नांदेड शहरातील सिडको एमआयडीसी येथील रासायनिक खत निर्मिती करणाऱ्या 'शिवा ग्लोबल ऍग्रो इंडस्ट्रीज' या कंपनीची भरारी पथकाने अर्धवट तपासणी केल्याचा आरोप सामाजिक कार्यकर्ते पंकज कांबळे यांनी केला आहे. या कंपनीत माती मिश्रित आणि निकृष्ट दर्जाचे खत तयार होत असून, दोषी अधिकाऱ्यांवर कारवाईच्या मागणीसाठी त्यांनी थेट उपोषणाचा इशारा दिला आहे. शिवा ग्लोबल ऍग्रो इंडस्ट्रीजमध्ये पेरणीसाठी १८:१८:१०, २०:२०:०० आणि १०:२०:२० या नावांची रासायनिक खते तयार होतात. या कारखान्यामध्ये माती मिश्रित भेसळ आणि निकृष्ट खत तयार होत असल्याची तक्रार पंकज कांबळे यांनी जिल्हा अधीक्षक कृषी यांच्याकडे केली होती. या खतांचे लॅबोरेटरी सॅम्पल घेऊन त्यामध्ये नायट्रोजन, फॉस्फेट P205, अमोनिया, पोटॅश आणि कणांचा आकार योग्य प्रकारे असणे आवश्यक आहे, असे त्यांनी आपल्या तक्रारीत नमूद केले होते. या तक्रारीच्या अनुषंगाने जिल्हा अधीक्षक कृषी कळसाईत यांनी २५/६/२०२६ रोजी लातूर विभागाच्या विभागीय कृषी सहसंचालकांना पत्र दिले होते. यामध्ये भरारी पथकाकडून कंपनीच्या खत उत्पादनाची, साठवणूक केंद्राची आणि विक्री केंद्राची तपासणी करण्याचे आदेश दिले होते. त्यानुसार २६ जून २०२६ रोजी भरारी पथकाने कारखान्याची तपासणी केली, मात्र तक्रारदाराच्या तक्रारीनुसार रासायनिक खताचे नमुने घेण्यात आले नाहीत आणि विक्री तसेच साठवणूक केंद्राचीही तपासणी केली गेली नाही, असा आक्षेप कांबळे यांनी घेतला आहे. भरारी पथक प्रमुख मुंडे, तिडके आणि नांदेडचे गुण नियंत्रण निरीक्षक पेकम यांनी शिवा ग्लोबल ऍग्रो इंडस्ट्रीजला पाठीशी घातल्याचा आरोप करत पंकज कांबळे यांनी राज्याचे कृषिमंत्री दत्तात्रय भरणे यांना लेखी निवेदन दिले आहे. या प्रकरणाची उच्चस्तरीय चौकशी करून भरारी पथकातील कर्मचाऱ्यांवर निलंबनाची कारवाई करण्याची मागणी त्यांनी केली आहे. या कंपनीचे धागेदोरे खूप वरपर्यंत असल्याने कोणी कारवाई करू शकत नाही, अशी चर्चा नांदेडमध्ये सुरू आहे. यावर कारवाई न झाल्यास २० जुलैपासून मंत्रालय आझाद मैदानासमोर आमरण उपोषण करण्याचा इशारा देण्यात आला आहे.

Mohammad Rafikh

Graphic designer माहूर, नांदेड, महाराष्ट्र•

5 hrs ago

नांदेड शहरातील सिडको एमआयडीसी येथील रासायनिक खत निर्मिती करणाऱ्या 'शिवा ग्लोबल ऍग्रो इंडस्ट्रीज' या कंपनीची भरारी पथकाने अर्धवट तपासणी केल्याचा आरोप सामाजिक कार्यकर्ते पंकज कांबळे यांनी केला आहे. या कंपनीत माती मिश्रित आणि निकृष्ट दर्जाचे खत तयार होत असून, दोषी अधिकाऱ्यांवर कारवाईच्या मागणीसाठी त्यांनी थेट उपोषणाचा इशारा दिला आहे. शिवा ग्लोबल ऍग्रो इंडस्ट्रीजमध्ये पेरणीसाठी १८:१८:१०, २०:२०:०० आणि १०:२०:२० या नावांची रासायनिक खते तयार होतात. या कारखान्यामध्ये माती मिश्रित भेसळ आणि निकृष्ट खत तयार होत असल्याची तक्रार पंकज कांबळे यांनी जिल्हा अधीक्षक कृषी यांच्याकडे केली होती. या खतांचे लॅबोरेटरी सॅम्पल घेऊन त्यामध्ये नायट्रोजन, फॉस्फेट P205, अमोनिया, पोटॅश आणि कणांचा आकार योग्य प्रकारे असणे आवश्यक आहे, असे त्यांनी आपल्या तक्रारीत नमूद केले होते. या तक्रारीच्या अनुषंगाने जिल्हा अधीक्षक कृषी कळसाईत यांनी २५/६/२०२६ रोजी लातूर विभागाच्या विभागीय कृषी सहसंचालकांना पत्र दिले होते. यामध्ये भरारी पथकाकडून कंपनीच्या खत उत्पादनाची, साठवणूक केंद्राची आणि विक्री केंद्राची तपासणी करण्याचे आदेश दिले होते. त्यानुसार २६ जून २०२६ रोजी भरारी पथकाने कारखान्याची तपासणी केली, मात्र तक्रारदाराच्या तक्रारीनुसार रासायनिक खताचे नमुने घेण्यात आले नाहीत आणि विक्री तसेच साठवणूक केंद्राचीही तपासणी केली गेली नाही, असा आक्षेप कांबळे यांनी घेतला आहे. भरारी पथक प्रमुख मुंडे, तिडके आणि नांदेडचे गुण नियंत्रण निरीक्षक पेकम यांनी शिवा ग्लोबल ऍग्रो इंडस्ट्रीजला पाठीशी घातल्याचा आरोप करत पंकज कांबळे यांनी राज्याचे कृषिमंत्री दत्तात्रय भरणे यांना लेखी निवेदन दिले आहे. या प्रकरणाची उच्चस्तरीय चौकशी करून भरारी पथकातील कर्मचाऱ्यांवर निलंबनाची कारवाई करण्याची मागणी त्यांनी केली आहे. या कंपनीचे धागेदोरे खूप वरपर्यंत असल्याने कोणी कारवाई करू शकत नाही, अशी चर्चा नांदेडमध्ये सुरू आहे. यावर कारवाई न झाल्यास २० जुलैपासून मंत्रालय आझाद मैदानासमोर आमरण उपोषण करण्याचा इशारा देण्यात आला आहे.