କେନ୍ଦୁଝରର ସ୍ଥାନୀୟ ରୋଟାରୀ ଭବନଠାରେ କବି କୁମରମଣୀ ତନ୍ତୀଙ୍କ କବିତା ସଂକଳନ 'ବିଦଗ୍ଧ କବିତା' ଲୋକାର୍ପିତ ହୋଇଯାଇଛି। କେନ୍ଦୁଝର ଅନୁସୂଚିତ ଜାତି ଏକତା ମଞ୍ଚ ଆନୁକୁଲ୍ୟରେ ଆୟୋଜିତ ଏହି ଉତ୍ସବରେ ସଭାପତି ତଥା କବୟିତ୍ରୀ ଗୀତାଞ୍ଜଳୀ ପାତ୍ର ଅଧ୍ୟକ୍ଷତା କରି ସ୍ୱାଗତ ଭାଷଣ ପ୍ରଦାନ କରିଥିଲେ। କାର୍ଯ୍ୟକ୍ରମର ପ୍ରାରମ୍ଭରେ ପୁସ୍ତକର ରଚୟିତା କବି କୁମରମଣୀ ତନ୍ତୀ ନିଜର ସଂଘର୍ଷମୟ ଜୀବନ କାହାଣୀ ଏବଂ ସାହିତ୍ୟ ସାଧନା ସମ୍ପର୍କରେ ସଂକ୍ଷିପ୍ତ ସୂଚନା ଦେଇଥିଲେ। ଏହି ଉତ୍ସବରେ ମୁଖ୍ୟ ଅତିଥି ଭାବେ ଅବସରପ୍ରାପ୍ତ ପ୍ରଶାସନିକ ଅଧିକାରୀ ତଥା ବରିଷ୍ଠ କବି ମାଗୁଣି ଚରଣ ପାତ୍ର ଯୋଗ ଦେଇଥିଲେ। ସମ୍ମାନିତ ଅତିଥି ଭାବେ ବିଶିଷ୍ଟ ସାହିତ୍ୟିକ ଓ ଶିକ୍ଷାବିତ ଡା. ବିମ୍ବାଧର ବେହେରା, ବରିଷ୍ଠ କବି ଭରତ ଚନ୍ଦ୍ର ପାତ୍ର, କବି କୈଳାସ ଚନ୍ଦ୍ର ତନ୍ତୀ ଏବଂ ପ୍ରଫେସର ଡା. ବିଜୟ ପାତ୍ର ଯୋଗ ଦେଇଥିଲେ। ଅତିଥିମାନେ କହିଥିଲେ ଯେ କବି କୁମରମଣୀ ତନ୍ତୀଙ୍କର ଏହି କବିତା ପୁସ୍ତକ ହେଉଛି ଏକ ସଫଳ ଦଳିତ ସାହିତ୍ୟ ପୁସ୍ତକ। ଏହାର ପ୍ରତିଟି କବିତାରେ ଉତ୍କଟ ଜାତିପ୍ରଥା, ଦଳିତଙ୍କ ପ୍ରତି ଅନ୍ୟାୟ, ଅତ୍ୟାଚାର ଏବଂ ଶୋଷଣ ବିରୁଦ୍ଧରେ ସନ୍ଥକବି ଭୀମଭୋଇଙ୍କ ଭଳି ଏକ ନିରବ ବିଦ୍ରୋହର ସ୍ୱର ଶୁଣିବାକୁ ମିଳେ। ଏଥିରେ ଥିବା ୨୯ଟି କବିତା ଦଳିତ ଓ ନିର୍ଯାତିତ ଲୋକଙ୍କ ମନରୁ ନିଷ୍କ୍ରିୟତା ଦୂର କରି ସେମାନଙ୍କ ଚିନ୍ତା ଚେତନାକୁ ଶାଣିତ ଓ ଉଦ୍ଦୀପିତ କରିବ। ରାଉରକେଲାରୁ ଆସିଥିବା ବିଶିଷ୍ଟ ଚିତ୍ରଶିଳ୍ପୀ ତଥା କବି କାଶୀନାଥ ପାତ୍ର ଏହି ପୁସ୍ତକର ସମସ୍ତ କବିତାକୁ ସବିଶେଷ ଓ ପ୍ରାଞ୍ଜଳ ଭାବେ ସମୀକ୍ଷା କରିଥିଲେ। ଏହି ଅବସରରେ ମଞ୍ଚ ସଂଯୋଜନା କରିଥିଲେ ସମ୍ପାଦକ ନିରୋଦ କୁମାର ବେହେରା। ସାମ୍ବାଦିକ ସୁଢଳ ସେଠୀ ଓ ବହୁଜନ ନେତା ସୋମନାଥ ଜେନା କବିତା ପାଠ କରିଥିବା ବେଳେ ଶେଷରେ ପାତ୍ର ତନ୍ତୀ ସମାଜର ସଭାପତି ବାବାଜୀ ପାତ୍ର ଧନ୍ୟବାଦ ଅର୍ପଣ କରିଥିଲେ। କାର୍ଯ୍ୟକ୍ରମରେ କବି ହରେକୃଷ୍ଣ ଵେଜ୍, ଡମ୍ବରୁ ମହାନ୍ତ, ପବିତ୍ର ପାତ୍ର, ଶରତ ଚନ୍ଦ୍ର ପାତ୍ର, ସାମ୍ବାଦିକ ଶରତ ଦାସ, ଅଲେଖ ଚନ୍ଦ୍ର ପାତ୍ର, ହଳଧର ପାତ୍ର, ଆଇନଜୀବୀ ସନ୍ତୋଷ ଦାସ, ପାଲା ଗାୟକ ରମାକାନ୍ତ ପାତ୍ର, ଭାସ୍କର ପାତ୍ର, ଗୋକୁଳ ପାତ୍ର ଏବଂ ବସନ୍ତ କୁମାର ପାତ୍ର ପ୍ରମୁଖ ଯୋଗ ଦେଇଥିଲେ। ସଭା ପରିଚାଳନାରେ ପୂର୍ଣ୍ଣଚନ୍ଦ୍ର ଦାସ, ପଞ୍ଚାନନ ସେଠୀ, ପବିତ୍ର ପାତ୍ର, କ୍ଷୀରୋଦ ଚନ୍ଦ୍ର ପାତ୍ର, ଧନୁର୍ଜୟ ନାରାୟଣ ପାତ୍ର, ତପନ କୁମାର ପୂର୍ତ୍ତୀ, ସୁରେଶ ଚନ୍ଦ୍ର ମହାନ୍ତ, ଦୀପକ ଚନ୍ଦ୍ର ପାତ୍ର, ବୀରଭଦ୍ର ପାତ୍ର ଏବଂ ଭୀଷ୍ମ ମହାନ୍ତ ସହଯୋଗ କରିଥିଲେ।

ଦୁର୍ଯ୍ୟୋଧନ ପାତ୍ର

Building society କେନ୍ଦୁଝର ସଦର, କେନ୍ଦୁଝର, ଓଡ଼ିଶା•

1 hr ago

କେନ୍ଦୁଝରର ସ୍ଥାନୀୟ ରୋଟାରୀ ଭବନଠାରେ କବି କୁମରମଣୀ ତନ୍ତୀଙ୍କ କବିତା ସଂକଳନ 'ବିଦଗ୍ଧ କବିତା' ଲୋକାର୍ପିତ ହୋଇଯାଇଛି। କେନ୍ଦୁଝର ଅନୁସୂଚିତ ଜାତି ଏକତା ମଞ୍ଚ ଆନୁକୁଲ୍ୟରେ ଆୟୋଜିତ ଏହି ଉତ୍ସବରେ ସଭାପତି ତଥା କବୟିତ୍ରୀ ଗୀତାଞ୍ଜଳୀ ପାତ୍ର ଅଧ୍ୟକ୍ଷତା କରି ସ୍ୱାଗତ ଭାଷଣ ପ୍ରଦାନ କରିଥିଲେ। କାର୍ଯ୍ୟକ୍ରମର ପ୍ରାରମ୍ଭରେ ପୁସ୍ତକର ରଚୟିତା କବି କୁମରମଣୀ ତନ୍ତୀ ନିଜର ସଂଘର୍ଷମୟ ଜୀବନ କାହାଣୀ ଏବଂ ସାହିତ୍ୟ ସାଧନା ସମ୍ପର୍କରେ ସଂକ୍ଷିପ୍ତ ସୂଚନା ଦେଇଥିଲେ। ଏହି ଉତ୍ସବରେ ମୁଖ୍ୟ ଅତିଥି ଭାବେ ଅବସରପ୍ରାପ୍ତ ପ୍ରଶାସନିକ ଅଧିକାରୀ ତଥା ବରିଷ୍ଠ କବି ମାଗୁଣି ଚରଣ ପାତ୍ର ଯୋଗ ଦେଇଥିଲେ। ସମ୍ମାନିତ ଅତିଥି ଭାବେ ବିଶିଷ୍ଟ ସାହିତ୍ୟିକ ଓ ଶିକ୍ଷାବିତ ଡା. ବିମ୍ବାଧର ବେହେରା, ବରିଷ୍ଠ କବି ଭରତ ଚନ୍ଦ୍ର ପାତ୍ର, କବି କୈଳାସ ଚନ୍ଦ୍ର ତନ୍ତୀ ଏବଂ ପ୍ରଫେସର ଡା. ବିଜୟ ପାତ୍ର ଯୋଗ ଦେଇଥିଲେ। ଅତିଥିମାନେ କହିଥିଲେ ଯେ କବି କୁମରମଣୀ ତନ୍ତୀଙ୍କର ଏହି କବିତା ପୁସ୍ତକ ହେଉଛି ଏକ ସଫଳ ଦଳିତ ସାହିତ୍ୟ ପୁସ୍ତକ। ଏହାର ପ୍ରତିଟି କବିତାରେ ଉତ୍କଟ ଜାତିପ୍ରଥା, ଦଳିତଙ୍କ ପ୍ରତି ଅନ୍ୟାୟ, ଅତ୍ୟାଚାର ଏବଂ ଶୋଷଣ ବିରୁଦ୍ଧରେ ସନ୍ଥକବି ଭୀମଭୋଇଙ୍କ ଭଳି ଏକ ନିରବ ବିଦ୍ରୋହର ସ୍ୱର ଶୁଣିବାକୁ ମିଳେ। ଏଥିରେ ଥିବା ୨୯ଟି କବିତା ଦଳିତ ଓ ନିର୍ଯାତିତ ଲୋକଙ୍କ ମନରୁ ନିଷ୍କ୍ରିୟତା ଦୂର କରି ସେମାନଙ୍କ ଚିନ୍ତା ଚେତନାକୁ ଶାଣିତ ଓ ଉଦ୍ଦୀପିତ କରିବ। ରାଉରକେଲାରୁ ଆସିଥିବା ବିଶିଷ୍ଟ ଚିତ୍ରଶିଳ୍ପୀ ତଥା କବି କାଶୀନାଥ ପାତ୍ର ଏହି ପୁସ୍ତକର ସମସ୍ତ କବିତାକୁ ସବିଶେଷ ଓ ପ୍ରାଞ୍ଜଳ ଭାବେ ସମୀକ୍ଷା କରିଥିଲେ। ଏହି ଅବସରରେ ମଞ୍ଚ ସଂଯୋଜନା କରିଥିଲେ ସମ୍ପାଦକ ନିରୋଦ କୁମାର ବେହେରା। ସାମ୍ବାଦିକ ସୁଢଳ ସେଠୀ ଓ ବହୁଜନ ନେତା ସୋମନାଥ ଜେନା କବିତା ପାଠ କରିଥିବା ବେଳେ ଶେଷରେ ପାତ୍ର ତନ୍ତୀ ସମାଜର ସଭାପତି ବାବାଜୀ ପାତ୍ର ଧନ୍ୟବାଦ ଅର୍ପଣ କରିଥିଲେ। କାର୍ଯ୍ୟକ୍ରମରେ କବି ହରେକୃଷ୍ଣ ଵେଜ୍, ଡମ୍ବରୁ ମହାନ୍ତ, ପବିତ୍ର ପାତ୍ର, ଶରତ ଚନ୍ଦ୍ର ପାତ୍ର, ସାମ୍ବାଦିକ ଶରତ ଦାସ, ଅଲେଖ ଚନ୍ଦ୍ର ପାତ୍ର, ହଳଧର ପାତ୍ର, ଆଇନଜୀବୀ ସନ୍ତୋଷ ଦାସ, ପାଲା ଗାୟକ ରମାକାନ୍ତ ପାତ୍ର, ଭାସ୍କର ପାତ୍ର, ଗୋକୁଳ ପାତ୍ର ଏବଂ ବସନ୍ତ କୁମାର ପାତ୍ର ପ୍ରମୁଖ ଯୋଗ ଦେଇଥିଲେ। ସଭା ପରିଚାଳନାରେ ପୂର୍ଣ୍ଣଚନ୍ଦ୍ର ଦାସ, ପଞ୍ଚାନନ ସେଠୀ, ପବିତ୍ର ପାତ୍ର, କ୍ଷୀରୋଦ ଚନ୍ଦ୍ର ପାତ୍ର, ଧନୁର୍ଜୟ ନାରାୟଣ ପାତ୍ର, ତପନ କୁମାର ପୂର୍ତ୍ତୀ, ସୁରେଶ ଚନ୍ଦ୍ର ମହାନ୍ତ, ଦୀପକ ଚନ୍ଦ୍ର ପାତ୍ର, ବୀରଭଦ୍ର ପାତ୍ର ଏବଂ ଭୀଷ୍ମ ମହାନ୍ତ ସହଯୋଗ କରିଥିଲେ।