यवतमाळ जिल्ह्यातील महागाव तालुक्यातील वाघनाथ येथे एका शेतातील विहिरीत भगवान भाकरे (अंदाजे ४० वर्षे) यांचा मृतदेह आढळून आल्याने परिसरात शोककळा पसरली आहे. दोन दिवस अथकपणे चाललेल्या शोधमोहीमेनंतर, रविवारी रात्री सुमारे १० वाजता आपत्ती व्यवस्थापन पथकाला हा मृतदेह विहिरीतून बाहेर काढण्यात यश आले. मृतदेह बाहेर काढण्यासाठी चार मोटारपंपांच्या सहाय्याने विहिरीतील पाणी उपसण्यात आले. भगवान भाकरे यांनी २० जून रोजी विहिरीत उडी घेतल्याची माहिती समोर आल्यानंतर गावात खळबळ उडाली होती. घटनास्थळी त्यांच्या चप्पला, दुचाकी आणि शेती फवारणीसाठी वापरण्यात येणारे औषध सापडल्याने अनर्थाची शक्यता वर्तवली जात होती. सुमारे ८० फूट खोल असलेल्या विहिरीत मोठ्या प्रमाणात पाणी असल्याने शोधकार्यात अडचणी येत होत्या, मात्र गावकऱ्यांनीही दोन दिवस रात्रंदिवस प्रशासनाला सहकार्य केले. या शोधमोहीमेसाठी यवतमाळ येथील आपत्ती व्यवस्थापन पथकाला पाचारण करण्यात आले होते. पथकाने घटनास्थळी येऊन शोधकार्य अधिक वेगाने राबवले आणि अखेर रविवारी रात्री सुमारे १० वाजता मृतदेह बाहेर काढण्यात यश मिळवले. यावेळी महागाव पोलीस ठाण्याचे अधिकारी व कर्मचारी, महसूल विभागाचे अधिकारी कर्मचारी तसेच मोठ्या संख्येने ग्रामस्थ उपस्थित होते. मृतदेह बाहेर काढल्यानंतर पंचनामा व इतर कायदेशीर प्रक्रिया पूर्ण करण्यात आल्या. रविवारी रात्री सुमारे २ वाजता मृतदेह शवविच्छेदनासाठी सवना येथील ग्रामीण रुग्णालयात पाठवण्यात आला. भगवान भाकरे यांच्या पश्चात त्यांची पत्नी, दोन मुली व एक मुलगा असा परिवार आहे. या दुर्दैवी घटनेमुळे संपूर्ण वाघनाथ परिसर हळहळ व्यक्त करत असून, भाकरे कुटुंबीयांवर दुःखाचा डोंगर कोसळला आहे. मात्र, बातमी लिहिपर्यंत मृत्यूचे नेमके कारण आणि पुढील कार्यवाहीबाबत प्रशासनाकडून कोणतीही अधिकृत माहिती जाहीर करण्यात आलेली नव्हती.

Taha Mirza

Teacher महागाव, यवतमाळ, महाराष्ट्र•

2 hrs ago

यवतमाळ जिल्ह्यातील महागाव तालुक्यातील वाघनाथ येथे एका शेतातील विहिरीत भगवान भाकरे (अंदाजे ४० वर्षे) यांचा मृतदेह आढळून आल्याने परिसरात शोककळा पसरली आहे. दोन दिवस अथकपणे चाललेल्या शोधमोहीमेनंतर, रविवारी रात्री सुमारे १० वाजता आपत्ती व्यवस्थापन पथकाला हा मृतदेह विहिरीतून बाहेर काढण्यात यश आले. मृतदेह बाहेर काढण्यासाठी चार मोटारपंपांच्या सहाय्याने विहिरीतील पाणी उपसण्यात आले. भगवान भाकरे यांनी २० जून रोजी विहिरीत उडी घेतल्याची माहिती समोर आल्यानंतर गावात खळबळ उडाली होती. घटनास्थळी त्यांच्या चप्पला, दुचाकी आणि शेती फवारणीसाठी वापरण्यात येणारे औषध सापडल्याने अनर्थाची शक्यता वर्तवली जात होती. सुमारे ८० फूट खोल असलेल्या विहिरीत मोठ्या प्रमाणात पाणी असल्याने शोधकार्यात अडचणी येत होत्या, मात्र गावकऱ्यांनीही दोन दिवस रात्रंदिवस प्रशासनाला सहकार्य केले. या शोधमोहीमेसाठी यवतमाळ येथील आपत्ती व्यवस्थापन पथकाला

पाचारण करण्यात आले होते. पथकाने घटनास्थळी येऊन शोधकार्य अधिक वेगाने राबवले आणि अखेर रविवारी रात्री सुमारे १० वाजता मृतदेह बाहेर काढण्यात यश मिळवले. यावेळी महागाव पोलीस ठाण्याचे अधिकारी व कर्मचारी, महसूल विभागाचे अधिकारी कर्मचारी तसेच मोठ्या संख्येने ग्रामस्थ उपस्थित होते. मृतदेह बाहेर काढल्यानंतर पंचनामा व इतर कायदेशीर प्रक्रिया पूर्ण करण्यात आल्या. रविवारी रात्री सुमारे २ वाजता मृतदेह शवविच्छेदनासाठी सवना येथील ग्रामीण रुग्णालयात पाठवण्यात आला. भगवान भाकरे यांच्या पश्चात त्यांची पत्नी, दोन मुली व एक मुलगा असा परिवार आहे. या दुर्दैवी घटनेमुळे संपूर्ण वाघनाथ परिसर हळहळ व्यक्त करत असून, भाकरे कुटुंबीयांवर दुःखाचा डोंगर कोसळला आहे. मात्र, बातमी लिहिपर्यंत मृत्यूचे नेमके कारण आणि पुढील कार्यवाहीबाबत प्रशासनाकडून कोणतीही अधिकृत माहिती जाहीर करण्यात आलेली नव्हती.