દક્ષિણ ગુજરાત ચેમ્બર ઓફ કોમર્સ એન્ડ ઇન્ડસ્ટ્રી દ્વારા સુરતમાં 'ગ્લોબલ ફેબ્રિક એક્સ્પો-2026'નું આયોજન કરવામાં આવ્યું છે. આ એક્સ્પો 26 થી 28 જૂન 2026 દરમિયાન સરસાણા સ્થિત સુરત ઇન્ટરનેશનલ એક્ઝિબિશન એન્ડ કન્વેન્શન સેન્ટર ખાતે યોજાશે.

સુરતમાંથી એક ચોંકાવનારો કિસ્સો સામે આવ્યો છે, જ્યાં લોહીના સંબંધોને લજવીને સગાં બહેન અને બનેવીએ પોતાના જ અનાથ ભાઈની કરોડો રૂપિયાની કિંમતી મિલકત પચાવી પાડી છે. આ ગુનાહિત કૃત્યને અંજામ આપવા માટે, તેઓએ પિતાનું વસીયતનામું છુપાવ્યું અને બોગસ ભાડા કરારો પણ ઊભા કર્યા હતા. આટલેથી ન અટકતા, તેમણે ભાઈની સહી કે સંમતિ વિના બેંક અને LICમાંથી લાખો રૂપિયા પણ સેરવી લીધા. જ્યારે ભાઈએ પોતાના હકની માંગણી કરી, ત્યારે બહેન અને બનેવીએ તેને ટાંટિયા તોડી જાનથી મારી નાખવાની ધમકી આપી. આ ઘટના પૈસા અને મિલકત માટે સંબંધોની કિંમત ભૂલી જવાના ગંભીર પ્રશ્નો ઊભા કરે છે.

સુરતના પાંડેસરા વિસ્તારમાં ખાવા-પીવા બાબતે થયેલી સામાન્ય બોલાચાલી અને ઝઘડાએ ગંભીર સ્વરૂપ ધારણ કરતાં એક મિત્રએ પોતાના જ મિત્રની ચાકુના ઘા ઝીંકી ક્રૂરતાપૂર્વક હત્યા કરી દીધી છે. આ ઘટનામાં અમોલ નામના યુવક પર તેના સાથી યુવક શનિએ 'તું મને છોડીને કેમ ભાગી ગયો' તેમ કહીને ઘાતકી હુમલો કર્યો હતો. ગંભીર રીતે ઇજાગ્રસ્ત થયેલા અમોલને તાત્કાલિક સિવિલ હોસ્પિટલ ખસેડવામાં આવ્યો હતો, જ્યાં ફરજ પરના તબીબોએ તેને મૃત જાહેર કર્યો હતો. આ મામલે પાંડેસરા પોલીસે ગુનો નોંધીને આગળની તપાસ શરૂ કરી છે.

દક્ષિણ ગુજરાત ચેમ્બર ઓફ કોમર્સ એન્ડ ઇન્ડસ્ટ્રી દ્વારા સુરતમાં 'ગ્લોબલ ફેબ્રિક એક્સ્પો-2026'નું આયોજન કરવામાં આવ્યું છે. આ એક્સ્પો 26 થી 28 જૂન 2026 દરમિયાન સરસાણા સ્થિત સુરત ઇન્ટરનેશનલ એક્ઝિબિશન એન્ડ કન્વેન્શન સેન્ટર ખાતે યોજાશે.

સુરતમાં મોહરમના પવિત્ર માસની 9મી તારીખ, જેને 'કત્લની રાત' તરીકે ઓળખવામાં આવે છે, તે નિમિત્તે પરંપરાગત તાજિયાના ભવ્ય જુલૂસ કાઢવામાં આવ્યા હતા. આ અવસરે, અકિદતમંદો દ્વારા મરસિયા અને 'યા હુસૈન'ના નારા લગાવવામાં આવ્યા હતા. આ જુલૂસમાં આકર્ષક રોશનીથી શણગારેલા તાજિયા અને સવારીઓ જોવા મળી હતી.

સુરતમાં સચિન GIDC પોલીસ સ્ટેશનમાં નોંધાયેલા વાહન ચોરીના એક કેસમાં છેલ્લા સાડા ચાર વર્ષથી નાસતા ફરતા આરોપીની ધરપકડ કરીને પોલીસે મોટી સફળતા મેળવી છે. આ આરોપી મધ્યપ્રદેશના અલીરાજપુર જિલ્લાના કુખ્યાત ચોર ગઠિયાનો સભ્ય છે. પોલીસ કમિશનર અનુપમ સિંહ ગેહલોત, અધિક પોલીસ કમિશનર સેક્ટર-2, પોલીસ ઉપાયુક્ત ઝોન-6 અને મદદનીશ પોલીસ કમિશનર "જે" ડિવિઝનના માર્ગદર્શન હેઠળ આ કાર્યવાહી કરવામાં આવી હતી. પીઆઈ કે.એન. ગોહિલ અને સેકન્ડ પીઆઈ કે.એન. ચૌહાણના નિર્દેશનથી પીએસઆઈ એચ.આર. પટેલના નેતૃત્વ હેઠળની ટીમે ટેકનિકલ સર્વેલન્સ અને હ્યુમન ઈન્ટેલિજન્સની મદદથી આરોપીને ઝડપી પાડ્યો. આ કાર્યવાહીમાં એએસઆઈ અકરમભાઈ ગુલામભાઈ, હેડ કોન્સ્ટેબલ સુનીલભાઈ રૂપાભાઈ અને પોલીસ કોન્સ્ટેબલ રાહુલભાઈ રમેશભાઈએ મહત્વપૂર્ણ ભૂમિકા ભજવી હતી. ઝડપાયેલા આરોપી સામે સચિન GIDC અને પાંડેસરા પોલીસ સ્ટેશનમાં વાહન ચોરીના અનેક કેસ નોંધાયેલા છે.

સુરતના લિંબાયત વિસ્તારમાં સિરાતુન્નબી કમિટિ અને લીંબાયત તાજીયા કમિટિ દ્વારા એક વિશેષ કાર્યક્રમનું આયોજન કરવામાં આવ્યું હતું. આ કાર્યક્રમનો મુખ્ય ઉદ્દેશ્ય કોમી એકતા અને ભાઈચારગીનો સંદેશ આપવાનો હતો. આ પ્રસંગે સર્વ સમાજના આગેવાનો અને કોર્પોરેટર શ્રીઓએ ઉપસ્થિત રહી કાર્યક્રમને સફળ બનાવ્યો હતો.

સુરત જિલ્લાના લિંબાયત વિસ્તારમાં મોહરમના નવમા ચાંદના અવસર પર એક વિશેષ કાર્યક્રમનું આયોજન કરવામાં આવ્યું હતું, જ્યાં એકતાનું ઉત્તમ ઉદાહરણ જોવા મળ્યું. આ કાર્યક્રમમાં તમામ સમાજના લોકો ઉપસ્થિત રહ્યા હતા. આ દિવસે લિંબાયત વિસ્તારમાં તાજીયા કાઢવામાં આવ્યા હતા, અને ત્યારબાદ તેમને ઔપચારિક રીતે વિદાય આપવામાં આવી હતી.

સુરતમાં નાયબ મુખ્યમંત્રી મંત્રી હર્ષ સંઘવીની ઉપસ્થિતિમાં શાળા પ્રવેશોત્સવ અને કન્યા કેળવણી મહોત્સવનું ઉત્સાહભેર આયોજન કરવામાં આવ્યું હતું. આ કાર્યક્રમ દરમિયાન, નગર પ્રાથમિક શિક્ષણ સમિતિની શાળાઓમાં લગભગ ૨૦૦ વિદ્યાર્થીઓને આનંદ સાથે પ્રવેશ આપવામાં આવ્યો. આ પ્રસંગે શિક્ષણનો એક નવો પ્રવાહ જોવા મળ્યો, જ્યાં આશરે ૫,૦૦૦ વિદ્યાર્થીઓએ ખાનગી શાળાઓ છોડીને સરકારી શાળાઓમાં પ્રવેશ મેળવ્યો. મંત્રીશ્રીએ બાળકોના ઉજ્જવળ ભવિષ્ય માટે શિક્ષકોને તેમની જવાબદારીનું ભાન કરાવી શ્રેષ્ઠ શિક્ષણ આપવા માટે ભારપૂર્વક ટકોર કરી હતી.