కారుమూరి సునీల్ కుమార్ యాదవ్ అక్రమ అరెస్టు అప్రజాస్వామికమని వైఎస్ఆర్ కాంగ్రెస్ పార్టీ (వైఎస్సార్‌సీపీ) యువజన విభాగం రాష్ట్ర అధికార ప్రతినిధి చీదెళ్ల కిషన్ మండిపడ్డారు. నెల్లూరులోని వైఎస్ఆర్ కాంగ్రెస్ పార్టీ నగర నియోజకవర్గ కార్యాలయంలో యువజన విభాగం నేతలతో కలిసి నిర్వహించిన ప్రెస్ మీట్‌లో ఆయన మాట్లాడుతూ, రాష్ట్రంలో చంద్రబాబు నాయుడు, మంత్రి లోకేష్‌లు 'రెడ్ బుక్ పాలన' సాగిస్తూ, వైఎస్సార్‌సీపీ నేతలపై అక్రమ కేసులు బనాయిస్తూ రాజకీయ కక్ష సాధింపు చర్యలకు పాల్పడుతున్నారని ధ్వజమెత్తారు. తాజాగా మాజీ మంత్రి కారుమూరి నాగేశ్వరరావు తనయులు కారుమూరి సునీల్ కుమార్ యాదవ్ గారిపై అక్రమ లిక్కర్ రవాణా కేసు బనాయించి అరెస్టు చేయడాన్ని కిషన్ గారు తీవ్రంగా ఖండించారు. ఇది చంద్రబాబు 'డైవర్షన్ పాలిటిక్స్'లో భాగమేనని, రాష్ట్ర ప్రభుత్వంపై తీవ్ర ప్రజా వ్యతిరేకతను దృష్టి మరల్చడానికే ఇలాంటి అక్రమ అరెస్టులకు పాల్పడుతున్నారని ఆరోపించారు. 'మెగా డీఎస్సీ'ని 'దగా డీఎస్సీ'గా మార్చడంతో యువత, విద్యార్థులు ఆగ్రహంగా ఉన్నారని, చిన్నారి జ్ఞానేశ్వరి అదృశ్యమై వారం రోజులు గడుస్తున్నా ఆచూకీ కనుగొనడంలో ప్రభుత్వం ఘోరంగా విఫలమైందని ఆయన పేర్కొన్నారు. అలాగే, విజయవాడ కృష్ణలంకలో యువకుడు సాయికృష్ణను పోలీసులు కొట్టి చంపిన ఘటనపై రాష్ట్రవ్యాప్తంగా చర్చ జరుగుతుంటే, ఆ మచ్చ తెలుగుదేశం పార్టీపై పడుతుందన్న భయంతోనే చంద్రబాబు ఈ అక్రమ అరెస్టుకు తెరలేపారని కిషన్ విమర్శించారు. కూటమి ప్రభుత్వం డైరెక్షన్ లోనే ఈ అరెస్టు జరిగిందని, ఇది ఆధారాలు లేని ఫాల్స్ కేసని, ఇలాంటి అక్రమ కేసులకు వైఎస్ఆర్ కాంగ్రెస్ పార్టీ భయపడేది లేదని స్పష్టం చేశారు. మద్యం స్కామ్‌లపై కూటమి ప్రభుత్వం చేస్తున్న ఆరోపణలను చీదెళ్ల కిషన్ గారు ఖండించారు. 2014 నుంచి 2019 వరకు వైఎస్ జగన్మోహన్ రెడ్డి గారు ఒక్క కొత్త డిస్టిలరీకి కూడా అనుమతి ఇవ్వకుండా పాత వాటిని కొనసాగించారని గుర్తు చేశారు. అప్పట్లో టీడీపీ ప్రభుత్వంలో ఉన్న ప్రైవేటు మద్యం షాపులను ఎత్తివేసి, పూర్తిగా ప్రభుత్వ ఆధ్వర్యంలోనే మద్యం షాపులను ఏర్పాటు చేసి, జగన్మోహన్ రెడ్డి గారు మద్య నియంత్రణను తీసుకువచ్చారని అన్నారు. బెల్టు షాపులను రద్దు చేసి, మద్యం ధరలను పెంచి, అమ్మకాలను తగ్గించిన ఘనత జగన్మోహన్ రెడ్డి గారిదని, ప్రతి మద్యం బాటిల్‌కు ప్రత్యేక క్యూఆర్ కోడ్ కేటాయించి పారదర్శకతను తీసుకువచ్చారని వివరించారు. గత వైఎస్సార్‌సీపీ ప్రభుత్వంలో పారదర్శకంగా మద్యం పాలసీని అమలు చేస్తే, ఈరోజు ప్రభుత్వం రాజకీయ కక్షతో దానిని స్కామ్‌గా పేర్కొంటూ అక్రమ అరెస్టులకు పాల్పడటం సిగ్గుచేటని వ్యాఖ్యానించారు. ప్రస్తుతం రాష్ట్రంలో మద్యం ఏరులై పారుతోందని, రాత్రి సమయాల్లో కూడా బ్లాక్‌లో విక్రయిస్తున్నారని ఆరోపించారు. కారుమూరి సునీల్ కుమార్ యాదవ్ అరెస్టు దుర్మార్గమైన చర్య అని, గతంలో ఇదేవిధంగా పెద్దిరెడ్డి రామచంద్రారెడ్డి తనయులు పెద్దిరెడ్డి మిధున్ రెడ్డిని కూడా కూటమి ప్రభుత్వం అరెస్టు చేసి వైఎస్ఆర్ కాంగ్రెస్ పార్టీపై బురదజల్లే ప్రయత్నం చేసిందని కిషన్ గుర్తు చేశారు. ఈ అరెస్టు కారుమూరి నాగేశ్వరరావు గారిని, వైఎస్ జగన్మోహన్ రెడ్డికి అండగా ఉంటున్న వారి కుటుంబాన్ని మానసికంగా దెబ్బతీయాలనే కుట్రతో కూడినదేనని అన్నారు. కారుమూరి సునీల్ కుమార్ యాదవ్ అక్రమ అరెస్టును ధైర్యంగా ఎదుర్కొని నిర్దోషిగా బయటకు వస్తారన్న ధైర్యం తమకు ఉందని స్పష్టం చేశారు. గత రెండు సంవత్సరాలుగా కూటమి ప్రభుత్వం సాగిస్తున్న దుర్మార్గాలు, దౌర్జన్యాలను వైఎస్ఆర్ కాంగ్రెస్ పార్టీ బయటపెడుతుందన్న అక్కస్సుతోనే చంద్రబాబు ఈ విధమైన దుర్మార్గ చర్యలు అవలంబిస్తున్నారని ధ్వజమెత్తారు. ఈ 'రెడ్ బుక్ పాలన'కు రేపటి వైఎస్ఆర్ కాంగ్రెస్ పార్టీ తీసుకువచ్చే 'డిజిటల్ బుక్' సమాధానం చెబుతుందని హెచ్చరించారు. వైఎస్సార్‌సీపీ నేతలను అక్రమ అరెస్టులు చేసి పార్టీ ప్రతిష్టను దెబ్బతీయాలని చూస్తే, కూటమి పార్టీలకు ప్రజలే తగిన బుద్ధి చెబుతారని ఆయన హెచ్చరించారు. ఈ కార్యక్రమంలో యువజన విభాగం నగర అధ్యక్షులు సుంకర సందీప్ గారు కూడా మాట్లాడుతూ, కారుమూరి సునీల్ కుమార్ యాదవ్ గారి అక్రమ అరెస్టును ఖండించారు. 190 కోట్ల మద్యం స్కామ్ అంటూ ఆయనపై అక్రమ కేసు బనాయించడం రాజకీయ కక్ష సాధింపు చర్యల్లో భాగమేనని అన్నారు. రాష్ట్రంలో కూటమి ప్రభుత్వం రెడ్ బుక్ పాలన సాగిస్తూ, 'డైవర్షన్ పాలిటిక్స్' చేస్తూ వైఎస్సార్‌సీపీ నేతలపై అక్రమ అరెస్టులకు పాల్పడుతోందని విమర్శించారు. ఎన్ని అక్రమ కేసులు పెట్టినా వైఎస్ఆర్ కాంగ్రెస్ పార్టీ నాయకులు, కార్యకర్తలు భయపడరని, రేపు రాబోయేది జగనన్న ప్రభుత్వమేనని, అప్పుడు తెలుగుదేశం పార్టీకి తగిన బుద్ధి చెబుతామని హెచ్చరించారు. ఈ కార్యక్రమంలో నెల్లూరు సిటీ నియోజకవర్గ యువజన అధ్యక్షులు యస్థాని, యువజన విభాగం జిల్లా ప్రధాన కార్యదర్శి రోషన్, యువజన విభాగం జిల్లా కార్యదర్శి గుడి శివ, యువజన విభాగం రాష్ట్ర కార్యదర్శి కార్తిక్, 11వ డివిజన్ ఇంచార్జీ మహేష్ యాదవ్ తదితరులు పాల్గొన్నారు.

SRIHARI POONDLA

నెల్లూరు అర్బన్, ఎస్పీఎస్ఆర్ నెల్లూరు, ఆంధ్రప్రదేశ్•

8 hrs ago

కారుమూరి సునీల్ కుమార్ యాదవ్ అక్రమ అరెస్టు అప్రజాస్వామికమని వైఎస్ఆర్ కాంగ్రెస్ పార్టీ (వైఎస్సార్‌సీపీ) యువజన విభాగం రాష్ట్ర అధికార ప్రతినిధి చీదెళ్ల కిషన్ మండిపడ్డారు. నెల్లూరులోని వైఎస్ఆర్ కాంగ్రెస్ పార్టీ నగర నియోజకవర్గ కార్యాలయంలో యువజన విభాగం నేతలతో కలిసి నిర్వహించిన ప్రెస్ మీట్‌లో ఆయన మాట్లాడుతూ, రాష్ట్రంలో చంద్రబాబు నాయుడు, మంత్రి లోకేష్‌లు 'రెడ్ బుక్ పాలన' సాగిస్తూ, వైఎస్సార్‌సీపీ నేతలపై అక్రమ కేసులు బనాయిస్తూ రాజకీయ కక్ష సాధింపు చర్యలకు పాల్పడుతున్నారని ధ్వజమెత్తారు. తాజాగా మాజీ మంత్రి కారుమూరి నాగేశ్వరరావు తనయులు కారుమూరి సునీల్ కుమార్ యాదవ్ గారిపై అక్రమ లిక్కర్ రవాణా కేసు బనాయించి అరెస్టు చేయడాన్ని కిషన్ గారు తీవ్రంగా ఖండించారు. ఇది చంద్రబాబు 'డైవర్షన్ పాలిటిక్స్'లో భాగమేనని, రాష్ట్ర ప్రభుత్వంపై తీవ్ర ప్రజా వ్యతిరేకతను దృష్టి మరల్చడానికే ఇలాంటి అక్రమ అరెస్టులకు పాల్పడుతున్నారని ఆరోపించారు. 'మెగా డీఎస్సీ'ని 'దగా డీఎస్సీ'గా మార్చడంతో యువత, విద్యార్థులు ఆగ్రహంగా ఉన్నారని, చిన్నారి జ్ఞానేశ్వరి అదృశ్యమై వారం రోజులు గడుస్తున్నా ఆచూకీ కనుగొనడంలో ప్రభుత్వం ఘోరంగా విఫలమైందని ఆయన పేర్కొన్నారు. అలాగే, విజయవాడ కృష్ణలంకలో యువకుడు సాయికృష్ణను పోలీసులు కొట్టి చంపిన ఘటనపై రాష్ట్రవ్యాప్తంగా చర్చ జరుగుతుంటే, ఆ మచ్చ తెలుగుదేశం పార్టీపై పడుతుందన్న భయంతోనే చంద్రబాబు ఈ అక్రమ అరెస్టుకు తెరలేపారని కిషన్ విమర్శించారు. కూటమి ప్రభుత్వం డైరెక్షన్ లోనే ఈ అరెస్టు జరిగిందని, ఇది ఆధారాలు లేని ఫాల్స్ కేసని, ఇలాంటి అక్రమ కేసులకు వైఎస్ఆర్ కాంగ్రెస్ పార్టీ భయపడేది లేదని స్పష్టం చేశారు. మద్యం స్కామ్‌లపై కూటమి ప్రభుత్వం చేస్తున్న ఆరోపణలను చీదెళ్ల కిషన్ గారు ఖండించారు. 2014 నుంచి 2019 వరకు వైఎస్ జగన్మోహన్ రెడ్డి గారు ఒక్క కొత్త డిస్టిలరీకి కూడా అనుమతి ఇవ్వకుండా పాత వాటిని కొనసాగించారని గుర్తు చేశారు. అప్పట్లో టీడీపీ ప్రభుత్వంలో ఉన్న ప్రైవేటు మద్యం షాపులను ఎత్తివేసి, పూర్తిగా ప్రభుత్వ ఆధ్వర్యంలోనే మద్యం షాపులను ఏర్పాటు చేసి, జగన్మోహన్ రెడ్డి గారు మద్య నియంత్రణను తీసుకువచ్చారని అన్నారు. బెల్టు షాపులను రద్దు చేసి, మద్యం ధరలను పెంచి, అమ్మకాలను తగ్గించిన ఘనత జగన్మోహన్ రెడ్డి గారిదని, ప్రతి మద్యం బాటిల్‌కు ప్రత్యేక క్యూఆర్ కోడ్ కేటాయించి పారదర్శకతను తీసుకువచ్చారని వివరించారు. గత వైఎస్సార్‌సీపీ ప్రభుత్వంలో పారదర్శకంగా మద్యం పాలసీని అమలు చేస్తే, ఈరోజు ప్రభుత్వం రాజకీయ కక్షతో దానిని స్కామ్‌గా పేర్కొంటూ అక్రమ అరెస్టులకు పాల్పడటం సిగ్గుచేటని వ్యాఖ్యానించారు. ప్రస్తుతం రాష్ట్రంలో మద్యం ఏరులై పారుతోందని, రాత్రి సమయాల్లో కూడా బ్లాక్‌లో విక్రయిస్తున్నారని ఆరోపించారు. కారుమూరి సునీల్ కుమార్ యాదవ్ అరెస్టు దుర్మార్గమైన చర్య అని, గతంలో ఇదేవిధంగా పెద్దిరెడ్డి రామచంద్రారెడ్డి తనయులు పెద్దిరెడ్డి మిధున్ రెడ్డిని కూడా కూటమి ప్రభుత్వం అరెస్టు చేసి వైఎస్ఆర్ కాంగ్రెస్ పార్టీపై బురదజల్లే ప్రయత్నం చేసిందని కిషన్ గుర్తు చేశారు. ఈ అరెస్టు కారుమూరి నాగేశ్వరరావు గారిని, వైఎస్ జగన్మోహన్ రెడ్డికి అండగా ఉంటున్న వారి కుటుంబాన్ని మానసికంగా దెబ్బతీయాలనే కుట్రతో కూడినదేనని అన్నారు. కారుమూరి సునీల్ కుమార్ యాదవ్ అక్రమ అరెస్టును ధైర్యంగా ఎదుర్కొని నిర్దోషిగా బయటకు వస్తారన్న ధైర్యం తమకు ఉందని స్పష్టం చేశారు. గత రెండు సంవత్సరాలుగా కూటమి ప్రభుత్వం సాగిస్తున్న దుర్మార్గాలు, దౌర్జన్యాలను వైఎస్ఆర్ కాంగ్రెస్ పార్టీ బయటపెడుతుందన్న అక్కస్సుతోనే చంద్రబాబు ఈ విధమైన దుర్మార్గ చర్యలు అవలంబిస్తున్నారని ధ్వజమెత్తారు. ఈ 'రెడ్ బుక్ పాలన'కు రేపటి వైఎస్ఆర్ కాంగ్రెస్ పార్టీ తీసుకువచ్చే 'డిజిటల్ బుక్' సమాధానం చెబుతుందని హెచ్చరించారు. వైఎస్సార్‌సీపీ నేతలను అక్రమ అరెస్టులు చేసి పార్టీ ప్రతిష్టను దెబ్బతీయాలని చూస్తే, కూటమి పార్టీలకు ప్రజలే తగిన బుద్ధి చెబుతారని ఆయన హెచ్చరించారు. ఈ కార్యక్రమంలో యువజన విభాగం నగర అధ్యక్షులు సుంకర సందీప్ గారు కూడా మాట్లాడుతూ, కారుమూరి సునీల్ కుమార్ యాదవ్ గారి అక్రమ అరెస్టును ఖండించారు. 190 కోట్ల మద్యం స్కామ్ అంటూ ఆయనపై అక్రమ కేసు బనాయించడం రాజకీయ కక్ష సాధింపు చర్యల్లో భాగమేనని అన్నారు. రాష్ట్రంలో కూటమి ప్రభుత్వం రెడ్ బుక్ పాలన సాగిస్తూ, 'డైవర్షన్ పాలిటిక్స్' చేస్తూ వైఎస్సార్‌సీపీ నేతలపై అక్రమ అరెస్టులకు పాల్పడుతోందని విమర్శించారు. ఎన్ని అక్రమ కేసులు పెట్టినా వైఎస్ఆర్ కాంగ్రెస్ పార్టీ నాయకులు, కార్యకర్తలు భయపడరని, రేపు రాబోయేది జగనన్న ప్రభుత్వమేనని, అప్పుడు తెలుగుదేశం పార్టీకి తగిన బుద్ధి చెబుతామని హెచ్చరించారు. ఈ కార్యక్రమంలో నెల్లూరు సిటీ నియోజకవర్గ యువజన అధ్యక్షులు యస్థాని, యువజన విభాగం జిల్లా ప్రధాన కార్యదర్శి రోషన్, యువజన విభాగం జిల్లా కార్యదర్శి గుడి శివ, యువజన విభాగం రాష్ట్ర కార్యదర్శి కార్తిక్, 11వ డివిజన్ ఇంచార్జీ మహేష్ యాదవ్ తదితరులు పాల్గొన్నారు.