असर्जन मध्ये महसूल कर्मचाऱ्यांच्या आशीर्वादाने वाळू उपसा जोरात तलाठी मंडळ अधिकारी सुस्त, जिल्हाधिकाऱ्यांकडे जनतेची धाव नांदेड जिल्ह्यातील विष्णुपुरी डॅम आणि ऐतिहासिक काळेश्वर मंदिराच्या मध्यभागी असलेल्या नदीपात्रातून सध्या दिवसाढवळ्या आणि रात्रीच्या सुमारास मोठ्या प्रमाणावर अवैध रेती उपसा सुरू आहे. धक्कादायक बाब म्हणजे, स्थानिक तलाठी आणि मंडळ अधिकारी या प्रकाराकडे जाणीवपूर्वक दुर्लक्ष करत असून, त्यांच्याच पाठबळावर हा काळा बाजार सुरू असल्याचा गंभीर आरोप असर्जन येथील ग्रामस्थांनी केला आहे.

नांदेड जिल्ह्यातील विष्णुपुरी डॅम आणि ऐतिहासिक काळेश्वर मंदिराच्या मध्यभागी असलेल्या नदीपात्रातून सध्या दिवसाढवळ्या आणि रात्रीच्या सुमारास मोठ्या प्रमाणावर अवैध रेती उपसा सुरू आहे. धक्कादायक बाब म्हणजे, स्थानिक तलाठी आणि मंडळ अधिकारी या प्रकाराकडे जाणीवपूर्वक दुर्लक्ष करत असून, त्यांच्याच पाठबळावर हा काळा बाजार सुरू असल्याचा गंभीर आरोप असर्जन येथील ग्रामस्थांनी केला आहे.

Post by Md, Saleemuddin

*नांदेडमध्ये शिवजन्मोत्सवाचा जल्लोष; मध्यरात्री १२ वाजता भव्य आतिशबाजीने आसमंत उजळला* नांदेड जिल्ह्या प्रतिनिधी शिवकुमार काळे नांदेड: गेला आणि अखंड महाराष्ट्राचे आराध्य दैवत छत्रपती शिवाजी महाराज यांच्या जयंतीनिमित्त (शिवजयंती) आज नांदेड शहरात उत्साहाचे वातावरण पाहायला मिळाले. १९ फेब्रुवारीच्या मुहूर्तावर, मध्यरात्री ठीक १२:०० वाजता शहरातील मुख्य चौकातील शिवरायांच्या अश्वारूढ पुतळ्यासमोर भव्य आतिशबाजी करण्यात आली. यावेळी मोठ्या संख्येने शिवप्रेमींनी पुतळा परिसरात गर्दी केली होती. "जय भवानी, जय शिवाजी" च्या जयघोषाने संपूर्ण परिसर दुमदुमून गेला. ढोल-ताशांच्या गजरात आणि फटाक्यांच्या झगमगाटात शिवजन्मोत्सव साजरा करण्यात आला. ठळक वैशिष्ट्ये: भव्य आतिशबाजी रात्री १२ वाजता झालेल्या फटाक्यांच्या आतषबाजीने नांदेडचा आसमंत उजळून निघाला होता. शिवप्रेमींची उपस्थिती तरुणांपासून अबालवृद्धांपर्यंत सर्वांनी या सोहळ्याला हजेरी लावली. पुतळ्याची सजावट छत्रपती शिवाजी महाराजांच्या पुतळ्याला आकर्षक फुलांनी आणि विद्युत रोषणाईने सजवण्यात आले होते. आज दिवसभर शहरात विविध सामाजिक आणि सांस्कृतिक कार्यक्रमांचे आयोजन करण्यात आले असून, भव्य मिरवणुकाही निघणार आहेत. प्रशासनाकडूनही या निमित्ताने चोख बंदोबस्त ठेवण्यात आला आहे

🔥 सिरपल्ली येथे शेतकऱ्याच्या घराला आग; सहा शेळीपिल्लांचा मृत्यू हिमायतनगर तालुक्यातील सिरपल्ली येथे दुपारी सुमारे १.३० वाजता शेतकरी किसन आबाजी जाधव यांच्या घराला अचानक आग लागून मोठे नुकसान झाले. या भीषण घटनेत सहा शेळीपिल्लांचा होरपळून मृत्यू झाला असून घरातील साहित्य व टिनपत्रा जळून खाक झाले. आधीच खरीप व रब्बी हंगामातील नुकसानीने त्रस्त असलेल्या शेतकरी कुटुंबावर पुन्हा एकदा आर्थिक संकट कोसळले आहे. शासनाने तात्काळ पंचनामा करून आर्थिक मदत द्यावी, अशी मागणी ग्रामस्थांकडून होत आहे. 🙏 #सिरपल्ली #हिमायतनगर #शेतकरीसंकट #आगघटना #ग्रामीणवार्ता #शासनमदत #FarmerDistress #मदतीचीगरज #NNLDigitalMedia

राजमाता जिजाऊ प्राथमिक विद्यालयाचे स्नेहसंमेलन संपन्न लातूर (एल पी उगीले) लातूर येथील महानगरपालिका शाळा क्र. ११, राजमाता जिजाऊ प्राथमिक विद्यालय येथे वार्षिक स्नेहसंमेलन मोठ्या उत्साहात व आनंदात पार पडले. कार्यक्रमास महापौर जयश्री सोनकांबळे, नगरसेवक तबरेज तांबोळी, नगरसेविका ज्योती अवासकर, पत्रकार बशीर शेख, शिक्षण अधिकारी, शिक्षकवृंद, पालक व विद्यार्थी मोठ्या संख्येने उपस्थित होते. कार्यक्रमात विद्यार्थ्यांनी सांस्कृतिक नृत्य, देशभक्तीपर गीते, नाटिका व विविध कलागुणांचे सादरीकरण करून उपस्थितांची मने जिंकली. मान्यवरांनी विद्यार्थ्यांचे कौतुक करत त्यांच्या उज्ज्वल भविष्यासाठी शुभेच्छा दिल्या. महापौर जयश्री सोनकांबळे यांनी आपल्या भाषणात शिक्षणासोबत संस्कार आणि सर्वांगीण विकासाचे महत्त्व अधोरेखित केले. शाळेच्या प्रगतीसाठी आवश्यक त्या सुविधा उपलब्ध करून देण्याचे आश्वासनही त्यांनी दिले.

Post by Nandkumar Motiram Totewad

🚩 शिवपुतळ्याच्या जागेसाठी उपोषण तीव्र 🚩 जिजाऊ ब्रिगेडचा जाहीर पाठिंबा; आंदोलनाचा इशारा हिमायतनगर शहरात छत्रपती शिवाजी महाराज यांच्या पूर्णाकृती पुतळ्यासाठी तातडीने जागा निश्चित करावी या मागणीसाठी स्वाभिमानी संभाजी ब्रिगेडच्या वतीने सुरू असलेले आमरण उपोषण दुसऱ्या दिवशी अधिक तीव्र झाले आहे. उपोषणस्थळी जिजाऊ ब्रिगेडच्या प्रदेशाध्यक्ष सरोजताई देशमुख यांनी भेट देत आंदोलनास जाहीर पाठिंबा दिला. “तात्काळ निर्णय न झाल्यास उपोषणाचे रूपांतर तीव्र आंदोलनात करावे लागेल. कायदा व सुव्यवस्थेचा प्रश्न निर्माण झाल्यास प्रशासन जबाबदार राहील,” असा इशारा त्यांनी दिला. दि. १० ऑगस्ट २०२३ पासून पुतळ्यासाठी जागेची मागणी प्रलंबित असून, शिवप्रेमी व नागरिकांमध्ये तीव्र नाराजी व्यक्त होत आहे. शिवरायांच्या जयंतीपूर्वी प्रश्न निकाली काढावा, अशी मागणी करण्यात येत आहे. दरम्यान, प्रशासनाची पुढील भूमिका काय राहणार याकडे संपूर्ण शहराचे लक्ष लागले आहे. #छत्रपतीशिवाजीराजे #शिवपुतळा #हिमायतनगर #जिजाऊब्रिगेड #संभाजीब्रिगेड #आंदोलन #शिवप्रेमी #महाराष्ट्र #NNLDigitalMedia 🚩

नांदेड मध्ये महाराष्ट्र शासनाचा सांस्कृतिक कार्य विभाग आणि सांस्कृतिक कार्य संचालनालय महाराष्ट्र राज्य मुंबई यांच्या वतीने संत गाडगे महाराज यांच्या १५० व्या जयंती वर्षाचे औचित्य साधून नांदेड येथील कुसुम सभागृहात भव्य सांस्कृतिक कार्यक्रमाचे आयोजन करण्यात आले होते