नाशिकमध्ये भारत निवडणूक आयोगातर्फे सुरू असलेल्या मतदार यादी विशेष सखोल पुनरीक्षण मोहिमेचा आढावा घेण्यासाठी जिल्हाधिकारी तथा जिल्हा निवडणूक अधिकारी आयुष प्रसाद यांनी आज पेठ तालुक्यातील महाराष्ट्र-गुजरात सीमेवरील दुर्गम राजबारी आणि भुवन गावांना भेट दिली. या दौऱ्यादरम्यान त्यांनी मतदारांशी थेट संवाद साधला, घरोघरी जाऊन प्रगणना अर्ज भरून घेण्यास मदत केली, तसेच गावातील विकासकामे, शासकीय योजनांची अंमलबजावणी आणि नागरिकांच्या अडचणी जाणून घेतल्या. या दौऱ्यात त्यांच्यासोबत उपविभागीय अधिकारी अप्पासाहेब शिंदे, तहसीलदार शिवाजी गवळी यांच्यासह विविध विभागांचे अधिकारी उपस्थित होते. या दुर्गम भागातील भेटीदरम्यान जिल्हाधिकारी आयुष प्रसाद यांनी भुवन येथील शासकीय आश्रमशाळेची पाहणी केली. त्यांनी विद्यार्थ्यांशी संवाद साधून तेथील शैक्षणिक सुविधा, भोजन व्यवस्था, राहण्याची सोय आणि आरोग्याबाबतची माहिती घेतली, तसेच आश्रमशाळेत आवश्यक त्या सुधारणा करण्याच्या सूचना संबंधित अधिकाऱ्यांना दिल्या. दौऱ्याच्या उत्तरार्धात, दिंडोरी येथील उपविभागीय कार्यालयात तालुकास्तरीय अधिकाऱ्यांची बैठक आयोजित करण्यात आली होती. यामध्ये जिल्हाधिकाऱ्यांनी मतदार यादी पुनरीक्षण मोहिमेच्या प्रगतीचा आणि महसूल विभागाच्या कामकाजाचा आढावा घेतला. हा कार्यक्रम कालबद्ध असल्याने भारत निवडणूक आयोगाने निश्चित केलेल्या मुदतीत सर्व कामे पूर्ण करण्यासाठी प्रभावी नियोजन आणि काटेकोर अंमलबजावणी करण्याचे निर्देश त्यांनी उपस्थित अधिकाऱ्यांना दिले.

Kapil Katyare

Photographer नाशिक, नाशिक, महाराष्ट्र•

11 hrs ago

नाशिकमध्ये भारत निवडणूक आयोगातर्फे सुरू असलेल्या मतदार यादी विशेष सखोल पुनरीक्षण मोहिमेचा आढावा घेण्यासाठी जिल्हाधिकारी तथा जिल्हा निवडणूक अधिकारी आयुष प्रसाद यांनी आज पेठ तालुक्यातील महाराष्ट्र-गुजरात सीमेवरील दुर्गम राजबारी आणि भुवन गावांना भेट दिली. या दौऱ्यादरम्यान त्यांनी मतदारांशी थेट संवाद साधला, घरोघरी जाऊन प्रगणना अर्ज भरून घेण्यास मदत केली, तसेच गावातील विकासकामे, शासकीय योजनांची अंमलबजावणी आणि नागरिकांच्या अडचणी जाणून घेतल्या. या दौऱ्यात त्यांच्यासोबत उपविभागीय अधिकारी अप्पासाहेब शिंदे, तहसीलदार शिवाजी गवळी यांच्यासह विविध विभागांचे अधिकारी उपस्थित होते. या दुर्गम भागातील भेटीदरम्यान जिल्हाधिकारी आयुष प्रसाद यांनी भुवन येथील शासकीय आश्रमशाळेची पाहणी केली. त्यांनी विद्यार्थ्यांशी संवाद साधून तेथील शैक्षणिक सुविधा, भोजन व्यवस्था, राहण्याची सोय आणि आरोग्याबाबतची माहिती घेतली, तसेच आश्रमशाळेत आवश्यक त्या सुधारणा करण्याच्या सूचना संबंधित अधिकाऱ्यांना दिल्या. दौऱ्याच्या उत्तरार्धात, दिंडोरी येथील उपविभागीय कार्यालयात तालुकास्तरीय अधिकाऱ्यांची बैठक आयोजित करण्यात आली होती. यामध्ये जिल्हाधिकाऱ्यांनी मतदार यादी पुनरीक्षण मोहिमेच्या प्रगतीचा आणि महसूल विभागाच्या कामकाजाचा आढावा घेतला. हा कार्यक्रम कालबद्ध असल्याने भारत निवडणूक आयोगाने निश्चित केलेल्या मुदतीत सर्व कामे पूर्ण करण्यासाठी प्रभावी नियोजन आणि काटेकोर अंमलबजावणी करण्याचे निर्देश त्यांनी उपस्थित अधिकाऱ्यांना दिले.