છે. ગામના શાંત માહોલને ડહોળવાનો પ્રયાસ કરતી 15થી વધુ અજાણ્યા યુવકોની એક 'બાઈક ગેંગ'એ બજારમાં દંડા લઈને ઘૂસી આતંક મચાવ્યો હતો અને ભારે બૂમાબૂમ કરી હતી. આ ઘટનામાં એક યુવકે પોતે જ લાઈવ વીડિયો બનાવ્યો હતો, જે હાલ સોશિયલ મીડિયા પર ઝડપથી વાયરલ થઈ રહ્યો છે. આ વીડિયોમાં યુવક રામેશરા ગામના લોકોને ખુલ્લેઆમ બિભત્સ ગાળો બોલી રહ્યો છે અને પડકાર ફેંકી રહ્યો છે કે, 'જો તમારામાં તાકાત હોય તો તમારા ગામની ચોકડી પર આવીને બતાવો.' મોડી રાત્રે જ્યારે આખું ગામ સૂતું હતું, ત્યારે આ અજાણ્યા શખ્સો બાઈકો પર સવાર થઈને ગામના અલગ-અલગ રસ્તાઓ અને ગલીઓમાં દોડ્યા હતા અને બૂમાબૂમ કરી હતી. યુવકોએ ગામમાં ભયનો માહોલ ઊભો કરવા માટે ખુલ્લેઆમ ગાળાગાળી કરી આ વીડિયો શૂટ કર્યો હતો, જે હવે સોશિયલ મીડિયામાં આગની જેમ ફેલાઈ રહ્યો છે. ગામની શાંતિ જોખમાતા અને આ પ્રકારે ખુલ્લી ધમકી મળતા રામેશરા ગામના અગ્રણીઓ તુરંત સક્રિય થયા હતા. ગામના આગેવાનો દ્વારા આ સમગ્ર મામલાની જાણ સ્થાનિક પોલીસને કરવામાં આવી છે. ગામલોકો અને સ્થાનિક રહેવાસીઓ માંગ કરી રહ્યા છે કે, સોશિયલ મીડિયામાં વાયરલ થયેલા આ વીડિયોના આધારે આ ગુંડાતત્વોની તાત્કાલિક ઓળખ કરીને તેમની સામે કડકમાં કડક કાયદેસરની કાર્યવાહી કરવામાં આવે.

Jasmin B Shah

Bag shop હાલોલ, પંચમહાલ, ગુજરાત•

11 hrs ago

પંચમહાલ જિલ્લાના હાલોલ તાલુકાના રામેશરા ગામમાં 23 જૂનની મોડી રાત્રે કાયદો અને વ્યવસ્થાનું ઉલ્લંઘન કરતો એક ચોંકાવનારો કિસ્સો સામે આવ્યો છે. ગામના શાંત માહોલને ડહોળવાનો પ્રયાસ કરતી 15થી વધુ અજાણ્યા યુવકોની એક 'બાઈક ગેંગ'એ બજારમાં દંડા લઈને ઘૂસી આતંક મચાવ્યો હતો અને ભારે બૂમાબૂમ કરી હતી. આ ઘટનામાં એક યુવકે પોતે જ લાઈવ વીડિયો બનાવ્યો હતો, જે હાલ સોશિયલ મીડિયા પર ઝડપથી વાયરલ થઈ રહ્યો છે. આ વીડિયોમાં યુવક રામેશરા ગામના લોકોને ખુલ્લેઆમ બિભત્સ ગાળો બોલી રહ્યો છે અને પડકાર ફેંકી રહ્યો છે કે, 'જો તમારામાં તાકાત હોય તો તમારા ગામની ચોકડી પર આવીને બતાવો.' મોડી રાત્રે જ્યારે આખું ગામ સૂતું હતું, ત્યારે આ અજાણ્યા શખ્સો બાઈકો પર સવાર થઈને ગામના અલગ-અલગ રસ્તાઓ અને ગલીઓમાં દોડ્યા હતા અને બૂમાબૂમ કરી હતી. યુવકોએ ગામમાં ભયનો માહોલ ઊભો કરવા માટે ખુલ્લેઆમ ગાળાગાળી કરી આ વીડિયો શૂટ કર્યો હતો, જે હવે સોશિયલ મીડિયામાં આગની જેમ ફેલાઈ રહ્યો છે. ગામની શાંતિ જોખમાતા અને આ પ્રકારે ખુલ્લી ધમકી મળતા રામેશરા ગામના અગ્રણીઓ તુરંત સક્રિય થયા હતા. ગામના આગેવાનો દ્વારા આ સમગ્ર મામલાની જાણ સ્થાનિક પોલીસને કરવામાં આવી છે. ગામલોકો અને સ્થાનિક રહેવાસીઓ માંગ કરી રહ્યા છે કે, સોશિયલ મીડિયામાં વાયરલ થયેલા આ વીડિયોના આધારે આ ગુંડાતત્વોની તાત્કાલિક ઓળખ કરીને તેમની સામે કડકમાં કડક કાયદેસરની કાર્યવાહી કરવામાં આવે.