ধুবুৰীৰ পৰা বিহাৰলৈ জীৱিকাৰ সন্ধানত যোৱা শ্ৰমিক উভতি আহিল এক ভয়ংকৰ দুস্বপ্ন লৈ। ধুবুৰীৰ পৰা বিহাৰলৈ জীৱিকাৰ সন্ধানত যোৱা শ্ৰমিক উভতি আহিল এক ভয়ংকৰ দুস্বপ্ন লৈ। বিহাৰৰ এখন ইটা ভাটাৰ পৰা উদ্ধাৰ কৰি নিজ গৃহলৈ অনা হৈছে ধুবুৰী জিলাৰ ৪৭ গৰাকীকৈ শ্ৰমিকক। গুলিবিদ্ধ হোৱা শ্ৰমিক মালেকা বিবি নামৰ মহিলা গৰাকীও আছে লগত। এইসকলৰ ভিতৰত পুৰুষ, মহিলা আৰু শিশু অন্তৰ্ভুক্ত, যিসকলে মাহৰ পাছত মাহ অমানৱীয় পৰিস্থিতিত আবদ্ধ হৈ কাম কৰিবলৈ বাধ্য হৈছিল। ঘটনা ইয়াতে শেষ নহয়। একেই স্থানৰ পৰা উদ্ধাৰ হোৱা সাতগৰাকী নাবালিকা ছোৱালী এতিয়াও বিহাৰ প্ৰশাসনৰ জিম্মাত আছে বুলি শ্ৰমিক সকলৰ পৰা জানিব পৰা গৈছে। অভিযোগ অনুসৰি, এই ছোৱালীসকলৰ ওপৰত চলিছিল ভয়ংকৰ যৌন নিৰ্যাতন, যিয়ে সমগ্ৰ ঘটনাটো অধিক শিহৰণকাৰী কৰি তুলিছে। অভিযুক্ত এম ডি ওৱাইছ কাৰ্নী ওৰফে চুন্না মুখিয়াই শ্ৰমিক সকলৰ লগত চলাইছিল নিৰ্যাতন। নিৰ্যাতন চলোৱাত বাধা আৰোপ কৰাত শ্ৰমিক মালেকা বিবিক সোঁ-ভৰিত গুলীয়াই আঘাত কৰে যদিও বৰ্তমান সুস্থ অৱস্থাত ধুবুৰীলৈ আহি পাইছে। প্ৰায় সাত মাহ পূৰ্বে ধুবুৰীৰ পৰা জীৱিকা উপাৰ্জনৰ আশাত যোৱা এইসকল শ্ৰমিক বিহাৰৰ সাহাৰছা জিলাৰ কাহাৰা থানাৰ ধামচাইনীত অৱস্থিত “ষ্টাৰ মাৰ্কা ইটা ভাট্টা”ত আবদ্ধ হৈ পৰে। তাত তেওঁলোকক মজুৰি নিদিয়াকৈ জোৰ কৰি কাম কৰোৱা হৈছিল আৰু দৈনন্দিন জীৱন পৰিণত হৈছিল নিৰ্যাতন আৰু আতংকৰ মাজত। শ্ৰমিকৰ লগত অহা শ্ৰম বিষয়া ৰবীন্দ্ৰ কুমাৰ শৰ্মাই জনোৱা মতে, উদ্ধাৰ কৰা ৪৭ গৰাকীকৈ শ্ৰমিক আৰু তেওঁলোকৰ সন্তানক নিৰাপদে ধুবুৰীলৈ অনা হৈছে। সাতগৰাকী ছোৱালী বৰ্তমান সাহাৰছা, বিহাৰৰ এখন শিশুগৃহত আছে আৰু তেওঁলোকৰ যত্ন আৰু সুৰক্ষা নিশ্চিত কৰা হৈছে। ঘটনাটোৰ মূল অভিযুক্ত এম ডি ওৱাইছ কাৰ্নী ওৰফে চুন্না মুখিয়াক ইতিমধ্যে গ্ৰেপ্তাৰ কৰা হৈছে বুলি বিষয়া গৰাকীয়ে জানিবলৈ দিয়ে। উদ্ধাৰ অভিযানত বিহাৰ আৰক্ষীৰ সাহাৰছা থানাৰ এটি দলে সহযোগিতা কৰি দুটা বাছত শ্ৰমিকসকলক নিৰপদে ধুবুৰীলৈ অনা হয় আৰু ধুবুৰী জিলা জ্যেষ্ঠ আৰক্ষী অধীক্ষকৰ কাৰ্যালয়ত গতাই দিয়া হব বুলি জানিবলৈ দিয়ে। এই ঘটনাই পুনৰ এবাৰ প্ৰমাণ কৰিলে যে জীৱিকা সন্ধানত বাহিৰলৈ যোৱা বহু শ্ৰমিক এতিয়াও ভয়ংকৰ শোষণ আৰু নিৰ্যাতনৰ সন্মুখীন হৈছে। বাইট : ১) শ্ৰম বিষয়া ৰবীন্দ্ৰ কুমাৰ শৰ্মা, বিহাৰ। বাইট ২) শ্ৰমিক।

Dhubri News AS

Local News Reporter আঠানি, ধুবুৰী, অসম•

5 hrs ago

ধুবুৰীৰ পৰা বিহাৰলৈ জীৱিকাৰ সন্ধানত যোৱা শ্ৰমিক উভতি আহিল এক ভয়ংকৰ দুস্বপ্ন লৈ। ধুবুৰীৰ পৰা বিহাৰলৈ জীৱিকাৰ সন্ধানত যোৱা শ্ৰমিক উভতি আহিল এক ভয়ংকৰ দুস্বপ্ন লৈ। বিহাৰৰ এখন ইটা ভাটাৰ পৰা উদ্ধাৰ কৰি নিজ গৃহলৈ অনা হৈছে ধুবুৰী জিলাৰ ৪৭ গৰাকীকৈ শ্ৰমিকক। গুলিবিদ্ধ হোৱা শ্ৰমিক মালেকা বিবি নামৰ মহিলা গৰাকীও আছে লগত। এইসকলৰ ভিতৰত পুৰুষ, মহিলা আৰু শিশু অন্তৰ্ভুক্ত, যিসকলে মাহৰ পাছত মাহ অমানৱীয় পৰিস্থিতিত আবদ্ধ হৈ কাম কৰিবলৈ বাধ্য হৈছিল। ঘটনা ইয়াতে শেষ নহয়। একেই স্থানৰ পৰা উদ্ধাৰ হোৱা সাতগৰাকী নাবালিকা ছোৱালী এতিয়াও বিহাৰ প্ৰশাসনৰ জিম্মাত আছে বুলি শ্ৰমিক সকলৰ পৰা জানিব পৰা গৈছে। অভিযোগ অনুসৰি, এই ছোৱালীসকলৰ ওপৰত চলিছিল ভয়ংকৰ যৌন নিৰ্যাতন, যিয়ে সমগ্ৰ ঘটনাটো অধিক শিহৰণকাৰী কৰি তুলিছে। অভিযুক্ত এম ডি ওৱাইছ কাৰ্নী ওৰফে চুন্না মুখিয়াই শ্ৰমিক সকলৰ লগত চলাইছিল নিৰ্যাতন। নিৰ্যাতন চলোৱাত বাধা আৰোপ কৰাত শ্ৰমিক মালেকা বিবিক সোঁ-ভৰিত গুলীয়াই আঘাত কৰে যদিও বৰ্তমান সুস্থ অৱস্থাত ধুবুৰীলৈ আহি পাইছে। প্ৰায় সাত মাহ পূৰ্বে ধুবুৰীৰ পৰা জীৱিকা উপাৰ্জনৰ আশাত যোৱা এইসকল শ্ৰমিক বিহাৰৰ সাহাৰছা জিলাৰ কাহাৰা থানাৰ ধামচাইনীত অৱস্থিত “ষ্টাৰ মাৰ্কা ইটা ভাট্টা”ত আবদ্ধ হৈ পৰে। তাত তেওঁলোকক মজুৰি নিদিয়াকৈ জোৰ কৰি কাম কৰোৱা হৈছিল আৰু দৈনন্দিন জীৱন পৰিণত হৈছিল নিৰ্যাতন আৰু আতংকৰ মাজত। শ্ৰমিকৰ লগত অহা শ্ৰম বিষয়া ৰবীন্দ্ৰ কুমাৰ শৰ্মাই জনোৱা মতে, উদ্ধাৰ কৰা ৪৭ গৰাকীকৈ শ্ৰমিক আৰু তেওঁলোকৰ সন্তানক নিৰাপদে ধুবুৰীলৈ অনা হৈছে। সাতগৰাকী ছোৱালী বৰ্তমান সাহাৰছা, বিহাৰৰ এখন শিশুগৃহত আছে আৰু তেওঁলোকৰ যত্ন আৰু সুৰক্ষা নিশ্চিত কৰা হৈছে। ঘটনাটোৰ মূল অভিযুক্ত এম ডি ওৱাইছ কাৰ্নী ওৰফে চুন্না মুখিয়াক ইতিমধ্যে গ্ৰেপ্তাৰ কৰা হৈছে বুলি বিষয়া গৰাকীয়ে জানিবলৈ দিয়ে। উদ্ধাৰ অভিযানত বিহাৰ আৰক্ষীৰ সাহাৰছা থানাৰ এটি দলে সহযোগিতা কৰি দুটা বাছত শ্ৰমিকসকলক নিৰপদে ধুবুৰীলৈ অনা হয় আৰু ধুবুৰী জিলা জ্যেষ্ঠ আৰক্ষী অধীক্ষকৰ কাৰ্যালয়ত গতাই দিয়া হব বুলি জানিবলৈ দিয়ে। এই ঘটনাই পুনৰ এবাৰ প্ৰমাণ কৰিলে যে জীৱিকা সন্ধানত বাহিৰলৈ যোৱা বহু শ্ৰমিক এতিয়াও ভয়ংকৰ শোষণ আৰু নিৰ্যাতনৰ সন্মুখীন হৈছে। বাইট : ১) শ্ৰম বিষয়া ৰবীন্দ্ৰ কুমাৰ শৰ্মা, বিহাৰ। বাইট ২) শ্ৰমিক।