अजित दादांच्या जयंतीनिमित्त लाडक्या बहिणींना २६ वस्तूंचे गिफ्ट देण्यात येणार आहे. या भेटवस्तूंव्यतिरिक्त, लाडक्या बहिणींना जुलै महिन्याचा २१०० रुपयांचा हप्तादेखील मिळणार आहे.

मुल येथील तहसील कार्यालयात छत्रपती शिवाजी महाराज महसूल समाधान शिबिर अभियानाचे उद्घाटन पार पडले. या प्रसंगी बोलताना आमदार सुधीर मुनगंटीवार यांनी प्रत्येक पात्र नागरिकापर्यंत शासनाच्या योजनांचा लाभ वेळेत आणि पारदर्शकपणे पोहोचविणे हेच अभियानाचे मुख्य उद्दिष्ट असल्याचे सांगत, प्रलंबित अर्ज तत्काळ निकाली काढण्याचे निर्देश प्रशासनाला दिले. तसेच त्यांनी संजय गांधी निराधार योजना, गोपीनाथ मुंडे अपघात विमा, वन्यप्राणी नुकसानभरपाई आणि शेत संरक्षण कुंपण योजनेसह विविध लोकहिताच्या विषयांवर ठोस भूमिका मांडली. सर्व पात्र लाभार्थ्यांना न्याय मिळवून देण्यासाठी सातत्याने पाठपुरावा करण्याची ग्वाही देखील त्यांनी या वेळी दिली.

आज २३ जुलै रोजी दुपारी १२ वाजता दिल्ली येथे वर्धा जिल्ह्याचे पदाधिकारी आणि सहकाऱ्यांनी खासदार अमर काळे यांची सदिच्छा भेट घेतली. या भेटीदरम्यान वर्धा जिल्ह्यातील विविध समस्यांवर तसेच इतर महत्त्वपूर्ण राजकीय आणि विकासकामांवर सविस्तर चर्चा करण्यात आली. पदाधिकारी व सहकाऱ्यांनी लोकप्रिय खासदार अमर काळेजी यांच्यासोबत जिल्ह्यातील विविध विषयांवर ही विस्तृत चर्चा केली.

एका कथित व्हायरल व्हिडिओमध्ये एक पोलीस कर्मचारी "मला पुन्हा इथे आढळलास तर ५०-५० ग्राम पावडर टाकून अडकवून टाकेन" असं म्हणताना ऐकायला येत आहे. पोलीस कर्मचाऱ्याची ही कथित धमकी कॅमेऱ्यात कैद झाली असून हा व्हिडिओ व्हायरल झाला आहे. Hा व्हिडिओ समोर आल्यानंतर अनेक गंभीर प्रश्न उपस्थित होत आहेत. दरम्यान, या व्हिडिओची सत्यता आणि त्यामागील परिस्थितीबाबत अद्याप कोणतीही अधिकृत पुष्टी झालेली नाही.

NEET पेपरफुटी प्रकरण आणि दिल्लीत आंदोलन करणाऱ्या विद्यार्थ्यांवर झालेल्या कथित लाठीचार्जच्या निषेधार्थ पुकारण्यात आलेल्या महाराष्ट्र बंदला वर्धा आणि पुलगाव शहरात संमिश्र प्रतिसाद मिळाला. वर्धा शहरात वंचित बहुजन आघाडीच्या वतीने मोर्चा काढून केंद्र सरकारविरोधात जोरदार घोषणाबाजी करण्यात आली, तर पुलगाव येथे पुलगाव विकास आघाडीच्या नेतृत्वाखाली निषेध मोर्चा काढण्यात आला. मोर्चादरम्यान अनेक व्यापारी प्रतिष्ठाने स्वयंस्फूर्तीने बंद ठेवण्यात आली होती, तर काही ठिकाणी आंदोलनकर्त्यांनी व्यापाऱ्यांना बंदमध्ये सहभागी होण्याचे आवाहन केले. या आंदोलनाला काँग्रेस पक्षासह विविध सामाजिक व राजकीय संघटनांनी सहभाग नोंदवत जाहीर पाठिंबा दिला. आंदोलकांनी NEET पेपरफुटी प्रकरणाची निष्पक्ष चौकशी करण्याची मागणी केली आहे. केंद्रीय शिक्षणमंत्री धर्मेंद्र प्रधान यांनी नैतिक जबाबदारी स्वीकारून तात्काळ राजीनामा द्यावा, ही या आंदोलनातील प्रमुख मागणी होती. याशिवाय, दिल्लीतील आंदोलनादरम्यान विद्यार्थ्यांवर लाठीचार्ज व मारहाण करणाऱ्या संबंधित पोलिस अधिकाऱ्यांवर कठोर कारवाई करण्यात यावी तसेच दोषींवर गुन्हे दाखल करावेत, अशी मागणीही लावून धरण्यात आली. पंतप्रधान नरेंद्र मोदी यांनी देशातील विद्यार्थ्यांची जाहीर माफी मागावी आणि विद्यार्थ्यांच्या भविष्याशी खेळ करणाऱ्यांवर कठोर कारवाई करण्याचे आश्वासन द्यावे, असा आग्रह आंदोलनकर्त्यांनी धरला. पेपरफुटीमुळे लाखो विद्यार्थ्यांच्या भविष्याशी खेळ झाला असून शिक्षण व्यवस्थेवरील विश्वास डळमळीत झाला आहे, असा आरोप करत दोषींना कठोर शिक्षा झाल्याशिवाय आंदोलन सुरूच राहील असा थेट इशारा आंदोलनकर्त्यांनी दिला आहे.

नागपूर जिल्ह्यातील धापेवाडा येथे आषाढी प्रतिपदेनिमित्त 'श्री' च्या महापूजेचे आयोजन करण्यात आले आहे. या महापूजेसाठी कृपाल तुमाने यांना विशेष निमंत्रण देण्यात आले आहे.

चंद्रपूरच्या बल्लारपूर येथे आयोजित छत्रपती शिवाजी महाराज महसूल समाधान शिबिर अभियानात आमदार सुधीर मुनगंटीवार यांनी उपस्थित राहून उपस्थितांना मार्गदर्शन केले. या कार्यक्रमादरम्यान त्यांनी अभियानाच्या ध्येय-धोरणांवर सविस्तर प्रकाश टाकला. शासनाच्या सर्व योजना आणि सेवा समाजातील शेवटच्या घटकापर्यंत प्रभावीपणे पोहोचवणे, गरजू नागरिकांची प्रलंबित कामे वेळेत पूर्ण करणे आणि प्रत्येक नागरिकाच्या चेहऱ्यावर समाधानाचे हास्य फुलवणे हेच या अभियानाचे मुख्य उद्दिष्ट असल्याचे आमदार सुधीर मुनगंटीवार यांनी स्पष्ट केले.

वर्धा जिल्ह्याचे खासदार अमर काळे यांनी विद्यार्थ्यांना न्याय मिळवून देण्यासाठी आणि त्यांच्या मागण्यांच्या समर्थनासाठी नवी दिल्ली येथील संसद भवनाच्या पायऱ्यांवर बसून जोरदार विरोध दर्शवला आहे. त्यांनी 23 जुलै रोजी सकाळी 11 वाजता हे आंदोलन करत संविधान विरोधी भाजप सरकारचा विरोध केला. विद्यार्थ्यांच्या हक्कासाठी आणि संविधानिक मूल्यांच्या संरक्षणासाठी हा संघर्ष असाच सुरू राहील, असा ठाम निर्धार या आंदोलनादरम्यान व्यक्त करण्यात आला आहे.

Post by Tojibur