वाघोदा गावातील बस स्टॉप परिसर वाटर कुलर 10 महिन्यापासून बंद ग्रामपंचायत वाघोदा येथील नागरिकांची तहान भागवण्यासाठी अनेक महिन्यांपूर्वी बसवलेला वॉटर कूलर गेल्या १० महिन्यांपासून बंद पडून आहे, मात्र ग्रामपंचायत प्रशासन याकडे पूर्णपणे दुर्लक्ष करत असल्याचा आरोप गावकऱ्यांनी केला आहे वाहतुकीचा रस्ता जास्त असल्याने उन्हाळ्यात थंडा पाणी मिळावे, यासाठी ग्रामपंचायतीने हा कुलर लावला होता. परंतु, गेल्या जवळपास १० महिन्यांपासून तो खराब आहे. यामुळे येथील स्थानिक नागरिक आणि प्रवाशांना पिण्याच्या पाण्यासाठी वणवण भटकावे लागत आहे. ग्रामस्थांचा आरोपः दुरुस्तीकडे दुर्लक्षः वारंवार तक्रारी करूनही ग्रामपंचायत या कुलरची दुरुस्ती करत नाही... ग्रामपंचायतकडे पैसा नसले..तर गावातून चंदा जमा करून थंड पाणी पिण्याची व्यवस्था करावी

🌾“टार्गेट संपलं” म्हणत हरभरा खरेदी बंद; बुलढाण्यात शेतकऱ्यांचा संताप!⚠️ 🚨 बुलढाणा जिल्ह्यातील अनेक तालुक्यात हरभरा खरेदी केंद्रांवर सुरू असलेला प्रकार हा शेतकऱ्यांच्या जखमेवर मीठ चोळणारा आहे. शासनाच्या पोर्टलवर अधिकृत नोंदणी करून, टोकन घेऊन, ट्रॅक्टरभर माल केंद्रावर आणूनही आता शेतकऱ्यांना “टार्गेट संपलं” म्हणून हरभरा मोजण्यास नकार दिला जात आहे. जर खरेदीचे उद्दिष्ट मर्यादित होते, तर मग हजारो शेतकऱ्यांची नोंदणी का करून घेतली? नोंदणी झाली म्हणजे खरेदीची हमी नाही का? आज शेतकरी कडक उन्हात दिवसभर रांगेत उभा राहून वाहतूक, मजुरी आणि वेळेचे नुकसान सहन करतोय, तर दुसरीकडे व्यापारी हमीभावापेक्षा ₹७०० ते ₹१००० कमी दराने हरभरा खरेदी करून शेतकऱ्यांची उघड लूट करत आहेत. धक्कादायक आरोप म्हणजे शेतकऱ्यांचा माल “FAQ निकषात नाही” म्हणून नाकारला जातो आणि नंतर तोच माल व्यापाऱ्यांकडून शेतकऱ्यांच्या सातबाऱ्यावर शासनाकडे विकला जात असल्याची चर्चा आहे. हा प्रकार केवळ प्रशासनाचा हलगर्जीपणा नसून शेतकऱ्यांच्या हक्कांवरचा अन्याय आहे. आधीच अवकाळी पाऊस, गारपीट आणि कर्जाच्या संकटाने त्रस्त आहेत, अशा वेळी शासनाने “उद्दिष्ट संपले” म्हणून हात झटकणे हे अमानुष आहे. त्यामुळे शासनाने तात्काळ खरेदी उद्दिष्ट वाढवून बंद पडलेले पोर्टल सुरू करावे, नोंदणीकृत प्रत्येक शेतकऱ्याचा शेवटचा दाणा हमीभावाने खरेदी करावा, व्यापारी-अधिकारी साटेलोट्याची चौकशी करावी आणि नुकसान झालेल्या शेतकऱ्यांना भरपाई द्यावी, अन्यथा शेतकऱ्यांचा हा आक्रोश मोठ्या आंदोलनात परिवर्तित होईल. 🌾✊

जळगाव जिल्ह्यातील चोपडा तालुक्यात विष्णूपुरकडे जाणाऱ्या रस्त्याचे काम अद्यापही पूर्ण झालेले नाही. यामुळे स्थानिक नागरिकांना ये-जा करताना प्रचंड गैरसोयीचा सामना करावा लागत असून, कामाची तातडीने पूर्तता करण्याची मागणी होत आहे.

१० वर्षे नोकरी करून दुसऱ्याचे नोकर बनण्याऐवजी, फक्त २ वर्षे मेहनत करून स्वतःचा व्यवसाय सुरू करण्याचा सल्ला दिला जात आहे. यामुळे तुम्ही लवकरच स्वतःचे मालक बनू शकता. हा विचार अनेकांना उद्योजकतेकडे वळण्यासाठी प्रेरित करतो.

बुलढाणा जिल्ह्यात सरकारी कागदपत्रांमध्ये फेरफार करून ५.७० लाखांचा घोटाळा उघडकीस आला आहे, ज्यामुळे महसूल विभागात खळबळ उडाली आहे. या प्रकरणी दुय्यम निबंधकासह ६ जणांवर गुन्हा दाखल करण्यात आला आहे.

वाळूज पोलीस स्टेशनजवळ भीषण अपघात; महिला जखमी... वाळूज पोलीस स्टेशनजवळ भीषण अपघात; महिला जखमी कमलापूर कमानीकडे जाणाऱ्या रस्त्यावर, वाळूज पोलीस स्टेशन जवळ भीषण अपघात झाला. या अपघातात एक महिला गंभीर जखमी झाली असून अपघातानंतर परिसरात काही काळ वाहतूक विस्कळीत झाली होती. स्थानिक नागरिकांच्या मदतीने जखमी महिलेला तातडीने रुग्णालयात दाखल करण्यात आले. घटनेची माहिती मिळताच पोलिसांनी घटनास्थळी धाव घेत वाहतूक सुरळीत केली.

श्री. संत गजानन महाराज संस्थानचा कडक निर्णय : मंदिर परिसरात मोबाईल वापरास पूर्ण बंदी; नियम मोडल्यास मोबाईल जप्त होणार श्री गजानन महाराज संस्थानचा कडक निर्णय : मंदिर परिसरात मोबाईल वापरास पूर्ण बंदी; नियम मोडल्यास मोबाईल जप्त होणार शेगाव : अध्यात्म, पावित्र्य आणि शिस्त यांची ओळख असलेल्या श्री गजानन महाराजांच्या पवित्र नगरीत आता मंदिर परिसरातील मोबाईल वापरावर कठोर निर्बंध लागू करण्यात आले आहेत. श्री गजानन महाराज संस्थानने याबाबत स्पष्ट आणि कडक इशारा देत भाविकांना मंदिर परिसरात मोबाईल वापरण्यास सक्त मनाई असल्याचे जाहीर केले आहे. मंदिर परिसरातील वाढती गर्दी, दर्शन व्यवस्थेतील अडथळे, तसेच काहींकडून मोबाईलद्वारे होणारे फोटो, व्हिडिओ आणि अनावश्यक गोंधळ यामुळे मंदिराचे पावित्र्य बाधित होत असल्याची गंभीर दखल संस्थानने घेतली आहे. यामुळे आता मंदिरात प्रवेश करण्यापूर्वी मुख्य प्रवेशद्वारावरच मोबाईल बंद करण्याचे आदेश देण्यात आले आहेत. संस्थानने स्पष्ट शब्दांत इशारा दिला आहे की, मंदिर परिसरात मोबाईलचा वापर करताना कोणी आढळल्यास संबंधितांचा मोबाईल तात्काळ जप्त करण्यात येणार आहे. त्यामुळे मोबाईल परत मिळवण्यासाठी होणारा मानसिक त्रास, वेळेची नासाडी आणि गैरसोय टाळण्यासाठी नियमांचे काटेकोर पालन करण्याचे आवाहन करण्यात आले आहे. दररोज लाखो भाविक श्रींच्या दर्शनासाठी शेगावात येतात. मात्र काही जण मोबाईलमध्ये व्यस्त राहून दर्शन रांगेत अडथळे निर्माण करतात, सेल्फी आणि व्हिडिओच्या नादात शिस्त मोडतात, अशी तक्रार वारंवार समोर येत होती. या पार्श्वभूमीवर संस्थानने घेतलेला हा निर्णय अत्यंत महत्त्वाचा मानला जात आहे. “श्रींचे दर्शन हे श्रद्धेचे, शांततेचे आणि भक्तीचे असावे; मोबाईलच्या गोंधळाचे नव्हे,” असा स्पष्ट संदेश संस्थानने या निर्णयातून दिला आहे. त्यामुळे आता मंदिर परिसरात ‘नो मोबाईल झोन’ची कडक अंमलबजावणी होणार असून भाविकांनीही याला सहकार्य करण्याची गरज व्यक्त केली जात आहे. शिस्त, सुरक्षितता आणि पावित्र्य जपण्यासाठी संस्थानने उचललेले हे कठोर पाऊल सध्या संपूर्ण शेगाव परिसरात चर्चेचा विषय ठरत आहे.

बुलडाणा जिल्ह्यातील धरणगावाजवळ राष्ट्रीय महामार्ग ५३ वर धावत्या ट्रकला अचानक भीषण आग लागली. या घटनेमुळे परिसरात खळबळ उडाली असली तरी, सुदैवाने कोणतीही जीवितहानी टळली.

जळगाव (जामोद) तालुक्यातील पळशी वैद्य फाटा – आडोळ – मांडवा रस्त्याची भीषण दुरवस्था झाली असून तो 'मृत्यूचा सापळा' बनला आहे. यामुळे नागरिक, विद्यार्थी आणि रुग्णांसह सर्वांना जीव धोक्यात घालून प्रवास करावा लागत आहे, ज्यावर संतप्त ग्रामस्थांनी प्रशासनाला अंतिम इशारा दिला आहे.