अमरावती जिल्हा प्रशासनाने जिल्हाधिकारी आशिष येरेकर यांच्या नेतृत्वात कर्मचाऱ्यांच्या बदल्यांसाठी राज्यात प्रथमच एक अभिनव आणि पारदर्शक पद्धत राबवली आहे. यावर्षी जिल्हा प्रशासनात कार्यरत कर्मचाऱ्यांच्या सर्व बदल्या समुपदेशनाने आणि १००% व्हिडिओ कॉन्फरन्सिंगद्वारे करण्यात आल्या, ज्यामुळे कर्मचाऱ्यांमध्ये समाधानाची भावना आहे. दिनांक २९ मे २०२६ रोजी अमरावती जिल्हाधिकारी कार्यालयाच्या आस्थापनेवरील प्रशासकीय बदलीस पात्र असलेल्या सहायक महसूल अधिकारी, मंडळ अधिकारी, ग्राम महसूल अधिकारी, महसूल सहायक आणि वाहनचालक या संवर्गातील कर्मचाऱ्यांच्या बदल्या समुपदेशनाद्वारे पार पडल्या. जिल्हाधिकारी श्री. येरेकर यांनी स्वतः बदलीसाठी पात्र ठरलेल्या कर्मचाऱ्यांशी व्हिडिओ कॉन्फरन्सिंगच्या माध्यमातून संवाद साधला. सहायक महसूल अधिकारी संवर्गात पात्र असलेल्या ४१ पैकी ४१ कर्मचाऱ्यांची, मंडळ अधिकारी संवर्गात ५ पैकी ५ कर्मचाऱ्यांची, ग्राम महसूल अधिकारी संवर्गात ८२ पैकी ८२ कर्मचाऱ्यांची, महसूल सहायक संवर्गात ३९ पैकी ३९ कर्मचाऱ्यांची आणि वाहनचालक संवर्गात ३ पैकी ३ कर्मचाऱ्यांची बदली करण्यात आली. पंतप्रधान नरेंद्र मोदी यांनी पश्चिम आशियाई संकटाच्या पार्श्वभूमीवर केलेल्या बचतीच्या आवाहनाला प्रतिसाद देत हा प्रयोग यशस्वी करण्यात आला. यामध्ये घरून काम करणे, अनावश्यक सोने खरेदी टाळणे, पेट्रोल व डिझेलचा वापर कमी करून सार्वजनिक वाहतूक वापरणे, खाद्यतेलाचा वापर कमी करणे, रासायनिक खतांवरील अवलंबित्व कमी करून नैसर्गिक शेती करणे, स्वदेशी उत्पादने वापरणे आणि परदेश दौरे टाळणे अशा उपायांचा समावेश होता. केंद्र व राज्य शासनाने सूचित केलेल्या याच उपाययोजनांच्या अनुषंगाने, बदलीपात्र कर्मचाऱ्यांचा प्रवास खर्च आणि पेट्रोल-डिझेलचा अपव्यय टाळण्यासाठी त्यांना जिल्हाधिकारी कार्यालयात न बोलावता, त्यांच्या स्वतःच्या कार्यालयातूनच व्हिडिओ कॉन्फरन्सद्वारे बदली प्रक्रियेत सहभागी करून घेण्यात आले. धारणी, वरूड, अंजनगाव सुर्जी, धामणगाव रेल्वे यांसारख्या दूरच्या कार्यालयांतील कर्मचाऱ्यांसाठी ही सुविधा अत्यंत उपयुक्त ठरली. या विक्रमी वेळेत आणि अत्यंत पारदर्शकपणे पार पडलेल्या बदली प्रक्रियेबद्दल सर्व संबंधित कर्मचाऱ्यांनी समाधान व्यक्त केले असून, कर्मचारी संघटनांनीही आनंद व्यक्त केला आहे. कर्मचाऱ्यांचा वेळ आणि पैसा वाचल्याने, भविष्यातही अशाच पद्धतीने बदली प्रक्रिया राबवावी अशी मागणी त्यांनी केली आहे. जिल्हाधिकारी आशिष येरेकर यांनी राबवलेल्या या अभिनव संकल्पनेमुळे कठीण परिस्थितीतही प्रशासकीय बदल्या सुयोग्य, पारदर्शक आणि प्रभावीपणे पार पडल्या असून, हा उपक्रम निश्चितच प्रशंसनीय ठरला आहे.

Pravin Zolekar Jounarlist...

Local News Reporter अमरावती, अमरावती, महाराष्ट्र•

2 hrs ago

अमरावती जिल्हा प्रशासनाने जिल्हाधिकारी आशिष येरेकर यांच्या नेतृत्वात कर्मचाऱ्यांच्या बदल्यांसाठी राज्यात प्रथमच एक अभिनव आणि पारदर्शक पद्धत राबवली आहे. यावर्षी जिल्हा प्रशासनात कार्यरत कर्मचाऱ्यांच्या सर्व बदल्या समुपदेशनाने आणि १००% व्हिडिओ कॉन्फरन्सिंगद्वारे करण्यात आल्या, ज्यामुळे कर्मचाऱ्यांमध्ये समाधानाची भावना आहे. दिनांक २९ मे २०२६ रोजी अमरावती जिल्हाधिकारी कार्यालयाच्या आस्थापनेवरील प्रशासकीय बदलीस पात्र असलेल्या सहायक महसूल अधिकारी, मंडळ अधिकारी, ग्राम महसूल अधिकारी, महसूल सहायक आणि वाहनचालक या संवर्गातील कर्मचाऱ्यांच्या बदल्या समुपदेशनाद्वारे पार पडल्या. जिल्हाधिकारी श्री. येरेकर यांनी स्वतः बदलीसाठी पात्र ठरलेल्या कर्मचाऱ्यांशी व्हिडिओ कॉन्फरन्सिंगच्या माध्यमातून संवाद साधला. सहायक महसूल अधिकारी संवर्गात पात्र असलेल्या ४१ पैकी ४१ कर्मचाऱ्यांची, मंडळ अधिकारी संवर्गात ५ पैकी

५ कर्मचाऱ्यांची, ग्राम महसूल अधिकारी संवर्गात ८२ पैकी ८२ कर्मचाऱ्यांची, महसूल सहायक संवर्गात ३९ पैकी ३९ कर्मचाऱ्यांची आणि वाहनचालक संवर्गात ३ पैकी ३ कर्मचाऱ्यांची बदली करण्यात आली. पंतप्रधान नरेंद्र मोदी यांनी पश्चिम आशियाई संकटाच्या पार्श्वभूमीवर केलेल्या बचतीच्या आवाहनाला प्रतिसाद देत हा प्रयोग यशस्वी करण्यात आला. यामध्ये घरून काम करणे, अनावश्यक सोने खरेदी टाळणे, पेट्रोल व डिझेलचा वापर कमी करून सार्वजनिक वाहतूक वापरणे, खाद्यतेलाचा वापर कमी करणे, रासायनिक खतांवरील अवलंबित्व कमी करून नैसर्गिक शेती करणे, स्वदेशी उत्पादने वापरणे आणि परदेश दौरे टाळणे अशा उपायांचा समावेश होता. केंद्र व राज्य शासनाने सूचित केलेल्या याच उपाययोजनांच्या अनुषंगाने, बदलीपात्र कर्मचाऱ्यांचा प्रवास खर्च आणि

पेट्रोल-डिझेलचा अपव्यय टाळण्यासाठी त्यांना जिल्हाधिकारी कार्यालयात न बोलावता, त्यांच्या स्वतःच्या कार्यालयातूनच व्हिडिओ कॉन्फरन्सद्वारे बदली प्रक्रियेत सहभागी करून घेण्यात आले. धारणी, वरूड, अंजनगाव सुर्जी, धामणगाव रेल्वे यांसारख्या दूरच्या कार्यालयांतील कर्मचाऱ्यांसाठी ही सुविधा अत्यंत उपयुक्त ठरली. या विक्रमी वेळेत आणि अत्यंत पारदर्शकपणे पार पडलेल्या बदली प्रक्रियेबद्दल सर्व संबंधित कर्मचाऱ्यांनी समाधान व्यक्त केले असून, कर्मचारी संघटनांनीही आनंद व्यक्त केला आहे. कर्मचाऱ्यांचा वेळ आणि पैसा वाचल्याने, भविष्यातही अशाच पद्धतीने बदली प्रक्रिया राबवावी अशी मागणी त्यांनी केली आहे. जिल्हाधिकारी आशिष येरेकर यांनी राबवलेल्या या अभिनव संकल्पनेमुळे कठीण परिस्थितीतही प्रशासकीय बदल्या सुयोग्य, पारदर्शक आणि प्रभावीपणे पार पडल्या असून, हा उपक्रम निश्चितच प्रशंसनीय ठरला आहे.