भंडारा जिल्ह्यातील साकोली पोलीस ठाण्याच्या हद्दीत भरदिवसा घरफोडीच्या दोन वेगवेगळ्या घटना समोर आल्या आहेत. शेतात गेलेल्या दोन नागरिकांच्या बंद घरांना लक्ष्य करत अज्ञात चोरट्यांनी सुमारे ३ लाख ५३ हजार रुपयांची रोकड आणि सोन्याचा ऐवज लंपास केला आहे. पहिल्या घटनेत, किन्ही/मोखे येथील रहिवासी असलेले ३८ वर्षीय फिर्यादी पुरुषोत्तम रामदास कटनकर हे दुपारी आपल्या घराला कुलूप लावून शेतात गेले होते. याच संधीचा फायदा घेत अज्ञात चोराने घराचे कुलूप उघडून आत प्रवेश केला. चोरट्याने लॉकरमध्ये ठेवलेले ३३ हजार रुपये रोख, ५० हजार रुपये किमतीची ५ ग्रॅमची सोन्याची अंगठी आणि ४० हजार रुपये किमतीची ४ ग्रॅमची सोन्याची बदाम छाप अंगठी असा एकूण १ लाख २३ हजार रुपयांचा ऐवज पळवून नेला. दुसऱ्या घटनेतही फिर्यादी घराला कुलूप लावून शेतात गेले असताना अज्ञात चोराने घरात प्रवेश केला. चोरट्याने बेडरूममधील कपाटाचे कुलूप तोडून त्यातील १ लाख ५० हजार रुपये किमतीचा १० ग्रॅम वजनाचा सोन्याचा गोप, ७५ हजार रुपयांची ५ ग्रॅमची सोन्याची अंगठी आणि दिवाण पलंगावर ठेवलेला ५ हजार रुपयांचा रेडमी कंपनीचा मोबाईल असा एकूण २ लाख ३० हजार रुपयांचा ऐवज लंपास केला. या दोन्ही घटनांप्रकरणी साकोली पोलीस ठाण्यात गुन्हा दाखल करण्यात आला असून, पुढील तपास पोलीस निरीक्षक जितेंद्र राऊत यांच्या मार्गदर्शनाखाली सुरू आहे.

मनिषा विजय काशीवार

साकोली, भंडारा, महाराष्ट्र•

2 hrs ago

भंडारा जिल्ह्यातील साकोली पोलीस ठाण्याच्या हद्दीत भरदिवसा घरफोडीच्या दोन वेगवेगळ्या घटना समोर आल्या आहेत. शेतात गेलेल्या दोन नागरिकांच्या बंद घरांना लक्ष्य करत अज्ञात चोरट्यांनी सुमारे ३ लाख ५३ हजार रुपयांची रोकड आणि सोन्याचा ऐवज लंपास केला आहे. पहिल्या घटनेत, किन्ही/मोखे येथील रहिवासी असलेले ३८ वर्षीय फिर्यादी पुरुषोत्तम रामदास कटनकर हे दुपारी आपल्या घराला कुलूप लावून शेतात गेले होते. याच संधीचा फायदा घेत अज्ञात चोराने घराचे कुलूप उघडून आत प्रवेश केला. चोरट्याने लॉकरमध्ये ठेवलेले ३३ हजार रुपये रोख, ५० हजार रुपये किमतीची ५ ग्रॅमची सोन्याची अंगठी आणि ४० हजार रुपये किमतीची ४ ग्रॅमची सोन्याची बदाम छाप अंगठी असा एकूण १ लाख २३ हजार रुपयांचा ऐवज पळवून नेला. दुसऱ्या घटनेतही फिर्यादी घराला कुलूप लावून शेतात गेले असताना अज्ञात चोराने घरात प्रवेश केला. चोरट्याने बेडरूममधील कपाटाचे कुलूप तोडून त्यातील १ लाख ५० हजार रुपये किमतीचा १० ग्रॅम वजनाचा सोन्याचा गोप, ७५ हजार रुपयांची ५ ग्रॅमची सोन्याची अंगठी आणि दिवाण पलंगावर ठेवलेला ५ हजार रुपयांचा रेडमी कंपनीचा मोबाईल असा एकूण २ लाख ३० हजार रुपयांचा ऐवज लंपास केला. या दोन्ही घटनांप्रकरणी साकोली पोलीस ठाण्यात गुन्हा दाखल करण्यात आला असून, पुढील तपास पोलीस निरीक्षक जितेंद्र राऊत यांच्या मार्गदर्शनाखाली सुरू आहे.