नागपूर जिल्ह्यातील भिवापूर नगरपंचायतर्फे शहरात अतिक्रमण करणाऱ्यांविरुद्ध कारवाई केली जाईल अशी दवंडी १६ जून रोजी सायंकाळी ५ वाजता देण्यात आली. यामुळे अतिक्रमणधारक व्यावसायिकांमध्ये मोठी खळबळ उडाली आहे, तर कारवाईच्या भीतीने काही दुकानदारांनी आपली दुकाने बंद ठेवली आहेत. सध्या नागपूर जिल्ह्यात स्थानिक स्वराज्य संस्थेची आचारसंहिता लागू असून, पदाधिकारी व नगरसेवक पर्यटनाला गेले आहेत. याच दरम्यान, मुख्याधिकारी दीपिका गायकवाड यांची बदली झाली असल्याच्या वावड्या शहरात पसरू लागल्या आहेत. अशातच लहान व्यावसायिकांना अतिक्रमण हटवण्याबाबत नोटीस देण्यात आली, ज्यात त्यांना २४ तासांच्या आत नाल्यावरील अतिक्रमण काढण्याचे निर्देश देण्यात आले. या दुहेरी घडामोडींमुळे शहरात विविध तर्कवितर्क व्यक्त केले जात आहेत. या संदर्भात अधिक माहिती घेतली असता असे समजले की, नागपूर जिल्हाधिकाऱ्यांकडे भिवापूर शहरातील अतिक्रमण हटवण्याबाबत तक्रार नोंदवण्यात आल्यानेच नगरपंचायत प्रशासनाने दवंडी व नोटीसची ही प्रक्रिया पार पाडली आहे. ही माहिती नागपूर जिल्हाधिकाऱ्यांना पाठवण्यात येणार असल्याचेही कळते. विशेष म्हणजे, देण्यात आलेल्या नोटीसमध्ये कोणतीही तारीख स्पष्ट नमूद नसून त्यावर मुख्याधिकारी गायकवाड यांची स्वाक्षरी आहे.

राजु जांभुळे

उमरेड, नागपूर, महाराष्ट्र•

5 hrs ago

नागपूर जिल्ह्यातील भिवापूर नगरपंचायतर्फे शहरात अतिक्रमण करणाऱ्यांविरुद्ध कारवाई केली जाईल अशी दवंडी १६ जून रोजी सायंकाळी ५ वाजता देण्यात आली. यामुळे अतिक्रमणधारक व्यावसायिकांमध्ये मोठी खळबळ उडाली आहे, तर कारवाईच्या भीतीने काही दुकानदारांनी आपली दुकाने बंद ठेवली आहेत. सध्या नागपूर जिल्ह्यात स्थानिक स्वराज्य संस्थेची आचारसंहिता लागू असून, पदाधिकारी व नगरसेवक पर्यटनाला गेले आहेत. याच दरम्यान, मुख्याधिकारी दीपिका गायकवाड यांची बदली झाली असल्याच्या वावड्या शहरात पसरू लागल्या आहेत. अशातच लहान व्यावसायिकांना अतिक्रमण हटवण्याबाबत नोटीस देण्यात आली, ज्यात त्यांना २४ तासांच्या आत नाल्यावरील अतिक्रमण काढण्याचे निर्देश देण्यात आले. या दुहेरी घडामोडींमुळे शहरात विविध तर्कवितर्क व्यक्त केले जात आहेत. या संदर्भात अधिक माहिती घेतली असता असे समजले की, नागपूर जिल्हाधिकाऱ्यांकडे भिवापूर शहरातील अतिक्रमण हटवण्याबाबत तक्रार नोंदवण्यात आल्यानेच नगरपंचायत प्रशासनाने दवंडी व नोटीसची ही प्रक्रिया पार पाडली आहे. ही माहिती नागपूर जिल्हाधिकाऱ्यांना पाठवण्यात येणार असल्याचेही कळते. विशेष म्हणजे, देण्यात आलेल्या नोटीसमध्ये कोणतीही तारीख स्पष्ट नमूद नसून त्यावर मुख्याधिकारी गायकवाड यांची स्वाक्षरी आहे.