જોટાણા તાલુકાના સુરજ ગામે આવેલા જોગણી માતાના મંદિર પરિસરમાં ગાડી પાર્ક કરવા અને દારૂના વેચાણ મુદ્દે થયેલી તકરાર બાદ ત્રણ ભાઈઓ પર જીવલેણ હુમલો કરવામાં આવ્યો છે. આ હુમલામાં મુખ્ય ફરિયાદી યુવકના હાથ અને બંને પગમાં ગંભીર ફ્રેક્ચર થયા છે, જ્યારે તેના એક ભાઈની હાલત નાજુક હોવાથી તેને અમદાવાદ સિવિલ હોસ્પિટલ રીફર કરવામાં આવ્યો છે. આ મામલે 6 આરોપીઓ વિરુદ્ધ કડી પોલીસ સ્ટેશનમાં ફરિયાદ નોંધાઈ છે. કડી પોલીસ સ્ટેશનમાં નોંધાવેલી ફરિયાદ મુજબ, સુરજ ગામના રાજુજી રાણાજી ઠાકોર જે કડી છત્રાલ રોડ પર આવેલ હિટાચી કંપનીમાં વેલ્ડીંગ ઓપરેટર તરીકે નોકરી કરે છે, તેમણે આશરે સાત દિવસ પહેલા તેમના ગામના અજય જગાજી ઠાકોરને જોગણી માતાના મંદિર પાસે પોતાની ફોરવીલ ગાડી પાર્ક કરવાની ના પાડી હતી. રાજુજી અને ગામના અન્ય લોકોને શંકા હતી કે અજય ત્યાંથી ચોરી છુપેથી દારૂનું વેચાણ કરી રહ્યો છે. આ બાબતની રીસ રાખીને અજય અવારનવાર રાજુજી સાથે ઝઘડો કરતો હતો અને તેમને જાનથી મારી નાખવાની ધમકી આપતો હતો. શનિવારે સાંજે રાજુજી પોતાની નોકરી પૂરી કરી અન્ય મિત્રો સાથે રિક્ષામાં ઘરે પરત ફરી રહ્યા હતા. તે દરમિયાન વિસલપુર મોકાસન રોડ પર આવેલા રામાપીર મંદિર પાસે એક ફોરવીલ ગાડીએ તેમની રીક્ષાને આંતરી હતી. ગાડીમાંથી મુખ્ય આરોપી અજયજી જગાજી ઠાકોર હાથમાં તલવાર લઈને ઉતર્યો હતો. તેની સાથે લક્ષ્મણજી જેસંગજી ઠાકોર, કરણજી જગાજી ઠાકોર, જેસંગજી તલાજી ઠાકોર, જગાજી પ્રતાપજી ઠાકોર અને દિનેશજી પ્રતાપજી ઠાકોર સહિતના અન્ય આરોપીઓ પણ તલવાર, ધારિયા, લોખંડની પાઇપ અને લાકડાના ધોકા જેવા હથિયારો સાથે ધસી આવ્યા હતા. તેમણે રીક્ષાને ઘેરી લીધી અને રીક્ષા ચાલકને ધમકાવીને ભગાડી મૂક્યો હતો. ત્યારબાદ રાજુજીને નીચે ઉતારીને અજય અને અન્ય આરોપીઓએ તેમના પર હુમલો કર્યો હતો. રાજુજીના હાથ અને બંને પગમાં ફ્રેક્ચર થયા હતા, અને તેમના ભાઈઓને પણ ઇજાઓ પહોંચી હતી. ગંભીર રીતે ઘાયલ થયેલા એક ભાઈને સારવાર અર્થે અમદાવાદ સિવિલ હોસ્પિટલમાં ખસેડવામાં આવ્યા છે. કડી પોલીસે આરોપીઓને ઝડપી પાડવા માટે કાર્યવાહી હાથ ધરી છે.

Raju Thakor

Local News Reporter કડી, મહેસાણા, ગુજરાત•

1 hr ago

જોટાણા તાલુકાના સુરજ ગામે આવેલા જોગણી માતાના મંદિર પરિસરમાં ગાડી પાર્ક કરવા અને દારૂના વેચાણ મુદ્દે થયેલી તકરાર બાદ ત્રણ ભાઈઓ પર જીવલેણ હુમલો કરવામાં આવ્યો છે. આ હુમલામાં મુખ્ય ફરિયાદી યુવકના હાથ અને બંને પગમાં ગંભીર ફ્રેક્ચર થયા છે, જ્યારે તેના એક ભાઈની હાલત નાજુક હોવાથી તેને અમદાવાદ સિવિલ હોસ્પિટલ રીફર કરવામાં આવ્યો છે. આ મામલે 6 આરોપીઓ વિરુદ્ધ કડી પોલીસ સ્ટેશનમાં ફરિયાદ નોંધાઈ છે. કડી પોલીસ સ્ટેશનમાં નોંધાવેલી ફરિયાદ મુજબ, સુરજ ગામના રાજુજી રાણાજી ઠાકોર જે કડી છત્રાલ રોડ પર આવેલ હિટાચી કંપનીમાં વેલ્ડીંગ ઓપરેટર તરીકે નોકરી કરે છે, તેમણે આશરે સાત દિવસ પહેલા તેમના ગામના અજય જગાજી ઠાકોરને જોગણી માતાના મંદિર પાસે પોતાની ફોરવીલ ગાડી પાર્ક કરવાની ના પાડી હતી. રાજુજી અને ગામના અન્ય લોકોને શંકા હતી કે અજય ત્યાંથી ચોરી છુપેથી દારૂનું વેચાણ કરી રહ્યો છે. આ બાબતની રીસ રાખીને અજય અવારનવાર રાજુજી સાથે ઝઘડો કરતો હતો અને તેમને જાનથી મારી નાખવાની ધમકી આપતો હતો. શનિવારે સાંજે રાજુજી પોતાની નોકરી પૂરી કરી અન્ય મિત્રો સાથે રિક્ષામાં ઘરે પરત ફરી રહ્યા હતા. તે દરમિયાન વિસલપુર મોકાસન રોડ પર આવેલા રામાપીર મંદિર પાસે એક ફોરવીલ ગાડીએ તેમની રીક્ષાને આંતરી હતી. ગાડીમાંથી મુખ્ય આરોપી અજયજી જગાજી ઠાકોર હાથમાં તલવાર લઈને ઉતર્યો હતો. તેની સાથે લક્ષ્મણજી જેસંગજી ઠાકોર, કરણજી જગાજી ઠાકોર, જેસંગજી તલાજી ઠાકોર, જગાજી પ્રતાપજી ઠાકોર અને દિનેશજી પ્રતાપજી ઠાકોર સહિતના અન્ય આરોપીઓ પણ તલવાર, ધારિયા, લોખંડની પાઇપ અને લાકડાના ધોકા જેવા હથિયારો સાથે ધસી આવ્યા હતા. તેમણે રીક્ષાને ઘેરી લીધી અને રીક્ષા ચાલકને ધમકાવીને ભગાડી મૂક્યો હતો. ત્યારબાદ રાજુજીને નીચે ઉતારીને અજય અને અન્ય આરોપીઓએ તેમના પર હુમલો કર્યો હતો. રાજુજીના હાથ અને બંને પગમાં ફ્રેક્ચર થયા હતા, અને તેમના ભાઈઓને પણ ઇજાઓ પહોંચી હતી. ગંભીર રીતે ઘાયલ થયેલા એક ભાઈને સારવાર અર્થે અમદાવાદ સિવિલ હોસ્પિટલમાં ખસેડવામાં આવ્યા છે. કડી પોલીસે આરોપીઓને ઝડપી પાડવા માટે કાર્યવાહી હાથ ધરી છે.