माळी समाजाच्या सर्वांगीण विकासासाठी संघटन मजबूत करण्याचा निर्धार! अंजनगाव सुर्जी : माळी समाजातील विविध पोटशाखांना एका व्यापक संघटनात्मक व्यासपीठावर आणून सामाजिक एकजूट मजबूत करण्यासोबतच समाजाच्या शैक्षणिक, आर्थिक आणि सामाजिक विकासाला चालना देण्याचा निर्धार अखिल भारतीय माळी महासंघाच्या जिल्हास्तरीय बैठकीत करण्यात आला. शासकीय विश्रामगृह, अमरावती येथे झालेल्या या बैठकीत विद्यार्थ्यांचे शिक्षण, महिला सक्षमीकरण, शेतकरी हित आणि संघटनात्मक विस्तार या विषयांवर सविस्तर चर्चा करण्यात आली. महासंघाचे प्रदेश सरचिटणीस राजेंद्रजी मांदाडे, विदर्भ प्रमुख प्रवीणजी पेटकर आणि विदर्भ संघटक संजयजी वरेकर यांच्या प्रमुख उपस्थितीत, तर विदर्भ उपाध्यक्ष तथा ज्येष्ठ मार्गदर्शक विठ्ठलरावजी नागतोडे यांच्या अध्यक्षतेखाली बैठक पार पडली. यावेळी शहराध्यक्ष प्रा. रुपेशजी फसाटे आणि जिल्हा प्रसिद्धी प्रमुख संजयजी वाघुळे यांचीही प्रमुख उपस्थिती होती. माळी समाजातील विविध पोटशाखांमध्ये समन्वय निर्माण करून सर्वांना एका संघटनेच्या माध्यमातून जोडण्याची गरज यावेळी व्यक्त करण्यात आली. समाजाची संघटनात्मक ताकद वाढल्यास समाजाच्या विविध प्रश्नांना शासनदरबारी प्रभावीपणे मांडता येईल, तसेच गरजू समाजबांधवांना शासनाच्या विविध योजनांचा लाभ मिळवून देण्यासाठी अधिक प्रभावीपणे प्रयत्न करता येतील, यावर बैठकीत भर देण्यात आला. आर्थिक परिस्थितीमुळे कोणत्याही विद्यार्थ्याचे शिक्षण थांबू नये, यासाठी शिष्यवृत्ती, शैक्षणिक योजना, कौशल्यविकास आणि रोजगाराच्या संधींची माहिती विद्यार्थ्यांपर्यंत पोहोचविण्याचा निर्णय घेण्यात आला. युवक-युवतींना शिक्षणासोबत रोजगार व स्वयंरोजगारासाठी आवश्यक मार्गदर्शन उपलब्ध करून देण्यावरही विशेष भर देण्यात आला. महिला सक्षमीकरण हा देखील बैठकीतील महत्त्वाचा विषय ठरला. महिलांना लघुउद्योग, स्वयंरोजगार, विविध व्यवसाय, प्रशिक्षण तसेच शासकीय आर्थिक सहाय्याच्या योजनांची माहिती देऊन त्यांना आर्थिकदृष्ट्या सक्षम करण्यासाठी महासंघाच्या माध्यमातून प्रयत्न करण्याचे निश्चित करण्यात आले. महिला सक्षम झाल्यास कुटुंबासोबतच समाजाच्या विकासालाही मोठी चालना मिळू शकते, अशी भूमिका यावेळी मांडण्यात आली. माळी समाजाचा शेतीशी असलेला पारंपरिक संबंध लक्षात घेता शेतकरी बांधवांच्या प्रश्नांवरही सविस्तर चर्चा झाली. शेतीपूरक जोडधंदे, शेती उपयोगी साहित्य, घरकुल योजना तसेच विविध शासकीय योजनांचा लाभ समाजातील पात्र शेतकरी व गरजू कुटुंबांपर्यंत पोहोचविण्यासाठी प्रयत्न करण्याचा निर्णय घेण्यात आला. दरम्यान, संघटनात्मक विस्ताराला गती देण्यासाठी विविध पदाधिकाऱ्यांच्या नियुक्त्या करण्यात आल्या. पश्चिम जिल्हा अध्यक्षपदी गजाननभाऊ कविटकर, पश्चिम जिल्हा उपाध्यक्षपदी चंद्रशेखर देशमुख, पूर्व जिल्हा उपाध्यक्षपदी तुषारभाऊ वाढवणकर, तर अंजनगाव तालुका अध्यक्षपदी सुरजभाऊ पवार यांची नियुक्ती करण्यात आली. नवनियुक्त पदाधिकाऱ्यांवर ग्रामीण तसेच शहरी भागातील समाजबांधवांशी संपर्क वाढवून त्यांच्या अडचणी व समस्या जाणून घेण्याची आणि त्या प्रश्नांना संघटितपणे वाचा फोडण्याची जबाबदारी सोपविण्यात आली आहे. युवक, महिला, विद्यार्थी, शेतकरी आणि आर्थिकदृष्ट्या दुर्बल घटकांना केंद्रस्थानी ठेवून आगामी काळात विविध सामाजिक उपक्रम राबविण्याचा संकल्प यावेळी व्यक्त करण्यात आला. बैठकीस नारायणजी सांडे, मधूर जाधव यांच्यासह महासंघाचे पदाधिकारी, कार्यकर्ते आणि समाजबांधव उपस्थित होते. अमरावती जिल्ह्यात महासंघाचे संघटन अधिक मजबूत करून समाजाच्या सर्वांगीण विकासासाठी व्यापक स्वरूपात कार्य करण्याचा निर्धार या बैठकीत करण्यात आला.

Breaking News

Local News Reporter अमरावती, अमरावती, महाराष्ट्र•

1 day ago

माळी समाजाच्या सर्वांगीण विकासासाठी संघटन मजबूत करण्याचा निर्धार! अंजनगाव सुर्जी : माळी समाजातील विविध पोटशाखांना एका व्यापक संघटनात्मक व्यासपीठावर आणून सामाजिक एकजूट मजबूत करण्यासोबतच समाजाच्या शैक्षणिक, आर्थिक आणि सामाजिक विकासाला चालना देण्याचा निर्धार अखिल भारतीय माळी महासंघाच्या जिल्हास्तरीय बैठकीत करण्यात आला. शासकीय विश्रामगृह, अमरावती येथे झालेल्या या बैठकीत विद्यार्थ्यांचे शिक्षण, महिला सक्षमीकरण, शेतकरी हित आणि संघटनात्मक विस्तार या विषयांवर सविस्तर चर्चा करण्यात आली. महासंघाचे प्रदेश सरचिटणीस राजेंद्रजी मांदाडे, विदर्भ प्रमुख प्रवीणजी पेटकर आणि विदर्भ संघटक संजयजी वरेकर यांच्या प्रमुख उपस्थितीत, तर विदर्भ उपाध्यक्ष तथा ज्येष्ठ मार्गदर्शक विठ्ठलरावजी नागतोडे यांच्या अध्यक्षतेखाली बैठक पार पडली. यावेळी शहराध्यक्ष प्रा. रुपेशजी फसाटे आणि जिल्हा प्रसिद्धी प्रमुख संजयजी वाघुळे यांचीही प्रमुख उपस्थिती होती. माळी समाजातील विविध पोटशाखांमध्ये समन्वय निर्माण करून सर्वांना एका संघटनेच्या माध्यमातून जोडण्याची गरज यावेळी व्यक्त करण्यात आली. समाजाची संघटनात्मक ताकद वाढल्यास समाजाच्या विविध प्रश्नांना शासनदरबारी प्रभावीपणे मांडता येईल, तसेच गरजू समाजबांधवांना शासनाच्या विविध योजनांचा लाभ मिळवून देण्यासाठी अधिक प्रभावीपणे प्रयत्न करता येतील, यावर बैठकीत भर देण्यात आला. आर्थिक परिस्थितीमुळे कोणत्याही विद्यार्थ्याचे शिक्षण थांबू नये, यासाठी शिष्यवृत्ती, शैक्षणिक योजना, कौशल्यविकास आणि रोजगाराच्या संधींची माहिती विद्यार्थ्यांपर्यंत पोहोचविण्याचा निर्णय घेण्यात आला. युवक-युवतींना शिक्षणासोबत रोजगार व स्वयंरोजगारासाठी आवश्यक मार्गदर्शन उपलब्ध करून देण्यावरही विशेष भर देण्यात आला. महिला सक्षमीकरण हा देखील बैठकीतील महत्त्वाचा विषय ठरला. महिलांना लघुउद्योग, स्वयंरोजगार, विविध व्यवसाय, प्रशिक्षण तसेच शासकीय आर्थिक सहाय्याच्या योजनांची माहिती देऊन त्यांना आर्थिकदृष्ट्या सक्षम करण्यासाठी महासंघाच्या माध्यमातून प्रयत्न करण्याचे निश्चित करण्यात आले. महिला सक्षम झाल्यास कुटुंबासोबतच समाजाच्या विकासालाही मोठी चालना मिळू शकते, अशी भूमिका यावेळी मांडण्यात आली. माळी समाजाचा शेतीशी असलेला पारंपरिक संबंध लक्षात घेता शेतकरी बांधवांच्या प्रश्नांवरही सविस्तर चर्चा झाली. शेतीपूरक जोडधंदे, शेती उपयोगी साहित्य, घरकुल योजना तसेच विविध शासकीय योजनांचा लाभ समाजातील पात्र शेतकरी व गरजू कुटुंबांपर्यंत पोहोचविण्यासाठी प्रयत्न करण्याचा निर्णय घेण्यात आला. दरम्यान, संघटनात्मक विस्ताराला गती देण्यासाठी विविध पदाधिकाऱ्यांच्या नियुक्त्या करण्यात आल्या. पश्चिम जिल्हा अध्यक्षपदी गजाननभाऊ कविटकर, पश्चिम जिल्हा उपाध्यक्षपदी चंद्रशेखर देशमुख, पूर्व जिल्हा उपाध्यक्षपदी तुषारभाऊ वाढवणकर, तर अंजनगाव तालुका अध्यक्षपदी सुरजभाऊ पवार यांची नियुक्ती करण्यात आली. नवनियुक्त पदाधिकाऱ्यांवर ग्रामीण तसेच शहरी भागातील समाजबांधवांशी संपर्क वाढवून त्यांच्या अडचणी व समस्या जाणून घेण्याची आणि त्या प्रश्नांना संघटितपणे वाचा फोडण्याची जबाबदारी सोपविण्यात आली आहे. युवक, महिला, विद्यार्थी, शेतकरी आणि आर्थिकदृष्ट्या दुर्बल घटकांना केंद्रस्थानी ठेवून आगामी काळात विविध सामाजिक उपक्रम राबविण्याचा संकल्प यावेळी व्यक्त करण्यात आला. बैठकीस नारायणजी सांडे, मधूर जाधव यांच्यासह महासंघाचे पदाधिकारी, कार्यकर्ते आणि समाजबांधव उपस्थित होते. अमरावती जिल्ह्यात महासंघाचे संघटन अधिक मजबूत करून समाजाच्या सर्वांगीण विकासासाठी व्यापक स्वरूपात कार्य करण्याचा निर्धार या बैठकीत करण्यात आला.