पालघर जिल्ह्यात भारत निवडणूक आयोगाच्या निर्देशानुसार ३० जून २०२६ पासून सुरू असलेल्या विशेष सखोल पुनरीक्षण (SIR) कार्यक्रमात कामचुकारपणा किंवा निष्काळजीपणा करणाऱ्या केंद्र स्तरीय अधिकाऱ्यांवर (BLO) थेट कारवाई करण्यात येणार आहे. मतदारांकडून प्रगणक फॉर्म (EF Form) भरून घेण्याच्या या प्रक्रियेत पारदर्शक आणि निष्पक्ष काम करण्याचे निर्देश जिल्हाधिकारी तथा जिल्हा निवडणूक अधिकारी यांनी दिले आहेत. जिल्ह्यात आतापर्यंत सरासरी २७.६५% ईएफ फॉर्म वाटपाचे काम पूर्ण झाले असून, यामध्ये मतदारसंघनिहाय डहाणू ३९%, विक्रमगड ८८%, पालघर ६१%, बोईसर ८%, नालासोपारा २% आणि वसई ७% अशी स्थिती आहे. मागील ८ ते १० दिवसांत जिल्ह्यात बहुतांश ठिकाणी झालेल्या अतिवृष्टीमुळे आणि वसई, विरार, नालासोपारा भागांत पाणी साचल्यामुळे बोईसर, नालासोपारा आणि वसई मतदारसंघातील काम अपेक्षेप्रमाणे होऊ शकलेले नाही. दरम्यान, काही बीएलओ (BLO) शाळा किंवा इतर सार्वजनिक ठिकाणी कॅम्प लावून फॉर्म स्वीकारत असल्याच्या आणि राजकीय प्रतिनिधींच्या सूचनेनुसार काम करत असल्याच्या तक्रारी प्राप्त झाल्या आहेत. या पार्श्वभूमीवर प्रशासनाने स्पष्ट केले आहे की, हे सर्व काम केवळ निवडणूक आयोगाच्या नियमांनुसारच केले जावे आणि कोणत्याही राजकीय पक्षाने आयोजित केलेल्या शिबिरात किंवा दबावाखाली काम करू नये. बीएलओ यांनी घरोघरी भेटी देऊन पारदर्शकपणे काम करावे; कामात दिरंगाई केल्यास कडक कारवाई केली जाईल, असा इशारा देऊन जिल्हाधिकाऱ्यांनी सर्व नागरिक, राजकीय पक्ष आणि बीएलए (BLA) यांना हे काम यशस्वी करण्यासाठी सहकार्य करण्याचे आवाहन केले आहे.

आपले मानवाधिकार

Psychologist वाडा, पालघर, महाराष्ट्र•

1 hr ago

पालघर जिल्ह्यात भारत निवडणूक आयोगाच्या निर्देशानुसार ३० जून २०२६ पासून सुरू असलेल्या विशेष सखोल पुनरीक्षण (SIR) कार्यक्रमात कामचुकारपणा किंवा निष्काळजीपणा करणाऱ्या केंद्र स्तरीय अधिकाऱ्यांवर (BLO) थेट कारवाई करण्यात येणार आहे. मतदारांकडून प्रगणक फॉर्म (EF Form) भरून घेण्याच्या या प्रक्रियेत पारदर्शक आणि निष्पक्ष काम करण्याचे निर्देश जिल्हाधिकारी तथा जिल्हा निवडणूक अधिकारी यांनी दिले आहेत. जिल्ह्यात आतापर्यंत सरासरी २७.६५% ईएफ फॉर्म वाटपाचे काम पूर्ण झाले असून, यामध्ये मतदारसंघनिहाय डहाणू ३९%, विक्रमगड ८८%, पालघर ६१%, बोईसर ८%, नालासोपारा २% आणि वसई ७% अशी स्थिती आहे. मागील ८ ते १० दिवसांत जिल्ह्यात बहुतांश ठिकाणी झालेल्या अतिवृष्टीमुळे आणि वसई, विरार, नालासोपारा भागांत पाणी साचल्यामुळे बोईसर, नालासोपारा आणि वसई मतदारसंघातील काम अपेक्षेप्रमाणे होऊ शकलेले नाही. दरम्यान, काही बीएलओ (BLO) शाळा किंवा इतर सार्वजनिक ठिकाणी कॅम्प लावून फॉर्म स्वीकारत असल्याच्या आणि राजकीय प्रतिनिधींच्या सूचनेनुसार काम करत असल्याच्या तक्रारी प्राप्त झाल्या आहेत. या पार्श्वभूमीवर प्रशासनाने स्पष्ट केले आहे की, हे सर्व काम केवळ निवडणूक आयोगाच्या नियमांनुसारच केले जावे आणि कोणत्याही राजकीय पक्षाने आयोजित केलेल्या शिबिरात किंवा दबावाखाली काम करू नये. बीएलओ यांनी घरोघरी भेटी देऊन पारदर्शकपणे काम करावे; कामात दिरंगाई केल्यास कडक कारवाई केली जाईल, असा इशारा देऊन जिल्हाधिकाऱ्यांनी सर्व नागरिक, राजकीय पक्ष आणि बीएलए (BLA) यांना हे काम यशस्वी करण्यासाठी सहकार्य करण्याचे आवाहन केले आहे.