नांदेडमध्ये १३ ते १८ मार्चदरम्यान ‘मिनी सरस रेणुका महोत्सव’; महिला बचत गटांच्या उत्पादनांचे प्रदर्शन व विक्री! नांदेड, दि.१० : उमेद महाराष्ट्र राज्य ग्रामीण जीवनोन्नती अभियानांतर्गत जिल्हा अभियान व्यवस्थापन कक्ष, जिल्हा परिषद नांदेड यांच्या वतीने रेणुका महोत्सव २०२६ निमित्त मिनी सरस प्रदर्शन व विक्री मेळावा आयोजित करण्यात आला आहे. हा मेळावा नांदेड येथील मल्टीपर्पज हायस्कूल, वजीराबाद येथे १३ ते १८ मार्च २०२६ या कालावधीत दररोज सकाळी १० ते रात्री १० वाजेपर्यंत भरविण्यात येणार आहे. या मेळाव्यात महाराष्ट्रातील महिला बचत गटांनी तयार केलेल्या विविध दर्जेदार वस्तू व खाद्यपदार्थांचे प्रदर्शन आणि विक्री करण्यात येणार आहे. यामध्ये बाजरीची खारोडी, व्हेज आम्लेट, अमरावतीची मांड्यावर मडक्यात तयार केलेली पुरणपोळी, बाजरीची भाकरी-बेसन-ठेचा, काजू, मँगो पल्प, पापड, कुरडई, विविध प्रकारची लोणची, मसाले, शेवया, नाचणीचे पदार्थ, डाळी, मनुका आदी खाद्यपदार्थांचा समावेश असणार आहे. याशिवाय घोंगडी, बंजारा ड्रेस, कोल्हापुरी चप्पल, पुरुषांचे कपडे, साड्या, खेळणी, घर सजावटीच्या वस्तू, बांबूच्या वस्तू, सौंदर्य प्रसाधने, बेन्टेक्स दागिने, हस्तनिर्मित वस्तू, जयपुरी टोपी, लाकडी वस्तू व भांडी अशा विविध वस्तूही विक्रीसाठी उपलब्ध राहणार आहेत. मेळाव्यात दररोज सायंकाळी ६ ते ८ या वेळेत सांस्कृतिक कार्यक्रमांचे आयोजन करण्यात आले असून नागरिकांना सांस्कृतिक मेजवानीचा आनंदही घेता येणार आहे. दर्जेदार साहित्य माफक दरात उपलब्ध असलेल्या या मेळाव्याला भेट देऊन महिला बचत गटांना प्रोत्साहन द्यावे, असे आवाहन मुख्य कार्यकारी अधिकारी तथा जिल्हा अभियान संचालक मेघना कावली, जिल्हा ग्रामीण विकास यंत्रणेचे प्रकल्प संचालक डॉ. संजय तुबाकले तसेच जिल्हा प्रशासनाच्या वतीने करण्यात आले आहे. तसेच नांदेड शहर व ग्रामीण भागातील नागरिकांनी या प्रदर्शनाचा लाभ घ्यावा, असेही आवाहन करण्यात आले आहे.

Mohammad Rafikh

Graphic designer Nanded, Maharashtra•

7 hrs ago

नांदेडमध्ये १३ ते १८ मार्चदरम्यान ‘मिनी सरस रेणुका महोत्सव’; महिला बचत गटांच्या उत्पादनांचे प्रदर्शन व विक्री! नांदेड, दि.१० : उमेद महाराष्ट्र राज्य ग्रामीण जीवनोन्नती अभियानांतर्गत जिल्हा अभियान व्यवस्थापन कक्ष, जिल्हा परिषद नांदेड यांच्या वतीने रेणुका महोत्सव २०२६ निमित्त मिनी सरस प्रदर्शन व विक्री मेळावा आयोजित करण्यात आला आहे. हा मेळावा नांदेड येथील मल्टीपर्पज हायस्कूल, वजीराबाद येथे १३ ते १८ मार्च २०२६ या कालावधीत दररोज सकाळी १० ते रात्री १० वाजेपर्यंत भरविण्यात येणार आहे. या मेळाव्यात महाराष्ट्रातील महिला बचत गटांनी तयार केलेल्या विविध दर्जेदार वस्तू व खाद्यपदार्थांचे प्रदर्शन आणि विक्री करण्यात येणार आहे. यामध्ये बाजरीची खारोडी, व्हेज आम्लेट, अमरावतीची मांड्यावर मडक्यात तयार केलेली पुरणपोळी, बाजरीची भाकरी-बेसन-ठेचा, काजू, मँगो पल्प, पापड, कुरडई, विविध प्रकारची लोणची, मसाले, शेवया, नाचणीचे पदार्थ, डाळी, मनुका आदी खाद्यपदार्थांचा समावेश असणार आहे. याशिवाय घोंगडी, बंजारा ड्रेस, कोल्हापुरी चप्पल, पुरुषांचे कपडे, साड्या, खेळणी, घर सजावटीच्या वस्तू, बांबूच्या वस्तू, सौंदर्य प्रसाधने, बेन्टेक्स दागिने, हस्तनिर्मित वस्तू, जयपुरी टोपी, लाकडी वस्तू व भांडी अशा विविध वस्तूही विक्रीसाठी उपलब्ध राहणार आहेत. मेळाव्यात दररोज सायंकाळी ६ ते ८ या वेळेत सांस्कृतिक कार्यक्रमांचे आयोजन करण्यात आले असून नागरिकांना सांस्कृतिक मेजवानीचा आनंदही घेता येणार आहे. दर्जेदार साहित्य माफक दरात उपलब्ध असलेल्या या मेळाव्याला भेट देऊन महिला बचत गटांना प्रोत्साहन द्यावे, असे आवाहन मुख्य कार्यकारी अधिकारी तथा जिल्हा अभियान संचालक मेघना कावली, जिल्हा ग्रामीण विकास यंत्रणेचे प्रकल्प संचालक डॉ. संजय तुबाकले तसेच जिल्हा प्रशासनाच्या वतीने करण्यात आले आहे. तसेच नांदेड शहर व ग्रामीण भागातील नागरिकांनी या प्रदर्शनाचा लाभ घ्यावा, असेही आवाहन करण्यात आले आहे.