ତାମିଲନାଡୁର ପେରିୟାପାଳୟମସ୍ଥିତ ଏକ ସମୁଦ୍ର ଖାଦ୍ୟ ରପ୍ତାନି କାରଖାନାରେ ବିଷାକ୍ତ ଗ୍ୟାସ ଲିକ୍ ଯୋଗୁଁ କେନ୍ଦୁଝର ଜିଲ୍ଲାର ୧୪ ଜଣ ଜୁଆଙ୍ଗ ପିଭିଟିଜି (PVTG) ଆଦିବାସୀ ମହିଳାଙ୍କ ମୃତ୍ୟୁ ଘଟଣାରେ ପୂର୍ବତନ ରାଜ୍ୟସଭା ସାଂସଦ ନିରଞ୍ଜନ ବିଶି ପ୍ରଧାନମନ୍ତ୍ରୀଙ୍କ ହସ୍ତକ୍ଷେପ ଲୋଡ଼ିଛନ୍ତି। ଶ୍ରୀ ବିଶି ଏହି ସମ୍ପର୍କରେ ମାନ୍ୟବର ପ୍ରଧାନମନ୍ତ୍ରୀ, କେନ୍ଦ୍ର ଜନଜାତି କାର୍ଯ୍ୟ ମନ୍ତ୍ରୀ, କେନ୍ଦ୍ର ସାମାଜିକ ନ୍ୟାୟ ଓ ସଶକ୍ତିକରଣ ମନ୍ତ୍ରୀ ଏବଂ କେନ୍ଦ୍ର ମହିଳା ଓ ଶିଶୁ ବିକାଶ ମନ୍ତ୍ରୀଙ୍କୁ ପୃଥକ ପୃଥକ ସ୍ମାରକପତ୍ର ପ୍ରଦାନ କରି ଏହି ଘଟଣାର ଉଚ୍ଚସ୍ତରୀୟ ତଦନ୍ତ ଦାବି କରିଛନ୍ତି। ନିରଞ୍ଜନ ବିଶି ଅଭିଯୋଗ କରିଛନ୍ତି ଯେ, ଏହି ଦୁର୍ଘଟଣା କେବଳ ଏକ ସାଧାରଣ ଔଦ୍ୟୋଗିକ ଦୁର୍ଘଟଣା ନୁହେଁ, ବରଂ ପିଭିଟିଜି ଆଦିବାସୀ ମହିଳା ପ୍ରବାସୀ ଶ୍ରମିକଙ୍କ ସୁରକ୍ଷା, ଜୀବନ, ସମ୍ମାନ ଏବଂ ସାମ୍ବିଧାନିକ ଅଧିକାର ରକ୍ଷା କରିବାରେ ଏକ ଗୁରୁତର ବିଫଳତା। କେନ୍ଦୁଝର ଏକ ପଞ୍ଚମ ତଫସିଲଭୁକ୍ତ ଜିଲ୍ଲା ହୋଇଥିବା ବେଳେ ସେଠାରେ ପେସା (PESA) ଆଇନ କାର୍ଯ୍ୟକାରୀ ରହିଛି, ଯାହା ଦ୍ୱାରା ଜୁଆଙ୍ଗ ସମ୍ପ୍ରଦାୟ ପାଇଁ ବିଶେଷ ସୁରକ୍ଷା ବ୍ୟବସ୍ଥା ରହିଛି। ଏହା ସତ୍ତ୍ୱେ ଜୁଆଙ୍ଗ ଡେଭେଲପମେଣ୍ଟ ଏଜେନ୍ସି (JDA) ସ୍ଥାନୀୟ ସ୍ତରରେ ସ୍ଥାୟୀ ଜୀବିକାର ସୁଯୋଗ ସୃଷ୍ଟି କରିବାରେ ବିଫଳ ହୋଇଛି, ଯାହାଫଳରେ ଜୁଆଙ୍ଗ ମହିଳାମାନେ ପରିବାର ପ୍ରତିପାଳନ ପାଇଁ ଦୂର ରାଜ୍ୟକୁ ପ୍ରବାସ କରିବାକୁ ବାଧ୍ୟ ହେଉଛନ୍ତି। ତେଣୁ ସେ ଜୁଆଙ୍ଗ ଡେଭେଲପମେଣ୍ଟ ଏଜେନ୍ସିର କାର୍ଯ୍ୟଦକ୍ଷତା ସମୀକ୍ଷା କରିବାକୁ ଦାବି କରିଛନ୍ତି। ଶ୍ରୀ ବିଶି କେନ୍ଦ୍ର ସରକାରଙ୍କ ନିକଟରେ ଏହି ସମ୍ପର୍କରେ ଏକ ଉଚ୍ଚସ୍ତରୀୟ ସ୍ୱାଧୀନ ତଦନ୍ତ କରିବାକୁ ଦାବି କରିବା ସହ ଦୋଷୀଙ୍କ ବିରୋଧରେ କଠୋର ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ କହିଛନ୍ତି। ଏଥିସହିତ ପୀଡ଼ିତ ପରିବାରକୁ ପର୍ଯ୍ୟାପ୍ତ କ୍ଷତିପୂରଣ ଏବଂ ପୁନର୍ବାସ ପ୍ରଦାନ, ସେମାନଙ୍କ ଶିଶୁମାନଙ୍କ ପାଇଁ ଶିକ୍ଷା ଓ ସାମାଜିକ ସୁରକ୍ଷା ସୁନିଶ୍ଚିତ କରିବା ଏବଂ ପିଭିଟିଜି ସମେତ ସମସ୍ତ ଆଦିବାସୀ ପ୍ରବାସୀ ଶ୍ରମିକଙ୍କ ସୁରକ୍ଷା ପାଇଁ ଏକ ଜାତୀୟ ନୀତି ପ୍ରଣୟନ କରିବାକୁ ସେ କେନ୍ଦ୍ର ସରକାରଙ୍କୁ ଅନୁରୋଧ କରିଛନ୍ତି।

ଦୁର୍ଯ୍ୟୋଧନ ବର୍ଗେ

ବଲାଙ୍ଗୀର, ବଲାଙ୍ଗୀର, ଓଡ଼ିଶା•

7 hrs ago

ତାମିଲନାଡୁର ପେରିୟାପାଳୟମସ୍ଥିତ ଏକ ସମୁଦ୍ର ଖାଦ୍ୟ ରପ୍ତାନି କାରଖାନାରେ ବିଷାକ୍ତ ଗ୍ୟାସ ଲିକ୍ ଯୋଗୁଁ କେନ୍ଦୁଝର ଜିଲ୍ଲାର ୧୪ ଜଣ ଜୁଆଙ୍ଗ ପିଭିଟିଜି (PVTG) ଆଦିବାସୀ ମହିଳାଙ୍କ ମୃତ୍ୟୁ ଘଟଣାରେ ପୂର୍ବତନ ରାଜ୍ୟସଭା ସାଂସଦ ନିରଞ୍ଜନ ବିଶି ପ୍ରଧାନମନ୍ତ୍ରୀଙ୍କ ହସ୍ତକ୍ଷେପ ଲୋଡ଼ିଛନ୍ତି। ଶ୍ରୀ ବିଶି ଏହି ସମ୍ପର୍କରେ ମାନ୍ୟବର ପ୍ରଧାନମନ୍ତ୍ରୀ, କେନ୍ଦ୍ର ଜନଜାତି କାର୍ଯ୍ୟ ମନ୍ତ୍ରୀ, କେନ୍ଦ୍ର ସାମାଜିକ ନ୍ୟାୟ ଓ ସଶକ୍ତିକରଣ ମନ୍ତ୍ରୀ ଏବଂ କେନ୍ଦ୍ର ମହିଳା ଓ ଶିଶୁ ବିକାଶ ମନ୍ତ୍ରୀଙ୍କୁ ପୃଥକ ପୃଥକ ସ୍ମାରକପତ୍ର ପ୍ରଦାନ କରି ଏହି ଘଟଣାର ଉଚ୍ଚସ୍ତରୀୟ ତଦନ୍ତ ଦାବି କରିଛନ୍ତି। ନିରଞ୍ଜନ ବିଶି ଅଭିଯୋଗ କରିଛନ୍ତି ଯେ, ଏହି ଦୁର୍ଘଟଣା କେବଳ ଏକ ସାଧାରଣ ଔଦ୍ୟୋଗିକ ଦୁର୍ଘଟଣା ନୁହେଁ, ବରଂ ପିଭିଟିଜି ଆଦିବାସୀ ମହିଳା ପ୍ରବାସୀ ଶ୍ରମିକଙ୍କ ସୁରକ୍ଷା, ଜୀବନ, ସମ୍ମାନ ଏବଂ ସାମ୍ବିଧାନିକ ଅଧିକାର ରକ୍ଷା କରିବାରେ ଏକ ଗୁରୁତର ବିଫଳତା। କେନ୍ଦୁଝର ଏକ ପଞ୍ଚମ ତଫସିଲଭୁକ୍ତ ଜିଲ୍ଲା ହୋଇଥିବା ବେଳେ ସେଠାରେ ପେସା (PESA) ଆଇନ କାର୍ଯ୍ୟକାରୀ

ରହିଛି, ଯାହା ଦ୍ୱାରା ଜୁଆଙ୍ଗ ସମ୍ପ୍ରଦାୟ ପାଇଁ ବିଶେଷ ସୁରକ୍ଷା ବ୍ୟବସ୍ଥା ରହିଛି। ଏହା ସତ୍ତ୍ୱେ ଜୁଆଙ୍ଗ ଡେଭେଲପମେଣ୍ଟ ଏଜେନ୍ସି (JDA) ସ୍ଥାନୀୟ ସ୍ତରରେ ସ୍ଥାୟୀ ଜୀବିକାର ସୁଯୋଗ ସୃଷ୍ଟି କରିବାରେ ବିଫଳ ହୋଇଛି, ଯାହାଫଳରେ ଜୁଆଙ୍ଗ ମହିଳାମାନେ ପରିବାର ପ୍ରତିପାଳନ ପାଇଁ ଦୂର ରାଜ୍ୟକୁ ପ୍ରବାସ କରିବାକୁ ବାଧ୍ୟ ହେଉଛନ୍ତି। ତେଣୁ ସେ ଜୁଆଙ୍ଗ ଡେଭେଲପମେଣ୍ଟ ଏଜେନ୍ସିର କାର୍ଯ୍ୟଦକ୍ଷତା ସମୀକ୍ଷା କରିବାକୁ ଦାବି କରିଛନ୍ତି। ଶ୍ରୀ ବିଶି କେନ୍ଦ୍ର ସରକାରଙ୍କ ନିକଟରେ ଏହି ସମ୍ପର୍କରେ ଏକ ଉଚ୍ଚସ୍ତରୀୟ ସ୍ୱାଧୀନ ତଦନ୍ତ କରିବାକୁ ଦାବି କରିବା ସହ ଦୋଷୀଙ୍କ ବିରୋଧରେ କଠୋର ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ କହିଛନ୍ତି। ଏଥିସହିତ ପୀଡ଼ିତ ପରିବାରକୁ ପର୍ଯ୍ୟାପ୍ତ କ୍ଷତିପୂରଣ ଏବଂ ପୁନର୍ବାସ ପ୍ରଦାନ, ସେମାନଙ୍କ ଶିଶୁମାନଙ୍କ ପାଇଁ ଶିକ୍ଷା ଓ ସାମାଜିକ ସୁରକ୍ଷା ସୁନିଶ୍ଚିତ କରିବା ଏବଂ ପିଭିଟିଜି ସମେତ ସମସ୍ତ ଆଦିବାସୀ ପ୍ରବାସୀ ଶ୍ରମିକଙ୍କ ସୁରକ୍ଷା ପାଇଁ ଏକ ଜାତୀୟ ନୀତି ପ୍ରଣୟନ କରିବାକୁ ସେ କେନ୍ଦ୍ର ସରକାରଙ୍କୁ ଅନୁରୋଧ କରିଛନ୍ତି।