Post by N Nagaraju

రాష్ట్రం దివాలా తీసింది: బొల్లా జగన్ ను విమర్శించడం తప్ప చేసింది ఏమీ లేదు. ప్రభుత్వాన్ని ప్రజలు వ్యతిరేకిస్తున్నారు రాష్ట్రంలో కూటమి ప్రభుత్వం అభివృద్ధిని గాలికి వదిలేసిందని మాజీ ఎమ్మెల్యే బొల్లా బ్రహ్మనాయుడు విమర్శించారు. వినుకొండలోని పార్టీ కార్యాలయంలో ఆదివారం మీడియాతో మాట్లాడారు. కేవలం జగన్ను విమర్శించడమే లక్ష్యంగా పెట్టుకున్నారని, వైసీపీ నాయకులపై అక్రమ కేసులు బనాయించడం తప్ప రాష్ట్రానికి చేసింది శూన్యమని మండిపడ్డారు. పాలనలో విఫలమై రాష్ట్రాన్ని దివాలా తీయించారని ఆయన ఆరోపించారు.

కూటమి ప్రభుత్వం పెందుర్తి పెద్ద చెరువు గట్టును సుందరంగా తీర్చిదిద్ది, నడకకు అనుకూలంగా మార్చింది. ఉదయం, సాయంత్రం వేళల్లో వాకర్స్ ఈ ట్రాక్‌పై ఆనందంగా షికారు చేస్తున్నారు.

ప్రకాశం జిల్లాలోని ఒంగోలు, మార్కాపురం ఎస్పీ కార్యాలయాల్లో మే 11న జరిగే ప్రజా సమస్యల పరిష్కార వేదిక 'మీకోసం' కార్యక్రమ సమయాలు మారాయి. ఉదయం 8 గంటల నుండి ప్రారంభమై, ఇది కేవలం 11 గంటల వరకే నిర్వహించబడుతుంది. వేసవిని దృష్టిలో ఉంచుకుని ప్రజల ఆరోగ్యం కోసం ఈ నిర్ణయం తీసుకున్నట్లు ఎస్పీ హర్షవర్ధన్ రాజు తెలిపారు.

పల్నాడు జిల్లా సత్తెనపల్లి పట్టణంలో తమిళనాడు కాబోయే ముఖ్యమంత్రి జోసెఫ్ విజయ్ ఫ్లెక్సీలు వెలిశాయి. మాదిగ అభిమానులు విజయ్ ప్రమాణస్వీకారం సందర్భంగా మాజీ ముఖ్యమంత్రి జగన్ మోహన్ రెడ్డి ఫోటోతో కలిపి వీటిని ఏర్పాటు చేశారు. 'దళపతికి శుభాకాంక్షలు' అంటూ ఈ ఫ్లెక్సీలు పల్నాడు గ్రామాల్లోనూ ఆకర్షణీయంగా నిలిచాయి.

నల్గొండ: కనిపించని స్పీడ్ బ్రేకర్లు.. వాహనదారుల ప్రాణాలకే ముప్పు NLG: నల్గొండ మండలంలోని కొత్తపల్లి గ్రామం మీదుగా ఏమి రెడ్డి గూడెం వెళ్లే ప్రధాన రహదారిపై ఏర్పాటు చేసిన స్పీడ్ బ్రేకర్లు కనిపించకపోవడంతో వాహనదారులు తీవ్ర ఇబ్బందులు ఎదుర్కొంటున్నారు. రాత్రి వేళల్లో ఇవి అసలు కనిపించక వాహనాలు అదుపుతప్పి పలువురు గాయాల పాలైన సంఘటనలు ఉన్నాయి. ప్రమాదాలు జరగకముందే రహదారి భద్రత అధికారులు స్పందించి స్పీడ్ బ్రేకర్ల వద్ద మార్కింగ్ ఏర్పాటు చేయాలని స్థానికులు, వాహనదారులు కోరుతున్నారు.

పాణ్యం మండలంలో ఈదురు గాలుల వర్షం.. రోడ్డుకు అడ్డంగా విరిగిపడిన పురాతన చింతచెట్టు నంద్యాల జిల్లా పాణ్యం మండలం లో ఈదురు గాలుల వర్షం కురిసింది. దీంతో పాణ్యం నుండి బనగానపల్లె వెళ్లే దారిలో ఆలమూరు దగ్గర రోడ్డుకు అడ్డంగా పురాతన చింతచెట్టు విరిగిపడింది. దీంతో రాకపోకలకు అంతరాయం ఏర్పడింది. అధికారులు స్పందించి రోడ్డుకు అడ్డంగా ఉన్న చింత చెట్టును తొలగించాలని వాహనదారులు కోరారు.

తమిళనాడు అసెంబ్లీ ఎన్నికల్లో 108 సీట్లు సాధించిన విజయ్ నేడు ముఖ్యమంత్రిగా ప్రమాణ స్వీకారం చేశారు. ఈ కార్యక్రమానికి కాంగ్రెస్ పార్టీ నుంచి రాహుల్ గాంధీ ప్రత్యేక అతిథిగా హాజరయ్యారు.