ధాన్యం కొనుగోలు కేంద్రాల ఏర్పాటుకు సర్పంచుల డిమాండ్... కాటారం, జూలై 31 (వార్త): కాటారం మండల ప్రజా పరిషత్ సర్వసభ్య సమావేశం శుక్రవారం ప్రత్యేక అధికారి పీ. బాలకృష్ణ అధ్యక్షతన నిర్వహించారు. సమావేశానికి ఏఎంసీ చైర్‌పర్సన్, పీఏసీఎస్ చైర్మన్, మండలంలోని సర్పంచులు, వివిధ శాఖల అధికారులు హాజరయ్యారు. సమావేశంలో వ్యవసాయం, గ్రామీణాభివృద్ధి, తాగునీరు, పారిశుద్ధ్యం, విద్య, వైద్యం, సంక్షేమ పథకాల అమలు, గ్రామాల అభివృద్ధి పనులపై శాఖల వారీగా సమీక్ష నిర్వహించారు. ప్రజలకు ప్రభుత్వ పథకాల ఫలాలు సకాలంలో అందేలా అధికారులు సమన్వయంతో పనిచేయాలని ప్రత్యేక అధికారి సూచించారు. ఈ సందర్భంగా సర్పంచులు మాట్లాడుతూ మండల పరిషత్ సర్వసభ్య సమావేశాలను క్రమం తప్పకుండా నిర్వహిస్తే గ్రామాల్లో నెలకొనే సమస్యలు వేగంగా పరిష్కారమవుతాయని పేర్కొన్నారు. రైతుల సౌకర్యార్థం బయ్యారం, ప్రతాపగిరి గ్రామాల్లో ధాన్యం కొనుగోలు కేంద్రాలు ఏర్పాటు చేయాలని కోరారు. గ్రామాల్లో గంజాయి వినియోగం, బెల్ట్ షాపుల నిర్వహణ పెరుగుతున్న నేపథ్యంలో యువత భవిష్యత్తు దెబ్బతింటోందని ఆందోళన వ్యక్తం చేశారు. అక్రమ కార్యకలాపాలను అరికట్టేందుకు పోలీసులు, ఎక్సైజ్ శాఖ అధికారులు ప్రత్యేక నిఘా ఏర్పాటు చేసి కఠిన చర్యలు చేపట్టాలని విజ్ఞప్తి చేశారు. గ్రామాభివృద్ధి పనుల వేగవంతం, మౌలిక వసతుల కల్పన, ప్రజా సమస్యల పరిష్కారంపై సమావేశంలో విస్తృతంగా చర్చించి, సంబంధిత శాఖల అధికారులు అవసరమైన చర్యలు తీసుకోవాలని నిర్ణయించారు.

Anaparthi Saiteja Goud

కటారం, జయశంకర్ భూపాలపల్లి, తెలంగాణ•

1 day ago

ధాన్యం కొనుగోలు కేంద్రాల ఏర్పాటుకు సర్పంచుల డిమాండ్... కాటారం, జూలై 31 (వార్త): కాటారం మండల ప్రజా పరిషత్ సర్వసభ్య సమావేశం శుక్రవారం ప్రత్యేక అధికారి పీ. బాలకృష్ణ అధ్యక్షతన నిర్వహించారు. సమావేశానికి ఏఎంసీ చైర్‌పర్సన్, పీఏసీఎస్ చైర్మన్, మండలంలోని సర్పంచులు, వివిధ శాఖల అధికారులు హాజరయ్యారు. సమావేశంలో వ్యవసాయం, గ్రామీణాభివృద్ధి, తాగునీరు, పారిశుద్ధ్యం, విద్య, వైద్యం, సంక్షేమ పథకాల అమలు, గ్రామాల అభివృద్ధి పనులపై శాఖల వారీగా సమీక్ష నిర్వహించారు. ప్రజలకు ప్రభుత్వ పథకాల ఫలాలు సకాలంలో అందేలా అధికారులు సమన్వయంతో పనిచేయాలని ప్రత్యేక అధికారి సూచించారు. ఈ సందర్భంగా సర్పంచులు మాట్లాడుతూ మండల పరిషత్ సర్వసభ్య సమావేశాలను క్రమం తప్పకుండా నిర్వహిస్తే గ్రామాల్లో నెలకొనే సమస్యలు వేగంగా పరిష్కారమవుతాయని పేర్కొన్నారు. రైతుల సౌకర్యార్థం బయ్యారం, ప్రతాపగిరి గ్రామాల్లో ధాన్యం కొనుగోలు కేంద్రాలు ఏర్పాటు చేయాలని కోరారు. గ్రామాల్లో గంజాయి వినియోగం, బెల్ట్ షాపుల నిర్వహణ పెరుగుతున్న నేపథ్యంలో యువత భవిష్యత్తు దెబ్బతింటోందని ఆందోళన వ్యక్తం చేశారు. అక్రమ కార్యకలాపాలను అరికట్టేందుకు పోలీసులు, ఎక్సైజ్ శాఖ అధికారులు ప్రత్యేక నిఘా ఏర్పాటు చేసి కఠిన చర్యలు చేపట్టాలని విజ్ఞప్తి చేశారు. గ్రామాభివృద్ధి పనుల వేగవంతం, మౌలిక వసతుల కల్పన, ప్రజా సమస్యల పరిష్కారంపై సమావేశంలో విస్తృతంగా చర్చించి, సంబంధిత శాఖల అధికారులు అవసరమైన చర్యలు తీసుకోవాలని నిర్ణయించారు.