*న్యూస్ విజన్: అమరావతిలో దేశంలోనే తొలి క్వాంటం ఫెసిలిటీ* అమరావతిలో దేశంలోనే తొలి ఓపెన్-యాక్సెస్ క్వాంటం రిఫరెన్స్ ఫెసిలిటీని ముఖ్యమంత్రి చంద్రబాబు నాయుడు ప్రారంభించారు. ప్రపంచ క్వాంటం దినోత్సవం, అంబేద్కర్ జయంతిని పురస్కరించుకుని ఈ చారిత్రాత్మక ఘట్టం ఆవిష్కృతమవ్వడం సంతోషంగా ఉందని ఆయన పేర్కొన్నారు. ఎస్ఆర్ఎం యూనివర్సిటీలో 'అమరావతి IS', మేధా టవర్స్లో 'అమరావతి 1Q' పేరిట ఏర్పాటు చేసిన ఈ వ్యవస్థలు పరిశోధకులకు, విద్యార్థులకు, పారిశ్రామిక అవసరాలకు ఎంతగానో తోడ్పడతాయని వెల్లడించారు. ఐటీ రంగంలో ప్రపంచస్థాయి గుర్తింపు పొందిన తెలుగు గడ్డ, ఇప్పుడు క్వాంటం టెక్నాలజీకి వేదికగా మారడం గర్వకారణమని సీఎం కొనియాడారు. పారిశ్రామిక రంగానికి విద్యుత్, డిజిటల్ యుగానికి ఇంటర్నెట్ ఎంత కీలకమో, ఆధునిక ఆవిష్కరణలకు క్వాంటం సాంకేతికత అంత ముఖ్యమని చంద్రబాబు స్పష్టం చేశారు. క్వాంటం రంగంలో సాధికారిత సాధించిన దేశాలే భవిష్యత్తును శాసిస్తాయని, ఈ దిశగా అమరావతిని 'క్వాంటం వ్యాలీ'గా తీర్చిదిద్దుతామని పేర్కొన్నారు. కేవలం 8 నెలల స్వల్ప కాలంలోనే ఈ ప్రాజెక్టును సాకారం చేయడం దేశ సామర్థ్యానికి నిదర్శనమని తెలిపారు. అమరావతి క్వాంటం వ్యాలీ ఏర్పాటుకు సహకరిస్తున్న ప్రధాని మోదీకి, కేంద్ర మంత్రి జితేంద్ర సింగ్కు ఈ సందర్భంగా సీఎం ధన్యవాదాలు తెలియజేశారు. అమరావతి క్వాంటం రిఫరెన్స్ ఫెసిలిటీ (AQRF) దేశీయ క్వాంటం హార్డ్వేర్ పరీక్షలకు, సర్టిఫికేషన్కు కీలక కేంద్రంగా మారుతుందని ఆయన ఆశాభావం వ్యక్తం చేశారు.

న్యూస్ విజన్

Photographer విజయవాడ (అర్బన్), ఎన్టీఆర్, ఆంధ్రప్రదేశ్•

4 hrs ago

*న్యూస్ విజన్: అమరావతిలో దేశంలోనే తొలి క్వాంటం ఫెసిలిటీ* అమరావతిలో దేశంలోనే తొలి ఓపెన్-యాక్సెస్ క్వాంటం రిఫరెన్స్ ఫెసిలిటీని ముఖ్యమంత్రి చంద్రబాబు నాయుడు ప్రారంభించారు. ప్రపంచ క్వాంటం దినోత్సవం, అంబేద్కర్ జయంతిని పురస్కరించుకుని ఈ చారిత్రాత్మక ఘట్టం ఆవిష్కృతమవ్వడం సంతోషంగా ఉందని ఆయన పేర్కొన్నారు. ఎస్ఆర్ఎం యూనివర్సిటీలో 'అమరావతి IS', మేధా టవర్స్లో 'అమరావతి 1Q' పేరిట ఏర్పాటు చేసిన ఈ వ్యవస్థలు పరిశోధకులకు, విద్యార్థులకు, పారిశ్రామిక అవసరాలకు ఎంతగానో తోడ్పడతాయని వెల్లడించారు. ఐటీ రంగంలో ప్రపంచస్థాయి గుర్తింపు పొందిన తెలుగు గడ్డ, ఇప్పుడు క్వాంటం టెక్నాలజీకి వేదికగా మారడం గర్వకారణమని సీఎం కొనియాడారు. పారిశ్రామిక రంగానికి విద్యుత్, డిజిటల్ యుగానికి ఇంటర్నెట్ ఎంత కీలకమో, ఆధునిక ఆవిష్కరణలకు క్వాంటం సాంకేతికత అంత ముఖ్యమని చంద్రబాబు స్పష్టం చేశారు. క్వాంటం రంగంలో సాధికారిత సాధించిన దేశాలే భవిష్యత్తును శాసిస్తాయని, ఈ దిశగా అమరావతిని 'క్వాంటం వ్యాలీ'గా తీర్చిదిద్దుతామని పేర్కొన్నారు. కేవలం 8 నెలల స్వల్ప కాలంలోనే ఈ ప్రాజెక్టును సాకారం చేయడం దేశ సామర్థ్యానికి నిదర్శనమని తెలిపారు. అమరావతి క్వాంటం వ్యాలీ ఏర్పాటుకు సహకరిస్తున్న ప్రధాని మోదీకి, కేంద్ర మంత్రి జితేంద్ర సింగ్కు ఈ సందర్భంగా సీఎం ధన్యవాదాలు తెలియజేశారు. అమరావతి క్వాంటం రిఫరెన్స్ ఫెసిలిటీ (AQRF) దేశీయ క్వాంటం హార్డ్వేర్ పరీక్షలకు, సర్టిఫికేషన్కు కీలక కేంద్రంగా మారుతుందని ఆయన ఆశాభావం వ్యక్తం చేశారు.