উদালগুৰিৰ কলাইগাঁও ঠাকুৰবাৰীৰ এখন দোকানত চুৰি সংঘটিত হৈছে। এই সমগ্ৰ ঘটনাটো চিচি কেমেৰাত স্পষ্টকৈ বন্দী হৈছে। আৰক্ষীয়ে চিচিটিভি ফুটেজৰ আধাৰত তদন্ত আৰম্ভ কৰিছে।

নগাঁও জিলাৰ জুৰীয়াৰ থিয়টাঙনী গাঁৱত ধান শুকুওৱা ঠাইক লৈ কাজিয়াৰ সূত্ৰপাত হয়, যাৰ ফলত এগৰাকী বৃদ্ধাক চোকা বাঁহেৰে আক্ৰমণ কৰা হয়। ঘটনাৰ বিৱৰণী অনুসৰি, আছিয়া খাতুন নামৰ এগৰাকী বৃদ্ধাই ঘৰৰ ওচৰৰে এখন ব্যক্তিগত মৰিশালিত বড়োধান শুকুৱাবলৈ আঠুৱা জাল পাতিবলৈ আহিছিল। এই কাৰ্যত মকিজুল ইছলাম আৰু তেওঁৰ পত্নী হালিমা খাতুনে বাধা প্ৰদান কৰে। এই লৈ কাজিয়াৰ সূত্ৰপাত হয় আৰু মকিজুল ইছলামে নিজৰ মাতৃসম মহিলা আছিয়া খাতুনক চোকা বাঁহেৰে হাতত আঘাত কৰে। আক্ৰমণকাৰীসকলে আছিয়া খাতুনৰ পুত্ৰ আলম বিদশ্বাহকো আক্ৰমণ কৰে। এই ঘটনা সন্দৰ্ভত আছিয়া খাতুনে জুৰীয়া আৰক্ষী থানাত এক গোচৰ দাখিল কৰিছে।

সোণতলী আৰু নগৰবেৰাক সংযোগ কৰা গড়কাপ্তানী পথটো সম্পূৰ্ণৰূপে বিধ্বস্ত হৈ পৰিছে। এই জৰাজীৰ্ণ পথৰ বাবে পথচাৰীসকলে যমৰ যাতনা ভুগিবলগীয়া হৈছে।

কামৰূপ জিলাৰ ছয়গাঁৱৰ ১ নং জামবাৰীৰ বাসিন্দা আজগৰ খান আৰু ইলিজা বেগমৰ পুত্ৰ আতিক আছলম এজন ১৬ বছৰীয়া কিশোৰ, যি এক সুমধুৰ কণ্ঠৰ অধিকাৰী। উচ্চতৰ মাধ্যমিকৰ প্ৰথম বৰ্ষৰ এই ছাত্ৰজনৰ মনত এক বিশাল সপোন পুহি আছে।

বৰপেটা জিলাৰ অন্তৰ্গত বৃহত্তৰ কয়াকুছি অঞ্চলত দীৰ্ঘ সময় ধৰি বিদ্যুৎ যোগান ব্যাহত হৈ থকাৰ ফলত জনজীৱন স্তব্ধ হৈ পৰিছে। হঠাতে হোৱা এই বিদ্যুৎ বিপৰ্যয়ে অঞ্চলটোত তীব্ৰ সমস্যাৰ সৃষ্টি কৰিছে, যাৰ ফলত বিশেষকৈ অনলাইন ব্যৱসায়ী প্ৰতিষ্ঠানসমূহৰ মাজত এক হাহাকাৰ পৰিস্থিতি দেখা গৈছে। বিদ্যুৎ সংযোগ বিচ্ছিন্ন হৈ থকাৰ বাবে বিভিন্ন অনলাইন সেৱা, মোবাইল ৰিচাৰ্জ, ডিজিটেল পেমেণ্ট, ফটোষ্টেট, কম্পিউটাৰ আৰু ইণ্টাৰনেট নিৰ্ভৰ ব্যৱসায় সম্পূৰ্ণৰূপে ব্যাহত হৈছে। ব্যৱসায়ীসকলে জনাইছে যে ঘণ্টাৰ পিছত ঘণ্টা বিদ্যুৎ নথকাৰ ফলত তেওঁলোকৰ যথেষ্ট আৰ্থিক ক্ষতি হৈছে, লগতে গ্ৰাহকসকলেও ব্যাপক অসুবিধাৰ সন্মুখীন হ'বলগীয়া হৈছে। ইফালে, তীব্ৰ গৰমৰ মাজত সাধাৰণ ৰাইজেও চরম দুৰ্ভোগ ভোগ কৰিছে, ঘৰে ঘৰে পানীৰ সমস্যা হোৱাৰ লগতে ছাত্ৰ-ছাত্ৰীসকলৰ অধ্যয়নতো ইয়াৰ প্ৰভাৱ পৰিছে। বহু ৰাইজে ক্ষোভ প্ৰকাশ কৰিছে যে তেওঁলোকে নিশা আন্ধাৰত কটাবলগীয়া হৈছে। স্থানীয় ৰাইজে অভিযোগ উত্থাপন কৰিছে যে সঘনাই বিদ্যুৎ বিভ্ৰাট হোৱাৰ পিছতো সংশ্লিষ্ট বিভাগে ইয়াৰ স্থায়ী সমাধানৰ বাবে কোনো ফলপ্ৰসূ পদক্ষেপ গ্ৰহণ কৰা নাই। সেয়েহে, কয়াকুছিবাসীয়ে অতি শীঘ্ৰে বিদ্যুৎ যোগান স্বাভাৱিক কৰাৰ দাবী জনাইছে।

বৰপেটাৰ কয়াকুছিত নিশা এক চুৰি কাণ্ড সংঘটিত হৈছে। চোৰে লাখ লাখ টকাৰ সোণৰ অলংকাৰ লুটি লৈ পলাইছে।

২নং ইটাখোলাৰ ৩২ বছৰীয়া শিৱ কুমাৰ মাহালী যোৱা জানুৱাৰী মাহৰ পৰা নিৰুদ্দেশ হৈ আছে। এটি অতি দৰিদ্ৰ পৰিয়ালৰ নিজ মাতৃ, দুগৰাকী কণমানি কন্যা সন্তান আৰু পত্নীক পোহপাল দিবলৈ চুবুৰীয়া ৰাজ্য অৰুণাচল প্ৰদেশৰ টাৱাঙলৈ কাম কৰিবলৈ যোৱাৰ পিছত তেওঁ ঘূৰি অহা নাই। পাচ মাহ উকলি যোৱাৰ পাছতো পৰিয়ালটোৱে তেওঁৰ কোনো সন্ধান লাভ কৰা নাই, যাৰ ফলত তেওঁলোক শোকত ভাগি পৰিছে। শিৱ কুমাৰ দিকৰাই চাহ বাগিছাৰ ৰুবুল তাতি আৰু জুৱেল মুণ্ডা নামৰ দুজন যুৱকৰ সৈতে টাৱাঙলৈ গৈছিল। দুয়ো যুৱক ঘূৰি আহিছিল যদিও শিৱ কুমাৰ উভতি নাহিল। পৰিয়ালৰ লোকে নিৰুদ্দেশ শিৱ কুমাৰৰ বিষয়ে দুয়ো যুৱকক সোধাত তেওঁলোকেও অজ্ঞতা প্ৰকাশ কৰে। এনে পৰিস্থিতিত শিৱ কুমাৰৰ পত্নী বৰ্তমান শয্যাগত হৈ আছে আৰু ঘৰখন চলোৱাত যথেষ্ট অসুবিধাৰ সন্মুখীন হৈছে। নিৰুদ্দেশ সন্দৰ্ভত পৰিয়ালৰ ফালৰ পৰা টাৱাং আৰু স্থানীয় ইটাখোলা আৰক্ষীক অৱগত কৰোৱা হৈছে যদিও বৰ্তমানলৈকে আৰক্ষীৰ পৰা কোনো ধৰণৰ সঁহাৰি লাভ কৰা নাই, যাৰ বাবে পৰিয়ালটো হতাশ হৈ পৰিছে। শিৱ কুমাৰ মাহালীৰ পত্নীয়ে জনসাধাৰণক আহ্বান জনাইছে যে যদি কোনো সদাশয় লোকে তেওঁৰ সম্ভেদ লাভ কৰে, তেন্তে ৮৪৫৩০৮৩৪৮৫ অথবা ৮৪৫৩৯২৩৩৪৯ নম্বৰত যোগাযোগ কৰিবলৈ অনুৰোধ কৰা হৈছে।

শোনিতপুৰৰ শিঙৰী আৰক্ষীয়ে এক সফল অভিযান চলাই ১২ টা চোৰাং গৰু উদ্ধাৰ কৰিছে। এই অভিযানত জড়িত ৫ জন লোকক আৰক্ষীয়ে আটক কৰিবলৈ সক্ষম হৈছে। অঞ্চলটোত গৰুৰ চোৰাং বেহা ৰোধ কৰাত এইটো এক বৃহৎ সফলতা।

কামৰূপ জিলাৰ অন্তৰ্গত বালাগাঁও কোচপাৰাত অনুষ্ঠিত হোৱা চতুৰ্থ বাৰ্ষিক সাংস্কৃতিক সন্ধিয়াৰ সফল সামৰণি পৰে। এই আয়োজনে অঞ্চলটোত সাংস্কৃতিক সমাৱেশৰ পৰম্পৰা অব্যাহত ৰাখে।

সৰভোগ সমষ্টিৰ প্ৰাক্তন বিধায়ক মনোৰঞ্জন তালুকদাৰে এখন সংবাদ মেল অনুষ্ঠিত কৰে।