गोंदिया जिल्ह्याच्या सडक अर्जुनी वनपरिक्षेत्रांतर्गत येणाऱ्या गोरेगाव तालुक्यातील मुरदोली येथील एका शेतातील विहिरीत पूर्ण वाढ झालेल्या वाघाचा मृतदेह आढळून आल्याने खळबळ उडाली आहे. शनिवारी ११ जुलै रोजी सायंकाळी ५ वाजताच्या सुमारास ही घटना उघडकीस आली. मुरदोली येथील शेतकरी रोशनलाल कटरे हे आपल्या शेतातील (सर्व्हे क्र. १८१) पिकाची पाहणी करण्यासाठी गेले असता, त्यांना विहिरीतून दुर्गंधी येत असल्याचे जाणवले. त्यांनी विहिरीत पाहिले असता पाण्यात वाघाचा मृतदेह तरंगताना दिसला, ज्याची माहिती त्यांनी तात्काळ वनविभागाला दिली. घटनेची माहिती मिळताच नवेगाव-नागझिरा व्याघ्र प्रकल्पाचे उपसंचालक प्रितमसिंह कोडापे यांच्या मार्गदर्शनाखाली वनपरिक्षेत्र अधिकारी व कर्मचाऱ्यांनी घटनास्थळ गाठून पाहणी केली. मात्र, रात्र झाल्यामुळे नॅशनल टायगर कन्सर्वेशन ऑथॉरिटीच्या नियमांनुसार मृत वाघाला विहिरीतून बाहेर काढणे, पंचनामा, शवविच्छेदन आणि इतर कायदेशीर प्रक्रिया दुसऱ्या दिवशी सकाळी करण्याचे निश्चित करण्यात आले. वाघाचा मृत्यू नेमका कशामुळे झाला, तो चुकून विहिरीत पडला की यामागे अन्य काही कारण आहे, हे शवविच्छेदन अहवालानंतरच स्पष्ट होईल असे उपसंचालक प्रीतमसिंह कोडावे यांनी सांगितले आहे. या घटनेमुळे मुरदोली आणि परिसरातील नागरिकांमध्ये भीतीचे वातावरण निर्माण झाले आहे. वन्यजीवांच्या सुरक्षिततेच्या दृष्टीने परिसरातील उघड्या विहिरींवर तातडीने संरक्षणात्मक उपाययोजना करण्यात याव्यात, अशी मागणी स्थानिक वन्यजीव प्रेमींकडून केली जात आहे.

Ashlesh Made

साडक-अर्जुनी, गोंदिया, महाराष्ट्र•

6 hrs ago

गोंदिया जिल्ह्याच्या सडक अर्जुनी वनपरिक्षेत्रांतर्गत येणाऱ्या गोरेगाव तालुक्यातील मुरदोली येथील एका शेतातील विहिरीत पूर्ण वाढ झालेल्या वाघाचा मृतदेह आढळून आल्याने खळबळ उडाली आहे. शनिवारी ११ जुलै रोजी सायंकाळी ५ वाजताच्या सुमारास ही घटना उघडकीस आली. मुरदोली येथील शेतकरी रोशनलाल कटरे हे आपल्या शेतातील (सर्व्हे क्र. १८१) पिकाची पाहणी करण्यासाठी गेले असता, त्यांना विहिरीतून दुर्गंधी येत असल्याचे जाणवले. त्यांनी विहिरीत पाहिले असता पाण्यात वाघाचा मृतदेह तरंगताना दिसला, ज्याची माहिती त्यांनी तात्काळ वनविभागाला दिली. घटनेची माहिती मिळताच नवेगाव-नागझिरा व्याघ्र प्रकल्पाचे उपसंचालक प्रितमसिंह कोडापे यांच्या मार्गदर्शनाखाली वनपरिक्षेत्र अधिकारी व कर्मचाऱ्यांनी घटनास्थळ गाठून पाहणी केली. मात्र, रात्र झाल्यामुळे नॅशनल टायगर कन्सर्वेशन ऑथॉरिटीच्या नियमांनुसार मृत वाघाला विहिरीतून बाहेर काढणे, पंचनामा, शवविच्छेदन आणि इतर कायदेशीर प्रक्रिया दुसऱ्या दिवशी सकाळी करण्याचे निश्चित करण्यात आले. वाघाचा मृत्यू नेमका कशामुळे झाला, तो चुकून विहिरीत पडला की यामागे अन्य काही कारण आहे, हे शवविच्छेदन अहवालानंतरच स्पष्ट होईल असे उपसंचालक प्रीतमसिंह कोडावे यांनी सांगितले आहे. या घटनेमुळे मुरदोली आणि परिसरातील नागरिकांमध्ये भीतीचे वातावरण निर्माण झाले आहे. वन्यजीवांच्या सुरक्षिततेच्या दृष्टीने परिसरातील उघड्या विहिरींवर तातडीने संरक्षणात्मक उपाययोजना करण्यात याव्यात, अशी मागणी स्थानिक वन्यजीव प्रेमींकडून केली जात आहे.