ଆଜି ସୋମବାର ବେଲପାହାଡ଼ର ଗୁମାଡେରାସ୍ଥିତ ଗୌରୀ ଶଙ୍କର ମନ୍ଦିରରେ ଆୟୋଜିତ ହେବାକୁ ଥିବା ୧୯ତମ ଶୀତଳ ଷଷ୍ଠୀ ଉତ୍ସବକୁ ନେଇ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି। ମନ୍ଦିର କମିଟି ଓ ଗୌରୀ ଶଙ୍କର ସେବାୟତ ସଂଘ ପକ୍ଷରୁ ଏହି ଉତ୍ସବର ପ୍ରସ୍ତୁତି ଓ କାର୍ଯ୍ୟସୂଚୀ ସମ୍ପର୍କରେ ସୂଚନା ଦିଆଯାଇଛି। ଚଳିତ ବର୍ଷ ଏହି ଉତ୍ସବ ୧୯ତମ ବର୍ଷରେ ପଦାର୍ପଣ କରୁଥିବା ବେଳେ ସମସ୍ତ ନୀତିକାନ୍ତି ପାରମ୍ପରିକ ରୀତିନୀତି ଅନୁଯାୟୀ ସମ୍ପନ୍ନ କରାଯିବ। ଏହି ବର୍ଷ କନ୍ୟାପକ୍ଷ ଭାବେ ସପତ୍ନୀକ ସୁବାସ ସିଂଘାଣିଆ ଏବଂ ବରପକ୍ଷ ଭାବେ ସପତ୍ନୀକ ବୀଜାନୁ ନାୟକ ଦାୟିତ୍ୱ ନିର୍ବାହ କରିବେ। ଉତ୍ସବର କାର୍ଯ୍ୟସୂଚୀ ଅନୁଯାୟୀ, ଜୁନ ୧୭ ରେ ପିନ୍ଧାଣୀ ନୀତି, ଜୁନ ୧୮ ସକାଳ ୯ଟାରେ ହଳଦୀ ନୀତି ଏବଂ ସେହି ଦିନ ରାତି ୧୧ଟା ୪୬ ମିନିଟରେ ପ୍ରଭୁ ଶିବ ଓ ମାତା ପାର୍ବତୀଙ୍କ ଦିବ୍ୟ ବିବାହ ଅନୁଷ୍ଠିତ ହେବ। ଜୁନ ୧୯ ସନ୍ଧ୍ୟା ୬ଟାରେ ଏକ ଭବ୍ୟ ନଗର ପରିକ୍ରମା ଆୟୋଜିତ ହେବ, ଯେଉଁଥିରେ ଶ୍ରଦ୍ଧାଳୁଙ୍କ ପାଇଁ ଅନ୍ନପ୍ରସାଦ ସେବନର ବ୍ୟବସ୍ଥା କରାଯିବ। ନଗର ପରିକ୍ରମାରେ ସୁସଜ୍ଜିତ ପାଲକି, ଅଘୋରୀ ବେଶ, ସ୍ଥାନୀୟ କୀର୍ତ୍ତନ ମଣ୍ଡଳୀ, ଘଣ୍ଟ ବାଦ୍ୟ, ଢୋଲ-ନିଶାନ, ଦୁଲ୍‌ଦୁଲି ବାଜା ଆଦି ପାରମ୍ପରିକ ନାଚ, ଗୀତ ଓ ବାଦ୍ୟ ଦର୍ଶକମାନଙ୍କ ପାଇଁ ମୁଖ୍ୟ ଆକର୍ଷଣ ହେବ। ଏହାକୁ ଉପଭୋଗ କରିବା ପାଇଁ ଆଖପାଖ ଅଞ୍ଚଳର ହଜାର ହଜାର ଶ୍ରଦ୍ଧାଳୁ ସମାଗମ ହେବେ ବୋଲି ଆଶା କରାଯାଉଛି। ଶ୍ରଦ୍ଧାଳୁଙ୍କ ସୁରକ୍ଷା ପାଇଁ ଆୟୋଜକଙ୍କ ପକ୍ଷରୁ କଡ଼ା ସୁରକ୍ଷା ବ୍ୟବସ୍ଥା କରାଯିବ। ଏହି ସାମ୍ବାଦିକ ସମ୍ମିଳନୀରେ ଗୌରିଶଙ୍କର ମନ୍ଦିର ପକ୍ଷରୁ କହ୍ନେଇ ଚରଣ ସେଠ, କୁଳମଣି ବାଗର, ସଚ୍ଚିଦାନନ୍ଦ ପଣ୍ଡା, ଲଳନ ଯାଦବ, ଦିଲୀପ ପଣ୍ଡା, ବିପ୍ଲବ ଅଗ୍ରୱାଲ, ସୁବୀର ରଣା, ଆଲୋକ ମହାକୁଡ଼, ଲକ୍ଷ୍ମଣ ଅଗ୍ରୱାଲ, ଦୀନେଶ କରାଲୀ, ସୁମିତ ଲାଲ, ରାକେଶ ସ୍ୱାଇଁ, ପ୍ରଦୀପ କର୍ମାକାର ଏବଂ ଦୀପକ ମହାକୁଡ଼ ପ୍ରମୁଖ ଉପସ୍ଥିତ ଥିଲେ। ସମସ୍ତଙ୍କ ସହଯୋଗରେ ଏବର୍ଷର ଉତ୍ସବକୁ ଆହୁରି ଭବ୍ୟ ଓ ସଫଳ କରାଯିବ ବୋଲି ଆୟୋଜକ ପକ୍ଷରୁ ଆଶା ପ୍ରକାଶ କରାଯାଇଛି।

Soubhagya Ranjan Sahu

Belpahar, Jharsuguda•

1 hr ago

ଆଜି ସୋମବାର ବେଲପାହାଡ଼ର ଗୁମାଡେରାସ୍ଥିତ ଗୌରୀ ଶଙ୍କର ମନ୍ଦିରରେ ଆୟୋଜିତ ହେବାକୁ ଥିବା ୧୯ତମ ଶୀତଳ ଷଷ୍ଠୀ ଉତ୍ସବକୁ ନେଇ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି। ମନ୍ଦିର କମିଟି ଓ ଗୌରୀ ଶଙ୍କର ସେବାୟତ ସଂଘ ପକ୍ଷରୁ ଏହି ଉତ୍ସବର ପ୍ରସ୍ତୁତି ଓ କାର୍ଯ୍ୟସୂଚୀ ସମ୍ପର୍କରେ ସୂଚନା ଦିଆଯାଇଛି। ଚଳିତ ବର୍ଷ ଏହି ଉତ୍ସବ ୧୯ତମ ବର୍ଷରେ ପଦାର୍ପଣ କରୁଥିବା ବେଳେ ସମସ୍ତ ନୀତିକାନ୍ତି ପାରମ୍ପରିକ ରୀତିନୀତି ଅନୁଯାୟୀ ସମ୍ପନ୍ନ କରାଯିବ। ଏହି ବର୍ଷ କନ୍ୟାପକ୍ଷ ଭାବେ ସପତ୍ନୀକ ସୁବାସ ସିଂଘାଣିଆ ଏବଂ ବରପକ୍ଷ ଭାବେ ସପତ୍ନୀକ ବୀଜାନୁ ନାୟକ ଦାୟିତ୍ୱ ନିର୍ବାହ କରିବେ। ଉତ୍ସବର କାର୍ଯ୍ୟସୂଚୀ ଅନୁଯାୟୀ, ଜୁନ ୧୭ ରେ ପିନ୍ଧାଣୀ ନୀତି, ଜୁନ ୧୮ ସକାଳ ୯ଟାରେ ହଳଦୀ ନୀତି ଏବଂ ସେହି ଦିନ ରାତି ୧୧ଟା ୪୬ ମିନିଟରେ ପ୍ରଭୁ ଶିବ ଓ ମାତା ପାର୍ବତୀଙ୍କ ଦିବ୍ୟ ବିବାହ ଅନୁଷ୍ଠିତ ହେବ। ଜୁନ ୧୯ ସନ୍ଧ୍ୟା ୬ଟାରେ ଏକ ଭବ୍ୟ ନଗର ପରିକ୍ରମା ଆୟୋଜିତ ହେବ, ଯେଉଁଥିରେ ଶ୍ରଦ୍ଧାଳୁଙ୍କ ପାଇଁ ଅନ୍ନପ୍ରସାଦ ସେବନର ବ୍ୟବସ୍ଥା କରାଯିବ। ନଗର ପରିକ୍ରମାରେ ସୁସଜ୍ଜିତ ପାଲକି, ଅଘୋରୀ ବେଶ, ସ୍ଥାନୀୟ କୀର୍ତ୍ତନ ମଣ୍ଡଳୀ, ଘଣ୍ଟ ବାଦ୍ୟ, ଢୋଲ-ନିଶାନ, ଦୁଲ୍‌ଦୁଲି ବାଜା ଆଦି ପାରମ୍ପରିକ ନାଚ, ଗୀତ ଓ ବାଦ୍ୟ ଦର୍ଶକମାନଙ୍କ ପାଇଁ ମୁଖ୍ୟ ଆକର୍ଷଣ ହେବ। ଏହାକୁ ଉପଭୋଗ କରିବା ପାଇଁ ଆଖପାଖ ଅଞ୍ଚଳର ହଜାର ହଜାର ଶ୍ରଦ୍ଧାଳୁ ସମାଗମ ହେବେ ବୋଲି ଆଶା କରାଯାଉଛି। ଶ୍ରଦ୍ଧାଳୁଙ୍କ ସୁରକ୍ଷା ପାଇଁ ଆୟୋଜକଙ୍କ ପକ୍ଷରୁ କଡ଼ା ସୁରକ୍ଷା ବ୍ୟବସ୍ଥା କରାଯିବ। ଏହି ସାମ୍ବାଦିକ ସମ୍ମିଳନୀରେ ଗୌରିଶଙ୍କର ମନ୍ଦିର ପକ୍ଷରୁ କହ୍ନେଇ ଚରଣ ସେଠ, କୁଳମଣି ବାଗର, ସଚ୍ଚିଦାନନ୍ଦ ପଣ୍ଡା, ଲଳନ ଯାଦବ, ଦିଲୀପ ପଣ୍ଡା, ବିପ୍ଲବ ଅଗ୍ରୱାଲ, ସୁବୀର ରଣା, ଆଲୋକ ମହାକୁଡ଼, ଲକ୍ଷ୍ମଣ ଅଗ୍ରୱାଲ, ଦୀନେଶ କରାଲୀ, ସୁମିତ ଲାଲ, ରାକେଶ ସ୍ୱାଇଁ, ପ୍ରଦୀପ କର୍ମାକାର ଏବଂ ଦୀପକ ମହାକୁଡ଼ ପ୍ରମୁଖ ଉପସ୍ଥିତ ଥିଲେ। ସମସ୍ତଙ୍କ ସହଯୋଗରେ ଏବର୍ଷର ଉତ୍ସବକୁ ଆହୁରି ଭବ୍ୟ ଓ ସଫଳ କରାଯିବ ବୋଲି ଆୟୋଜକ ପକ୍ଷରୁ ଆଶା ପ୍ରକାଶ କରାଯାଇଛି।