ମାଲକାନଗିରି ଜିଲ୍ଲାର ସୀମାନ୍ତ ଅଞ୍ଚଳ ମୋଟୁରେ ଏକ ସରକାରୀ ଆମ୍ବୁଲାନ୍ସ ଉପଲବ୍ଧ ଥିଲେ ମଧ୍ୟ ଏହାର ବ୍ୟବହାର ବହୁତ କମ୍ ଦେଖିବାକୁ ମିଳୁଛି। ସୀମାନ୍ତ ଅଞ୍ଚଳର ଅଧିକାଂଶ ଲୋକ ପ୍ରାଥମିକ ଚିକିତ୍ସା ପାଇଁ ମୋଟୁ ହସ୍ପିଟାଲକୁ ଆସୁଥିବାବେଳେ, ଗୁରୁତର ଚିକିତ୍ସା ପାଇଁ ପଡ଼ୋଶୀ ଆନ୍ଧ୍ରପ୍ରଦେଶ ଓ ତେଲେଙ୍ଗାନାର ଚିନ୍ତୁର, କୋଣ୍ଟା, ଭଦ୍ରାଚଳମ, ଖମ୍ମମ ଓ ହାଇଦ୍ରାବାଦ ଭଳି ହସ୍ପିଟାଲ ଉପରେ ଅଧିକ ନିର୍ଭର କରୁଛନ୍ତି। ଏହି କାରଣରୁ ମୋଟୁରେ ଥିବା ସରକାରୀ ଆମ୍ବୁଲାନ୍ସକୁ ଖୁବ୍ କମ୍ କଲ୍ ଆସୁଛି ଏବଂ ଏହା ଅଧିକାଂଶ ସମୟ ହସ୍ପିଟାଲ ପରିସରରେ ହିଁ ପଡ଼ି ରହୁଛି। ସ୍ଥାନୀୟ ଅଞ୍ଚଳବାସୀଙ୍କ ମତରେ, ଦୀର୍ଘ ସମୟ ଧରି ଗାଡ଼ିର ବ୍ୟବହାର କମ୍ ହେଲେ ଯାନ୍ତ୍ରିକ ତ୍ରୁଟି ସୃଷ୍ଟି ହେବା ସହ ସରକାରୀ ସମ୍ପତ୍ତିର ମଧ୍ୟ ସଠିକ୍ ବ୍ୟବହାର ହେଉନାହିଁ। ଏପରି ପରିସ୍ଥିତିରେ ମୋଟୁରେ ଥିବା ଆମ୍ବୁଲାନ୍ସକୁ କଇକୋଣ୍ଡା ହସ୍ପିଟାଲରେ ମୁତୟନ କରାଗଲେ ଏହା ମୋଟୁ ଓ ପ୍ରାୟ ୩୦ କିଲୋମିଟର ଅଞ୍ଚଳକୁ ଜରୁରୀ ସ୍ୱାସ୍ଥ୍ୟସେବା ପହଞ୍ଚାଇପାରିବ। ଏହାଦ୍ୱାରା ପ୍ରାୟ ୬୦ କିଲୋମିଟର ଅଞ୍ଚଳର ଲୋକେ ଆମ୍ବୁଲାନ୍ସ ସେବାର ସୁବିଧା ପାଇବା ସହ ଗୁରୁତର ରୋଗୀଙ୍କୁ ଶୀଘ୍ର ହସ୍ପିଟାଲକୁ ନେବା ସମ୍ଭବ ହେବ ବୋଲି ସ୍ଥାନୀୟ ଲୋକେ କହିଛନ୍ତି। ସୀମାନ୍ତ ଅଞ୍ଚଳର ବାସ୍ତବ ଆବଶ୍ୟକତାକୁ ବିଚାର କରି ଆମ୍ବୁଲାନ୍ସର ଅବସ୍ଥାପନକୁ ପୁନଃ ସମୀକ୍ଷା କରିବା ସହ କଇକୋଣ୍ଡାରେ ମୁତୟନ କରିବା ପାଇଁ ସ୍ୱାସ୍ଥ୍ୟ ବିଭାଗଙ୍କ ନିକଟରେ ସ୍ଥାନୀୟ ଅଞ୍ଚଳବାସୀ ଦାବି କରିଛନ୍ତି। ଏହା ଦ୍ୱାରା ସରକାରୀ ଆମ୍ବୁଲାନ୍ସର ସଦୁପଯୋଗ ହେବା ସହ ସୀମାନ୍ତ ଅଞ୍ଚଳର ହଜାର ହଜାର ଲୋକ ଉପକୃତ ହୋଇପାରିବେ।

Santosh panda

Newsstand ଏମ.ଭି. 79, ମାଲକାନଗିରି, ଓଡ଼ିଶା•

22 hrs ago

ମାଲକାନଗିରି ଜିଲ୍ଲାର ସୀମାନ୍ତ ଅଞ୍ଚଳ ମୋଟୁରେ ଏକ ସରକାରୀ ଆମ୍ବୁଲାନ୍ସ ଉପଲବ୍ଧ ଥିଲେ ମଧ୍ୟ ଏହାର ବ୍ୟବହାର ବହୁତ କମ୍ ଦେଖିବାକୁ ମିଳୁଛି। ସୀମାନ୍ତ ଅଞ୍ଚଳର ଅଧିକାଂଶ ଲୋକ ପ୍ରାଥମିକ ଚିକିତ୍ସା ପାଇଁ ମୋଟୁ ହସ୍ପିଟାଲକୁ ଆସୁଥିବାବେଳେ, ଗୁରୁତର ଚିକିତ୍ସା ପାଇଁ ପଡ଼ୋଶୀ ଆନ୍ଧ୍ରପ୍ରଦେଶ ଓ ତେଲେଙ୍ଗାନାର ଚିନ୍ତୁର, କୋଣ୍ଟା, ଭଦ୍ରାଚଳମ, ଖମ୍ମମ ଓ ହାଇଦ୍ରାବାଦ ଭଳି ହସ୍ପିଟାଲ ଉପରେ ଅଧିକ ନିର୍ଭର କରୁଛନ୍ତି। ଏହି କାରଣରୁ ମୋଟୁରେ ଥିବା ସରକାରୀ ଆମ୍ବୁଲାନ୍ସକୁ ଖୁବ୍ କମ୍ କଲ୍ ଆସୁଛି ଏବଂ ଏହା ଅଧିକାଂଶ ସମୟ ହସ୍ପିଟାଲ ପରିସରରେ ହିଁ ପଡ଼ି ରହୁଛି। ସ୍ଥାନୀୟ ଅଞ୍ଚଳବାସୀଙ୍କ ମତରେ, ଦୀର୍ଘ ସମୟ ଧରି ଗାଡ଼ିର ବ୍ୟବହାର କମ୍ ହେଲେ ଯାନ୍ତ୍ରିକ ତ୍ରୁଟି ସୃଷ୍ଟି ହେବା ସହ ସରକାରୀ ସମ୍ପତ୍ତିର

ମଧ୍ୟ ସଠିକ୍ ବ୍ୟବହାର ହେଉନାହିଁ। ଏପରି ପରିସ୍ଥିତିରେ ମୋଟୁରେ ଥିବା ଆମ୍ବୁଲାନ୍ସକୁ କଇକୋଣ୍ଡା ହସ୍ପିଟାଲରେ ମୁତୟନ କରାଗଲେ ଏହା ମୋଟୁ ଓ ପ୍ରାୟ ୩୦ କିଲୋମିଟର ଅଞ୍ଚଳକୁ ଜରୁରୀ ସ୍ୱାସ୍ଥ୍ୟସେବା ପହଞ୍ଚାଇପାରିବ। ଏହାଦ୍ୱାରା ପ୍ରାୟ ୬୦ କିଲୋମିଟର ଅଞ୍ଚଳର ଲୋକେ ଆମ୍ବୁଲାନ୍ସ ସେବାର ସୁବିଧା ପାଇବା ସହ ଗୁରୁତର ରୋଗୀଙ୍କୁ ଶୀଘ୍ର ହସ୍ପିଟାଲକୁ ନେବା ସମ୍ଭବ ହେବ ବୋଲି ସ୍ଥାନୀୟ ଲୋକେ କହିଛନ୍ତି। ସୀମାନ୍ତ ଅଞ୍ଚଳର ବାସ୍ତବ ଆବଶ୍ୟକତାକୁ ବିଚାର କରି ଆମ୍ବୁଲାନ୍ସର ଅବସ୍ଥାପନକୁ ପୁନଃ ସମୀକ୍ଷା କରିବା ସହ କଇକୋଣ୍ଡାରେ ମୁତୟନ କରିବା ପାଇଁ ସ୍ୱାସ୍ଥ୍ୟ ବିଭାଗଙ୍କ ନିକଟରେ ସ୍ଥାନୀୟ ଅଞ୍ଚଳବାସୀ ଦାବି କରିଛନ୍ତି। ଏହା ଦ୍ୱାରା ସରକାରୀ ଆମ୍ବୁଲାନ୍ସର ସଦୁପଯୋଗ ହେବା ସହ ସୀମାନ୍ତ ଅଞ୍ଚଳର ହଜାର ହଜାର ଲୋକ ଉପକୃତ ହୋଇପାରିବେ।