बुलढाणा जिल्ह्यातील खामगाव तालुक्यातील सांग शिरला नेमाने येथील शेतकऱ्यांना बियाण्यामुळे मोठा फटका बुलढाणा जिल्ह्यातील खामगाव तालुक्यातील शिर्ला नेमाने येथील शेतकऱ्यांना बियाण्यामुळे मोठा फटका बसल्याची धक्कादायक घटना समोर आली आहे. चुकीच्या वाणाच्या बियाण्यामुळे टरबूज पिकाचे तब्बल पाच ते सहा लाख रुपयांचे नुकसान झाल्याचा आरोप शेतकऱ्यांनी केला आहे. मिळालेल्या माहितीनुसार, शिर्ला नेमाने येथील शेतकरी किरण प्रताप चव्हाण, अनिकेत नेमाने आणि अक्षय नेमाने यांनी देऊळगाव मही येथील गणेश कृषी केंद्रातून सागर बायो प्रा. लि. कंपनीचे EXPERT वाण खरेदी केले. शेतकऱ्यांचे म्हणणे आहे की त्यांनी प्रत्यक्षात सागर किंग प्लस हे टरबूज वाण मागितले होते. मात्र कृषी केंद्रातील कर्मचाऱ्यांनी EXPERT वाण चांगले उत्पादन देते असे सांगून तेच बियाणे दिल्याचा आरोप करण्यात आला आहे. शेतकऱ्यांनी ८ डिसेंबर २०२५ रोजी बियाणे खरेदी करून १० डिसेंबरला पेरणी केली. पेरणीनंतर जवळपास ९० दिवस पूर्ण झाले, मात्र टरबूज फळाचे वजन केवळ २०० ग्रॅम ते १ किलो इतकेच असल्याचे शेतकऱ्यांचे म्हणणे आहे. सामान्यतः या कालावधीत टरबूजाचे वजन ५ ते ६ किलो पर्यंत वाढणे अपेक्षित असते. त्यामुळे शेतकऱ्यांचे मोठे नुकसान झाले असल्याचे त्यांनी सांगितले आहे. शेतकऱ्यांनी सुमारे ०.८० हेक्टर क्षेत्रावर टरबूज लागवड केली होती आणि आतापर्यंत अडीच लाख रुपयांहून अधिक खर्च झाला आहे. या शेतीतून ३५ टन उत्पादनाची अपेक्षा होती. मात्र पिकाची वाढ न झाल्याने संपूर्ण गुंतवणूक धोक्यात आली आहे. दरम्यान, या प्रकरणाची तक्रार केल्यानंतर तालुका कृषी अधिकारी सुनील पवार, गुण नियंत्रण अधिकारी अमोल बंड आणि दत्तात्रय काळे यांनी शेतात जाऊन पंचनामा केला. प्राथमिक तपासात शेतकऱ्यांचे नुकसान झाल्याचे आढळून आल्याची माहिती मिळाली आहे. याबाबत तालुका कृषी अधिकारी सुनील पवार यांनी सांगितले की, २ मार्च रोजी तक्रार मिळाल्यानंतर शास्त्रज्ञांच्या टीमसह शेतात जाऊन पाहणी करण्यात आली. त्यानंतर कंपनीच्या प्रतिनिधींना बोलावून माहिती देण्यात आली असून पुढील कारवाईसाठी अहवाल वरिष्ठांकडे पाठविण्यात आला आहे. दरम्यान, शेतकरी किरण चव्हाण यांनी सांगितले की, आम्ही सागर किंग प्लस वाण मागितले होते, मात्र सागर एक्सपर्ट वाण देण्यात आले. पिकाची वाढ अपेक्षेप्रमाणे झाली नाही. त्यामुळे शासनाने लवकरात लवकर चौकशी करून आम्हाला नुकसान भरपाई द्यावी अशी मागणी त्यांनी केली आहे. आता या प्रकरणात पुढे काय कारवाई होते आणि शेतकऱ्यांना नुकसान भरपाई मिळते का याकडे सर्वांचे लक्ष लागले आहे.

SHEGAONlive

Local News Reporter Buldana, Buldhana•

on 13 March

बुलढाणा जिल्ह्यातील खामगाव तालुक्यातील सांग शिरला नेमाने येथील शेतकऱ्यांना बियाण्यामुळे मोठा फटका बुलढाणा जिल्ह्यातील खामगाव तालुक्यातील शिर्ला नेमाने येथील शेतकऱ्यांना बियाण्यामुळे मोठा फटका बसल्याची धक्कादायक घटना समोर आली आहे. चुकीच्या वाणाच्या बियाण्यामुळे टरबूज पिकाचे तब्बल पाच ते सहा लाख रुपयांचे नुकसान झाल्याचा आरोप शेतकऱ्यांनी केला आहे. मिळालेल्या माहितीनुसार, शिर्ला नेमाने येथील शेतकरी किरण प्रताप चव्हाण, अनिकेत नेमाने आणि अक्षय नेमाने यांनी देऊळगाव मही येथील गणेश कृषी केंद्रातून सागर बायो प्रा. लि. कंपनीचे EXPERT वाण खरेदी केले. शेतकऱ्यांचे म्हणणे आहे की त्यांनी प्रत्यक्षात सागर किंग प्लस हे टरबूज वाण मागितले होते. मात्र कृषी केंद्रातील कर्मचाऱ्यांनी EXPERT वाण चांगले उत्पादन देते असे सांगून तेच बियाणे दिल्याचा आरोप करण्यात आला आहे. शेतकऱ्यांनी ८ डिसेंबर २०२५ रोजी बियाणे खरेदी करून १० डिसेंबरला पेरणी केली. पेरणीनंतर जवळपास ९० दिवस पूर्ण झाले, मात्र टरबूज फळाचे वजन केवळ २०० ग्रॅम ते १ किलो इतकेच असल्याचे शेतकऱ्यांचे म्हणणे आहे. सामान्यतः या कालावधीत टरबूजाचे वजन ५ ते ६ किलो पर्यंत वाढणे अपेक्षित असते. त्यामुळे शेतकऱ्यांचे मोठे नुकसान झाले असल्याचे त्यांनी सांगितले आहे. शेतकऱ्यांनी सुमारे ०.८० हेक्टर क्षेत्रावर टरबूज लागवड केली होती आणि आतापर्यंत अडीच लाख रुपयांहून अधिक खर्च झाला आहे. या शेतीतून ३५ टन उत्पादनाची अपेक्षा होती. मात्र पिकाची वाढ न झाल्याने संपूर्ण गुंतवणूक धोक्यात आली आहे. दरम्यान, या प्रकरणाची तक्रार केल्यानंतर तालुका कृषी अधिकारी सुनील पवार, गुण नियंत्रण अधिकारी अमोल बंड आणि दत्तात्रय काळे यांनी शेतात जाऊन पंचनामा केला. प्राथमिक तपासात शेतकऱ्यांचे नुकसान झाल्याचे आढळून आल्याची माहिती मिळाली आहे. याबाबत तालुका कृषी अधिकारी सुनील पवार यांनी सांगितले की, २ मार्च रोजी तक्रार मिळाल्यानंतर शास्त्रज्ञांच्या टीमसह शेतात जाऊन पाहणी करण्यात आली. त्यानंतर कंपनीच्या प्रतिनिधींना बोलावून माहिती देण्यात आली असून पुढील कारवाईसाठी अहवाल वरिष्ठांकडे पाठविण्यात आला आहे. दरम्यान, शेतकरी किरण चव्हाण यांनी सांगितले की, आम्ही सागर किंग प्लस वाण मागितले होते, मात्र सागर एक्सपर्ट वाण देण्यात आले. पिकाची वाढ अपेक्षेप्रमाणे झाली नाही. त्यामुळे शासनाने लवकरात लवकर चौकशी करून आम्हाला नुकसान भरपाई द्यावी अशी मागणी त्यांनी केली आहे. आता या प्रकरणात पुढे काय कारवाई होते आणि शेतकऱ्यांना नुकसान भरपाई मिळते का याकडे सर्वांचे लक्ष लागले आहे.