जवळा पोलिसांनी गुप्त माहितीच्या आधारे पहूर येथे अवैधरीत्या देशी दारूची वाहतूक करणाऱ्या एका व्यक्तीवर कारवाई केली. या कारवाईत पोलिसांनी एकूण १ लाख ७ हजार ६८० रुपयांचा मुद्देमाल जप्त केला आहे. दिनांक २९ मे २०२६ रोजी पोलिसांना माहिती मिळाली होती की, बोरगाव येथून एक व्यक्ती मोपेडवर देशी दारूच्या पेट्या घेऊन पहूर-नस्करी मार्गाने येत आहे. या माहितीनंतर पोलीस उपनिरीक्षक रवींद्र जाधव, जमादार सतीश चौधर, पोलीस अंमलदार राम ढाकणे व विशाल जाधव यांनी पहूर गावाबाहेर सापळा रचला. काही वेळाने संशयित व्यक्ती मोपेडवर दोन पेट्या देशी दारू घेऊन येताना दिसला. पोलिसांनी पाठलाग करून त्याला पहूर गावातील शिरसकर यांच्या घराजवळील सार्वजनिक रस्त्यावर अडवले. चौकशीत त्याने आपले नाव कुणाल पांडुरंग कावळे (वय ४१ वर्षे, रा. पहूर, ता. व जि. यवतमाळ) असे सांगितले. त्याच्याकडे दारू वाहतुकीचा कोणताही वैध परवाना नव्हता. तपासणीत दोन पेट्यांमध्ये प्रत्येकी ४८ नग, असे एकूण ९६ नग १८० मिलीचे देशी दारूचे पव्वे आढळले, ज्यांची किंमत ७ हजार ६८० रुपये आहे. वाहतुकीसाठी वापरलेली टीव्हीएस कंपनीची MH-29-CJF-0991 क्रमांकाची मोपेड अंदाजे १ लाख रुपये किमतीची आहे. दोन पंचांच्या उपस्थितीत पंचनामा करून हा सर्व १ लाख ७ हजार ६८० रुपयांचा मुद्देमाल जप्त करण्यात आला. ही कारवाई पोलीस निरीक्षक निलेश सुरडकर यांच्या मार्गदर्शनाखाली पार पडली असून, अवैध मद्यवाहतुकीविरोधात जवळा पोलिसांनी केलेली ही कारवाई परिसरात चर्चेचा विषय ठरली आहे.

Ganesh Ekandwar jawala

Audio visual equipment repair service आर्णी, यवतमाळ, महाराष्ट्र•

8 hrs ago

जवळा पोलिसांनी गुप्त माहितीच्या आधारे पहूर येथे अवैधरीत्या देशी दारूची वाहतूक करणाऱ्या एका व्यक्तीवर कारवाई केली. या कारवाईत पोलिसांनी एकूण १ लाख ७ हजार ६८० रुपयांचा मुद्देमाल जप्त केला आहे. दिनांक २९ मे २०२६ रोजी पोलिसांना माहिती मिळाली होती की, बोरगाव येथून एक व्यक्ती मोपेडवर देशी दारूच्या पेट्या घेऊन पहूर-नस्करी मार्गाने येत आहे. या माहितीनंतर पोलीस उपनिरीक्षक रवींद्र जाधव, जमादार सतीश चौधर, पोलीस अंमलदार राम ढाकणे व विशाल जाधव यांनी पहूर गावाबाहेर सापळा रचला. काही वेळाने संशयित व्यक्ती मोपेडवर दोन पेट्या देशी दारू घेऊन येताना दिसला. पोलिसांनी पाठलाग करून त्याला पहूर गावातील शिरसकर यांच्या घराजवळील सार्वजनिक रस्त्यावर अडवले. चौकशीत त्याने आपले नाव कुणाल पांडुरंग कावळे (वय ४१ वर्षे, रा. पहूर, ता. व जि. यवतमाळ) असे सांगितले. त्याच्याकडे दारू वाहतुकीचा कोणताही वैध परवाना नव्हता. तपासणीत दोन पेट्यांमध्ये प्रत्येकी ४८ नग, असे एकूण ९६ नग १८० मिलीचे देशी दारूचे पव्वे आढळले, ज्यांची किंमत ७ हजार ६८० रुपये आहे. वाहतुकीसाठी वापरलेली टीव्हीएस कंपनीची MH-29-CJF-0991 क्रमांकाची मोपेड अंदाजे १ लाख रुपये किमतीची आहे. दोन पंचांच्या उपस्थितीत पंचनामा करून हा सर्व १ लाख ७ हजार ६८० रुपयांचा मुद्देमाल जप्त करण्यात आला. ही कारवाई पोलीस निरीक्षक निलेश सुरडकर यांच्या मार्गदर्शनाखाली पार पडली असून, अवैध मद्यवाहतुकीविरोधात जवळा पोलिसांनी केलेली ही कारवाई परिसरात चर्चेचा विषय ठरली आहे.