କେନ୍ଦୁଝର ଜିଲ୍ଲା ସଦର ବ୍ଲକର ପର୍ଜନପୁର ପଞ୍ଚାୟତ ଅନ୍ତର୍ଗତ ନୂଆଡ଼ିହି ସ୍ଥିତ ପ୍ରସିଦ୍ଧ ଶୈବପୀଠରେ ଆଜି ଶୀତଳ ଷଷ୍ଠୀ ଅବସରରେ ବାବା ସ୍ୱପ୍ନେଶ୍ୱର ମହାଦେବ ଏବଂ ମା' ପାର୍ବତୀଙ୍କ ଦିବ୍ୟ ବିବାହ ମହୋତ୍ସବ ଅତ୍ୟନ୍ତ ଆଡ଼ମ୍ବରରେ ପାଳିତ ହୋଇଯାଇଛି। ଏହି ପବିତ୍ର ଅବସରରେ ଆଜି ସକାଳ ପ୍ରାୟ ୯ ଘଟିକା ସମୟରେ ନୂଆଡ଼ିହି ଶୈବପୀଠରୁ ଏକ ବିଶାଳ ବରଯାତ୍ରୀ ପଟୁଆର ବାଜା, ବାଣ ଓ ରୋଷଣୀର ତାଳେ ତାଳେ କନ୍ୟାପିତାମାତାଙ୍କ ଘର ପଳାଶପଙ୍ଗା ଅଭିମୁଖେ ଯାତ୍ରା କରିଥିଲା। ଏହି ଶୋଭାଯାତ୍ରାରେ ଶହ ଶହ ଶ୍ରଦ୍ଧାଳୁ, ଭକ୍ତ ଏବଂ ସ୍ଥାନୀୟ ଅଞ୍ଚଳବାସୀ ସାମିଲ ହୋଇଥିବା ବେଳେ ଢୋଲ, ମହୁରୀ ଓ ବିଭିନ୍ନ ବାଦ୍ୟଯନ୍ତ୍ରର ନିନାଦରେ ସମଗ୍ର ପରିବେଶ ଭକ୍ତିମୟ ହୋଇଉଠିଥିଲା। ରାସ୍ତାର ଉଭୟ ପାର୍ଶ୍ୱରେ ଶତାଧିକ ଲୋକ ରୁଣ୍ଡ ହୋଇ ଦେବ ବରଯାତ୍ରୀଙ୍କୁ ସ୍ୱାଗତ କରିଥିଲେ। ପଳାଶପଙ୍ଗାରେ ପହଞ୍ଚିବା ପରେ ପାରମ୍ପରିକ ରୀତିନୀତି ଏବଂ ବୈଦିକ ମନ୍ତ୍ରୋଚ୍ଚାରଣ ମଧ୍ୟରେ ବାବା ସ୍ୱପ୍ନେଶ୍ୱର ମହାଦେବ ଓ ମା' ପାର୍ବତୀଙ୍କ ପବିତ୍ର ବିବାହ ସମ୍ପନ୍ନ ହୋଇଥିଲା। ଏହି ଅନନ୍ୟ ଧାର୍ମିକ ପରମ୍ପରାକୁ ଦେଖିବା ପାଇଁ ଆଖପାଖ ଅଞ୍ଚଳରୁ ବହୁ ସଂଖ୍ୟାରେ ଭକ୍ତଙ୍କ ସମାଗମ ହୋଇଥିଲା ଏବଂ ସମଗ୍ର ଅଞ୍ଚଳ ହର ହର ମହାଦେବ ଧ୍ୱନିରେ ପ୍ରକମ୍ପିତ ହୋଇଉଠିଥିଲା। ଭକ୍ତମାନଙ୍କ ପାଇଁ ପ୍ରସାଦ ସେବନର ମଧ୍ୟ ସୁ-ବନ୍ଦୋବସ୍ତ କରାଯାଇଥିଲା। ଚଳିତ ବର୍ଷ ତିଆଡ଼ିପଶି ଗ୍ରାମର ସାଗର ଚନ୍ଦ୍ର ନାଏକ ଓ ତାଙ୍କ ଧର୍ମପତ୍ନୀ ଯଶୋଦା ନାଏକ ବରପିତାମାତା ଭାବେ ଏବଂ ପଳାଶପଙ୍ଗା ଗ୍ରାମର ରଣଜିତ ଗୁପ୍ତା ଓ ତାଙ୍କ ଧର୍ମପତ୍ନୀ ଜ୍ୟୋତି ଗୁପ୍ତା କନ୍ୟା ପିତାମାତା ଭାବେ ବିବାହ କାର୍ଯ୍ୟ ସମ୍ପାଦନ କରିଥିଲେ।

ଦୁର୍ଯ୍ୟୋଧନ ପାତ୍ର

Building society କେନ୍ଦୁଝର ସଦର, କେନ୍ଦୁଝର, ଓଡ଼ିଶା•

5 hrs ago

କେନ୍ଦୁଝର ଜିଲ୍ଲା ସଦର ବ୍ଲକର ପର୍ଜନପୁର ପଞ୍ଚାୟତ ଅନ୍ତର୍ଗତ ନୂଆଡ଼ିହି ସ୍ଥିତ ପ୍ରସିଦ୍ଧ ଶୈବପୀଠରେ ଆଜି ଶୀତଳ ଷଷ୍ଠୀ ଅବସରରେ ବାବା ସ୍ୱପ୍ନେଶ୍ୱର ମହାଦେବ ଏବଂ ମା' ପାର୍ବତୀଙ୍କ ଦିବ୍ୟ ବିବାହ ମହୋତ୍ସବ ଅତ୍ୟନ୍ତ ଆଡ଼ମ୍ବରରେ ପାଳିତ ହୋଇଯାଇଛି। ଏହି ପବିତ୍ର ଅବସରରେ ଆଜି ସକାଳ ପ୍ରାୟ ୯ ଘଟିକା ସମୟରେ ନୂଆଡ଼ିହି ଶୈବପୀଠରୁ ଏକ ବିଶାଳ ବରଯାତ୍ରୀ ପଟୁଆର ବାଜା, ବାଣ ଓ ରୋଷଣୀର ତାଳେ ତାଳେ କନ୍ୟାପିତାମାତାଙ୍କ ଘର ପଳାଶପଙ୍ଗା ଅଭିମୁଖେ ଯାତ୍ରା କରିଥିଲା। ଏହି ଶୋଭାଯାତ୍ରାରେ ଶହ ଶହ ଶ୍ରଦ୍ଧାଳୁ, ଭକ୍ତ ଏବଂ ସ୍ଥାନୀୟ ଅଞ୍ଚଳବାସୀ ସାମିଲ ହୋଇଥିବା ବେଳେ ଢୋଲ, ମହୁରୀ ଓ ବିଭିନ୍ନ ବାଦ୍ୟଯନ୍ତ୍ରର ନିନାଦରେ ସମଗ୍ର ପରିବେଶ ଭକ୍ତିମୟ ହୋଇଉଠିଥିଲା। ରାସ୍ତାର ଉଭୟ ପାର୍ଶ୍ୱରେ ଶତାଧିକ ଲୋକ ରୁଣ୍ଡ ହୋଇ

ଦେବ ବରଯାତ୍ରୀଙ୍କୁ ସ୍ୱାଗତ କରିଥିଲେ। ପଳାଶପଙ୍ଗାରେ ପହଞ୍ଚିବା ପରେ ପାରମ୍ପରିକ ରୀତିନୀତି ଏବଂ ବୈଦିକ ମନ୍ତ୍ରୋଚ୍ଚାରଣ ମଧ୍ୟରେ ବାବା ସ୍ୱପ୍ନେଶ୍ୱର ମହାଦେବ ଓ ମା' ପାର୍ବତୀଙ୍କ ପବିତ୍ର ବିବାହ ସମ୍ପନ୍ନ ହୋଇଥିଲା। ଏହି ଅନନ୍ୟ ଧାର୍ମିକ ପରମ୍ପରାକୁ ଦେଖିବା ପାଇଁ ଆଖପାଖ ଅଞ୍ଚଳରୁ ବହୁ ସଂଖ୍ୟାରେ ଭକ୍ତଙ୍କ ସମାଗମ ହୋଇଥିଲା ଏବଂ ସମଗ୍ର ଅଞ୍ଚଳ ହର ହର ମହାଦେବ ଧ୍ୱନିରେ ପ୍ରକମ୍ପିତ ହୋଇଉଠିଥିଲା। ଭକ୍ତମାନଙ୍କ ପାଇଁ ପ୍ରସାଦ ସେବନର ମଧ୍ୟ ସୁ-ବନ୍ଦୋବସ୍ତ କରାଯାଇଥିଲା। ଚଳିତ ବର୍ଷ ତିଆଡ଼ିପଶି ଗ୍ରାମର ସାଗର ଚନ୍ଦ୍ର ନାଏକ ଓ ତାଙ୍କ ଧର୍ମପତ୍ନୀ ଯଶୋଦା ନାଏକ ବରପିତାମାତା ଭାବେ ଏବଂ ପଳାଶପଙ୍ଗା ଗ୍ରାମର ରଣଜିତ ଗୁପ୍ତା ଓ ତାଙ୍କ ଧର୍ମପତ୍ନୀ ଜ୍ୟୋତି ଗୁପ୍ତା କନ୍ୟା ପିତାମାତା ଭାବେ ବିବାହ କାର୍ଯ୍ୟ ସମ୍ପାଦନ କରିଥିଲେ।