महाराष्ट्रामध्ये शिक्षक भरती आणि शिक्षक पात्रता परीक्षा (टीईटी) २८ जून रोजी होणार असताना, अनेक शिक्षक व शिक्षकेतर कर्मचाऱ्यांवर जनगणना आणि विविध शासकीय सर्वेक्षणांची जबाबदारी टाकण्यात आली आहे. यामुळे शिक्षकांना दिवसा कडक उन्हात सर्वेक्षण करावे लागत असून, रात्री उशिरापर्यंत टीईटीचा अभ्यास करावा लागत आहे. या दुहेरी भारामुळे त्यांच्या मानसिक व शारीरिक ताणात मोठी वाढ झाली असून, त्यांच्या भवितव्याची खरी परीक्षा सध्या सुरू झाली आहे. शिक्षकांना शासनाच्या विविध योजनांसाठी घराघरांत जाऊन माहिती संकलित करण्याचे काम दिले जात आहे. सध्याचे वाढते तापमान, कडक ऊन आणि ग्रामीण भागातील लांबच्या वाड्या-वस्त्यांपर्यंत पोहोचण्याची कसरत यामुळे ते त्रस्त झाले आहेत. सकाळपासून संध्याकाळपर्यंत सर्वेक्षणाचे काम केल्यानंतर त्यांना स्वतःच्या अभ्यासासाठी पुरेसा वेळ आणि ऊर्जा मिळत नसल्याची खंत अनेक शिक्षक व्यक्त करत आहेत. टीईटी परीक्षा करिअरसाठी अत्यंत महत्त्वाची असल्याने हजारो शिक्षक दिवस-रात्र मेहनत घेत आहेत, मात्र शासकीय कामांमुळे त्यांचे अभ्यासाचे नियोजन विस्कळीत होत आहे. रात्री उशिरापर्यंत जागून अभ्यास केल्यामुळे अपुरी झोप आणि सततच्या ताणाचा त्यांच्या आरोग्यावरही परिणाम होत आहे. ग्रामीण भागातील शिक्षकांची परिस्थिती अधिक गंभीर असून, काही ठिकाणी इंटरनेट सुविधा कमी असल्याने ऑनलाइन अभ्यास करणे कठीण होते. त्यात दिवसभराच्या सर्वेक्षणामुळे शारीरिक थकवा वाढतो. शिक्षक संघटनांनी यापूर्वीही निवडणूक, जनगणना यांसारख्या अशैक्षणिक कामांमधून शिक्षकांना दिलासा देण्याची मागणी केली होती. शिक्षणाच्या गुणवत्तेवर आणि शिक्षकांच्या अभ्यासावर परिणाम होत असल्याने सरकारने याकडे गांभीर्याने लक्ष देण्याची अपेक्षा व्यक्त केली जात आहे. विशेषतः टीईटी आणि भरती प्रक्रिया सुरू असताना शिक्षकांवरील अतिरिक्त भार कमी करण्याची गरज अधोरेखित करण्यात आली आहे. एकीकडे शासनाची जबाबदारी आणि दुसरीकडे स्वतःच्या भविष्यासाठीची धडपड अशा दुहेरी कात्रीत अडकलेल्या शिक्षकांसाठी 'उन्हात सर्वेक्षण आणि रात्री अभ्यास' हेच वास्तव बनले आहे.

Walwa news live

Voice of people वाळवा, सांगली, महाराष्ट्र•

12 hrs ago

महाराष्ट्रामध्ये शिक्षक भरती आणि शिक्षक पात्रता परीक्षा (टीईटी) २८ जून रोजी होणार असताना, अनेक शिक्षक व शिक्षकेतर कर्मचाऱ्यांवर जनगणना आणि विविध शासकीय सर्वेक्षणांची जबाबदारी टाकण्यात आली आहे. यामुळे शिक्षकांना दिवसा कडक उन्हात सर्वेक्षण करावे लागत असून, रात्री उशिरापर्यंत टीईटीचा अभ्यास करावा लागत आहे. या दुहेरी भारामुळे त्यांच्या मानसिक व शारीरिक ताणात मोठी वाढ झाली असून, त्यांच्या भवितव्याची खरी परीक्षा सध्या सुरू झाली आहे. शिक्षकांना शासनाच्या विविध योजनांसाठी घराघरांत जाऊन माहिती संकलित करण्याचे काम दिले जात आहे. सध्याचे वाढते तापमान, कडक ऊन आणि ग्रामीण भागातील लांबच्या वाड्या-वस्त्यांपर्यंत पोहोचण्याची कसरत यामुळे ते त्रस्त झाले आहेत. सकाळपासून संध्याकाळपर्यंत सर्वेक्षणाचे काम केल्यानंतर त्यांना स्वतःच्या अभ्यासासाठी पुरेसा वेळ आणि ऊर्जा मिळत नसल्याची खंत अनेक शिक्षक व्यक्त करत आहेत. टीईटी परीक्षा करिअरसाठी अत्यंत महत्त्वाची असल्याने हजारो शिक्षक दिवस-रात्र मेहनत घेत आहेत, मात्र शासकीय कामांमुळे त्यांचे अभ्यासाचे नियोजन विस्कळीत होत आहे. रात्री उशिरापर्यंत जागून अभ्यास केल्यामुळे अपुरी झोप आणि सततच्या ताणाचा त्यांच्या आरोग्यावरही परिणाम होत आहे. ग्रामीण भागातील शिक्षकांची परिस्थिती अधिक गंभीर असून, काही ठिकाणी इंटरनेट सुविधा कमी असल्याने ऑनलाइन अभ्यास करणे कठीण होते. त्यात दिवसभराच्या सर्वेक्षणामुळे शारीरिक थकवा वाढतो. शिक्षक संघटनांनी यापूर्वीही निवडणूक, जनगणना यांसारख्या अशैक्षणिक कामांमधून शिक्षकांना दिलासा देण्याची मागणी केली होती. शिक्षणाच्या गुणवत्तेवर आणि शिक्षकांच्या अभ्यासावर परिणाम होत असल्याने सरकारने याकडे गांभीर्याने लक्ष देण्याची अपेक्षा व्यक्त केली जात आहे. विशेषतः टीईटी आणि भरती प्रक्रिया सुरू असताना शिक्षकांवरील अतिरिक्त भार कमी करण्याची गरज अधोरेखित करण्यात आली आहे. एकीकडे शासनाची जबाबदारी आणि दुसरीकडे स्वतःच्या भविष्यासाठीची धडपड अशा दुहेरी कात्रीत अडकलेल्या शिक्षकांसाठी 'उन्हात सर्वेक्षण आणि रात्री अभ्यास' हेच वास्तव बनले आहे.