આજે ગાંધીનગરમાં ખેડૂતો દ્વારા એક ટ્રેક્ટર રેલીનું આયોજન કરવામાં આવ્યું હતું. આ રેલીનો મુખ્ય હેતુ વિજલાઈન સંબંધિત મુદ્દે ન્યાયની માંગ કરવાનો હતો.

થરાદ પોલીસ સ્ટેશન વિસ્તાર હેઠળના મડાલ ગામની સીમમાંથી વિદેશી દારુનો જથ્થો ઝડપી પાડવામાં આવ્યો છે.

સ્માર્ટ સિટી વડોદરામાં પ્રજાના ટેક્સના પૈસાનો કેવો દુરૂપયોગ થાય છે તેનો વધુ એક નમૂનો સામે આવ્યો છે, જ્યાં માત્ર બે મહિના પહેલા જ બનેલા રોડ પર વરસાદી લાઇનના ઢાંકણા તૂટી ગયા છે. સ્થાનિકોના જણાવ્યા અનુસાર, તૂટી ગયેલા આ ઢાંકણા એટલા હલકી ગુણવત્તાના છે કે તેને હાથ લગાવતા જ તેના પોપડા ઉખડી રહ્યા છે. આ વ્યસ્ત રોડ પરથી નાના-મોટા વાહનો સતત પસાર થતા હોવાથી, તૂટેલા ઢાંકણાને કારણે ગમે ત્યારે મોટી જાનહાની કે અકસ્માત થવાનો ભય સેવાઈ રહ્યો છે. આ સ્થિતિને જોતા સવાલ ઉઠી રહ્યો છે કે વડોદરાની ભોળી પ્રજાને મૂર્ખ બનાવી રહેલા આવા ભ્રષ્ટ કોન્ટ્રાક્ટરોને કોના આશીર્વાદ છે. હજુ બે મહિના પહેલા બનેલો રોડ જો આ સ્થિતિમાં હોય, તો વડોદરાનો વિકાસ કઈ દિશામાં જઈ રહ્યો છે તે વિચારવાનો સમય આવી ગયો છે.

વડોદરા શહેરના કોટમબી સ્ટેડિયમ નજીક એક ભયાનક માર્ગ અકસ્માત સર્જાયો હતો. અહીં ટ્રક અને લક્ઝરી બસ વચ્ચે જોરદાર ટક્કર થતાં વિસ્તારમાં અરેરાટી વ્યાપી ગઈ હતી. પ્રાથમિક માહિતી મુજબ, આ અકસ્માતમાં 7 થી 8 લોકોના મોતની આશંકા વ્યક્ત કરવામાં આવી રહી છે, જ્યારે અનેક મુસાફરો ફસાયા હોવાની પણ વિગતો સામે આવી છે. ઘટનાની જાણ થતાં જ SDRF, NDRF અને વડોદરા ફાયર વિભાગની ટીમો તાત્કાલિક ઘટનાસ્થળે પહોંચી હતી. બચાવ કામગીરી યુદ્ધના ધોરણે શરૂ કરવામાં આવી હતી અને ફસાયેલા તથા ઘાયલ થયેલા મુસાફરોને બહાર કાઢવા માટે રેસ્ક્યુ ઓપરેશન હાથ ધરવામાં આવ્યું હતું. ઇજાગ્રસ્તોને તાત્કાલિક સારવાર માટે એસએસજી હોસ્પિટલ ખસેડવામાં આવી રહ્યા છે. આ અકસ્માતના કારણે આસપાસના વિસ્તારમાં ભારે ટ્રાફિક જામના દૃશ્યો સર્જાયા હતા.

સોમવતી અમાવસ્યાના શુભ અવસરે નૌબસ્તા ગંગા ઘાટ પર શ્રદ્ધાળુઓનો વિશાળ સમુદાય ઉમટી પડ્યો હતો. હજારો ભક્તોએ ભક્તિભાવપૂર્વક ગંગામાં આસ્થાની ડુબકી લગાવી. આ સમગ્ર કાર્યક્રમ દરમિયાન સુરક્ષા વ્યવસ્થા સંપૂર્ણપણે ચાક-ચૌબંધ રાખવામાં આવી હતી.

વડોદરાના આજવા રોડ પરથી નશાકારક કફ સીરપ (કોડીન) વેચતા સતનામસિંહ સીકલીગર નામના શખસને SOGએ ઝડપી પાડ્યો છે. પોલીસે દરોડો પાડી ₹96,141 નો મુદ્દામાલ જપ્ત કર્યો હતો. આ કેસમાં ફરાર સહ-આરોપી હિરવ પંડ્યાને પોલીસે વોન્ટેડ જાહેર કરી તેની શોધખોળ અને વધુ તપાસ હાથ ધરી છે.

વડોદરાના કોટંબી નજીક એક ગમખ્વાર અકસ્માત થયો હતો, જેમાં એક લક્ઝરી બસ ઊભેલી ટ્રકમાં ઘૂસી ગઈ હતી. આ ભયાનક દુર્ઘટનામાં ડ્રાઇવર સહિત કુલ સાત લોકોનાં મોત થયા હતા, જ્યારે અન્ય છવીસ લોકો ઘાયલ થયા હતા.

ધારાસભ્ય કેતન ઈમાનદારે એક નવીન મીનીબસને લીલીઝંડી બતાવી તેને પ્રસ્થાન કરાવ્યું હતું.

વડોદરા નજીક કોટબી ગામ પાસે વહેલી સવારે એક ગંભીર માર્ગ અકસ્માત સર્જાયો હતો. બાંસવાડાથી સુરત તરફ જઈ રહેલી એક લકઝરી બસ રોડ પર ઊભેલી ટ્રક સાથે ધડાકાભેર ભટકાઈ હતી. આ ભયાનક દુર્ઘટનામાં અંદાજિત 10 લોકોના મોત થયા હોવાનું પ્રાથમિક અહેવાલો દર્શાવે છે.