శ్రీకాకుళం జిల్లాలో జూన్ 21న అంతర్జాతీయ యోగా దినోత్సవాన్ని పురస్కరించుకొని డచ్ భవనం వద్ద భారీ ఎత్తున యోగా కార్యక్రమాన్ని నిర్వహించారు. ఒత్తిడి, ఆందోళన, అనారోగ్య సమస్యలను అధిగమించడంలో యోగా కీలక పాత్ర పోషిస్తుందని జిల్లా కలెక్టర్ స్వప్నిల్ దినకర్ పుండ్కర్ స్పష్టం చేశారు. శారీరక, మానసిక ఆరోగ్య పరిరక్షణకు యోగా ప్రాముఖ్యతను ఈ సందర్భంగా ఆయన వివరించారు, ఆరోగ్యకరమైన జీవన విధానాన్ని ప్రోత్సహించడమే ఈ కార్యక్రమం ప్రధాన ఉద్దేశ్యమన్నారు. ఈ వేడుకలో సామూహిక యోగాభ్యాసం, ప్రాణాయామం, ధ్యాన కార్యక్రమాలు నిర్వహించబడ్డాయి. యోగా నిపుణులు యోగాసనాల ప్రాముఖ్యత, వాటి వల్ల కలిగే ఆరోగ్య ప్రయోజనాలపై వివరించారు, యోగా ద్వారా శరీర దారుఢ్యం, మానసిక ప్రశాంతత, ఏకాగ్రత పెంపొందడంతో పాటు సమగ్ర ఆరోగ్యం సాధ్యమవుతుందని పేర్కొన్నారు. ప్రతి ఒక్కరూ తమ దైనందిన జీవితంలో యోగాను భాగం చేసుకొని ఆరోగ్యవంతమైన సమాజ నిర్మాణానికి తోడ్పడాలని కలెక్టర్ పిలుపునిచ్చారు. జూన్ 7వ తేదీ నుండి జిల్లాలోని ప్రతి గ్రామం నుండి మండల స్థాయి వరకు యోగాపై వివిధ రకాల పోటీలు నిర్వహించినట్లు కలెక్టర్ తెలిపారు. సుమారు 4,50,000 మందికి పైగా యోగా కోసం నమోదు చేసుకున్నారని, ప్రతి ఒక్కరికి యోగా నేర్పించి యోగా సర్టిఫికెట్లు కూడా అందజేసినట్లు వివరించారు. 'ఫిట్ ఆంధ్రప్రదేశ్' తో పాటు శ్రీకాకుళం జిల్లాను 'ఫిట్ శ్రీకాకుళం' గా మార్చుకోవాలని, భవిష్యత్తులో వ్యాధులు, అనారోగ్య సమస్యలు రాకుండా ముందు జాగ్రత్తగా యోగా చాలా ముఖ్యమని ఆయన అన్నారు. జూన్ 7వ తేదీ నుండి 15 రోజుల పాటు కార్గిల్ పార్కులో యోగాసనాలు నిర్వహించబడ్డాయి. జూన్ 11న బారువ మత్స్యకారుల గ్రామంలో, జూన్ 16న పర్యాటక ప్రాంతమైన డచ్ భవనం వద్ద, అలాగే 19న శ్రీకూర్మం దేవాలయం వద్ద సుమారు 1,000 మందితో థీమ్ బేస్డ్ యోగా కార్యక్రమాలను విజయవంతంగా నిర్వహించినట్లు పేర్కొన్నారు. కార్గిల్ పార్కు వద్ద యోగా కోసమే ప్రత్యేకంగా ఒక యోగా ఓపెన్ ఎయిర్ థియేటర్ ఏర్పాటు చేసినట్లు, దీనిని ఉదయం యోగా, ఇతర శారీరక కార్యకలాపాలకు అందరూ వినియోగించుకోవచ్చని చెప్పారు. యోగా కార్యక్రమంలో విద్యార్థులు, యువత, మహిళలు, ఉద్యోగులు, వృద్ధులు సహా అన్ని వర్గాల ప్రజలు పాల్గొని విజయవంతం చేసినందుకు కలెక్టర్ ధన్యవాదాలు తెలిపారు. జిల్లా సూపరింటెండెంట్ ఆఫ్ పోలీస్ కె. వి. మహేశ్వర రెడ్డి మాట్లాడుతూ అంతర్జాతీయ యోగా దినోత్సవం రోజునే కాకుండా ప్రతిరోజూ యోగా చేయడం వల్ల ఆరోగ్యపరంగా ఎంతో ఉపయోగకరంగా ఉంటుందని సూచించారు. యువత యోగా చేయడం అలవాటు చేసుకుంటే భవిష్యత్తులో ఆరోగ్యకరమైన జీవనానికి ఎంతో మేలు చేస్తుందని, దీనిని దైనందిన జీవితంలో ఒక భాగంగా చేసుకోవాలని ఆయన కోరారు. ఈ సందర్భంగా యోగా సోలో, సింక్రోనైజ్డ్, యోగ స్లోగన్స్, వ్యాసరచన వంటి వివిధ పోటీల్లో గెలుపొందిన వారికి సర్టిఫికేట్లు, మెమెంటోలు అందజేశారు. కార్యక్రమం ప్రారంభానికి ముందు సాంస్కృతిక కార్యక్రమాలు, యోగాపై గిరిజన సంక్షేమ శాఖ ఉద్యోగి పాడి వినిపించారు. అనంతరం జ్యోతి ప్రజ్వలనతో కార్యక్రమాన్ని ప్రారంభించారు. యోగా గురువులు పాండ్రంకి మురళీకృష్ణ, పతంజలి నుండి చినబాబు, ఆర్ట్ ఆఫ్ లివింగ్ నుండి సుధారాణి తదితరులు యోగాసనాలను తెలియజేశారు. ఈ కార్యక్రమంలో జిల్లా రెవెన్యూ అధికారి వి. విశ్వేశ్వరరావు, ఆర్డీఓ కె. సాయి ప్రత్యూష, జిల్లా పరిషత్ సిఈఓ వెంకటరామన్, డిఆర్డీఎ పిడి కిరణ్ కుమార్, మున్సిపల్ కార్పొరేషన్ కమిషనర్ హెచ్. కూర్మారావు, డిఎంహెచ్ఓ డాక్టర్ కె. అనిత, జిల్లా విద్యాశాఖ అధికారి ఎ. రవిబాబు, సాంఘిక సంక్షేమ శాఖ డిడి వినాయకతో పాటు ఆర్ అండ్ ఎస్ఈ ఉద్యోగులు, విద్యార్థులు, వివిధ స్వచ్ఛంద సేవా సంస్థలు, తదితరులు పెద్ద సంఖ్యలో పాల్గొన్నారు.

Dr.Manmadharao Gangu

శ్రీకాకుళం, శ్రీకాకుళం, ఆంధ్రప్రదేశ్•

2 hrs ago

శ్రీకాకుళం జిల్లాలో జూన్ 21న అంతర్జాతీయ యోగా దినోత్సవాన్ని పురస్కరించుకొని డచ్ భవనం వద్ద భారీ ఎత్తున యోగా కార్యక్రమాన్ని నిర్వహించారు. ఒత్తిడి, ఆందోళన, అనారోగ్య సమస్యలను అధిగమించడంలో యోగా కీలక పాత్ర పోషిస్తుందని జిల్లా కలెక్టర్ స్వప్నిల్ దినకర్ పుండ్కర్ స్పష్టం చేశారు. శారీరక, మానసిక ఆరోగ్య పరిరక్షణకు యోగా ప్రాముఖ్యతను ఈ సందర్భంగా ఆయన వివరించారు, ఆరోగ్యకరమైన జీవన విధానాన్ని ప్రోత్సహించడమే ఈ కార్యక్రమం ప్రధాన ఉద్దేశ్యమన్నారు. ఈ వేడుకలో సామూహిక యోగాభ్యాసం, ప్రాణాయామం, ధ్యాన కార్యక్రమాలు నిర్వహించబడ్డాయి. యోగా నిపుణులు యోగాసనాల ప్రాముఖ్యత, వాటి వల్ల కలిగే ఆరోగ్య ప్రయోజనాలపై వివరించారు, యోగా ద్వారా శరీర దారుఢ్యం, మానసిక ప్రశాంతత, ఏకాగ్రత పెంపొందడంతో పాటు సమగ్ర ఆరోగ్యం సాధ్యమవుతుందని పేర్కొన్నారు. ప్రతి ఒక్కరూ తమ దైనందిన జీవితంలో యోగాను భాగం చేసుకొని ఆరోగ్యవంతమైన సమాజ నిర్మాణానికి తోడ్పడాలని

కలెక్టర్ పిలుపునిచ్చారు. జూన్ 7వ తేదీ నుండి జిల్లాలోని ప్రతి గ్రామం నుండి మండల స్థాయి వరకు యోగాపై వివిధ రకాల పోటీలు నిర్వహించినట్లు కలెక్టర్ తెలిపారు. సుమారు 4,50,000 మందికి పైగా యోగా కోసం నమోదు చేసుకున్నారని, ప్రతి ఒక్కరికి యోగా నేర్పించి యోగా సర్టిఫికెట్లు కూడా అందజేసినట్లు వివరించారు. 'ఫిట్ ఆంధ్రప్రదేశ్' తో పాటు శ్రీకాకుళం జిల్లాను 'ఫిట్ శ్రీకాకుళం' గా మార్చుకోవాలని, భవిష్యత్తులో వ్యాధులు, అనారోగ్య సమస్యలు రాకుండా ముందు జాగ్రత్తగా యోగా చాలా ముఖ్యమని ఆయన అన్నారు. జూన్ 7వ తేదీ నుండి 15 రోజుల పాటు కార్గిల్ పార్కులో యోగాసనాలు నిర్వహించబడ్డాయి. జూన్ 11న బారువ మత్స్యకారుల గ్రామంలో, జూన్ 16న పర్యాటక ప్రాంతమైన డచ్ భవనం వద్ద, అలాగే 19న శ్రీకూర్మం దేవాలయం వద్ద సుమారు 1,000 మందితో థీమ్ బేస్డ్ యోగా కార్యక్రమాలను

విజయవంతంగా నిర్వహించినట్లు పేర్కొన్నారు. కార్గిల్ పార్కు వద్ద యోగా కోసమే ప్రత్యేకంగా ఒక యోగా ఓపెన్ ఎయిర్ థియేటర్ ఏర్పాటు చేసినట్లు, దీనిని ఉదయం యోగా, ఇతర శారీరక కార్యకలాపాలకు అందరూ వినియోగించుకోవచ్చని చెప్పారు. యోగా కార్యక్రమంలో విద్యార్థులు, యువత, మహిళలు, ఉద్యోగులు, వృద్ధులు సహా అన్ని వర్గాల ప్రజలు పాల్గొని విజయవంతం చేసినందుకు కలెక్టర్ ధన్యవాదాలు తెలిపారు. జిల్లా సూపరింటెండెంట్ ఆఫ్ పోలీస్ కె. వి. మహేశ్వర రెడ్డి మాట్లాడుతూ అంతర్జాతీయ యోగా దినోత్సవం రోజునే కాకుండా ప్రతిరోజూ యోగా చేయడం వల్ల ఆరోగ్యపరంగా ఎంతో ఉపయోగకరంగా ఉంటుందని సూచించారు. యువత యోగా చేయడం అలవాటు చేసుకుంటే భవిష్యత్తులో ఆరోగ్యకరమైన జీవనానికి ఎంతో మేలు చేస్తుందని, దీనిని దైనందిన జీవితంలో ఒక భాగంగా చేసుకోవాలని ఆయన కోరారు. ఈ సందర్భంగా యోగా సోలో, సింక్రోనైజ్డ్, యోగ స్లోగన్స్, వ్యాసరచన వంటి వివిధ

పోటీల్లో గెలుపొందిన వారికి సర్టిఫికేట్లు, మెమెంటోలు అందజేశారు. కార్యక్రమం ప్రారంభానికి ముందు సాంస్కృతిక కార్యక్రమాలు, యోగాపై గిరిజన సంక్షేమ శాఖ ఉద్యోగి పాడి వినిపించారు. అనంతరం జ్యోతి ప్రజ్వలనతో కార్యక్రమాన్ని ప్రారంభించారు. యోగా గురువులు పాండ్రంకి మురళీకృష్ణ, పతంజలి నుండి చినబాబు, ఆర్ట్ ఆఫ్ లివింగ్ నుండి సుధారాణి తదితరులు యోగాసనాలను తెలియజేశారు. ఈ కార్యక్రమంలో జిల్లా రెవెన్యూ అధికారి వి. విశ్వేశ్వరరావు, ఆర్డీఓ కె. సాయి ప్రత్యూష, జిల్లా పరిషత్ సిఈఓ వెంకటరామన్, డిఆర్డీఎ పిడి కిరణ్ కుమార్, మున్సిపల్ కార్పొరేషన్ కమిషనర్ హెచ్. కూర్మారావు, డిఎంహెచ్ఓ డాక్టర్ కె. అనిత, జిల్లా విద్యాశాఖ అధికారి ఎ. రవిబాబు, సాంఘిక సంక్షేమ శాఖ డిడి వినాయకతో పాటు ఆర్ అండ్ ఎస్ఈ ఉద్యోగులు, విద్యార్థులు, వివిధ స్వచ్ఛంద సేవా సంస్థలు, తదితరులు పెద్ద సంఖ్యలో పాల్గొన్నారు.