ମୟୂରଭଞ୍ଜ ଜିଲ୍ଲା କରଞ୍ଜିଆ ପୋଲିସ ରାତ୍ରିକାଳୀନ ପାଟ୍ରୋଲିଂ ସମୟରେ ଏକ ବଡ଼ ଡକାୟତି ଯୋଜନାକୁ ପଣ୍ଡ କରିବାରେ ସଫଳ ହୋଇଛି। କରଞ୍ଜିଆ-ଚଢ଼େଇଭୋଳ ରାସ୍ତାର ମୋତା ଓ ଦରି ଗ୍ରାମ ମଧ୍ୟବର୍ତ୍ତୀ ଅଞ୍ଚଳରେ ପୋଲିସ ଟିମ୍ ପାଟ୍ରୋଲିଂ କରୁଥିବା ବେଳେ ଏକ ମାରୁତି–୮୦୦ କାର (ନଂ– ଓଆର ୦୫ ଏଚ ୮୧୫୮) ନିକଟରେ କିଛି ବ୍ୟକ୍ତି ସନ୍ଦେହଜନକ ଭାବେ ଥିବା ଦେଖିଥିଲେ। ପୋଲିସକୁ ଦେଖି ସମସ୍ତେ ଜଙ୍ଗଲ ଆଡ଼କୁ ପଳାଇବାକୁ ଉଦ୍ୟମ କରିଥିବା ବେଳେ ତିନି ଜଣଙ୍କୁ କାବୁ କରାଯାଇଥିଲା, କିନ୍ତୁ ଅନ୍ୟମାନେ ଅନ୍ଧାରର ସୁଯୋଗ ନେଇ ଫେରାର ହୋଇଯାଇଛନ୍ତି। ଧରାପଡ଼ିଥିବା ଅଭିଯୁକ୍ତମାନେ ହେଲେ କରଞ୍ଜିଆ ଥାନା ଅନ୍ତର୍ଗତ ମହାଦେବ ଦେଉଳି ଗ୍ରାମର ରାଜୁ ନାୟକ (୩୦), ଜମିର ଖାନ (୧୯) ଓ ରାଜେନ୍ଦ୍ର ମୁଣ୍ଡା (୨୭)। ପୋଲିସ ମାରୁତି କାରର ତଲାସୀ ନେଇ ସେଥିରୁ ଲୁହା ରଡ଼, ସାବଳ, ପ୍ଲାସ ଓ ସ୍କ୍ରୁ-ଡ୍ରାଇଭର ଭଳି ଘର ଭାଙ୍ଗିବାରେ ବ୍ୟବହୃତ ସାମଗ୍ରୀ ସହ ତିନୋଟି ମୋବାଇଲ ଫୋନ୍ ଜବତ କରିଛି। ଏହି ଗ୍ୟାଙ୍ଗ୍ ନିକଟବର୍ତ୍ତୀ ଅଞ୍ଚଳରେ ଘରଭଙ୍ଗା ଚୋରି କିମ୍ବା ଡକାୟତି ପାଇଁ ଯୋଜନା କରୁଥିବା ସନ୍ଦେହ କରାଯାଉଛି। ଏଏସ୍‌ଆଇ ଛବିଳକାନ୍ତ ନାୟକଙ୍କ ଦ୍ୱାରା ଜବତ ସାମଗ୍ରୀ ପରେ କରଞ୍ଜିଆ ଥାନାରେ ମାମଲା ନଂ–୨୫୮/୨୬ ରୁଜୁ କରାଯାଇଛି। ଗିରଫ ତିନି ଅଭିଯୁକ୍ତଙ୍କୁ ୯ ଜୁଲାଇରେ ଅଦାଲତକୁ ଚାଲାଣ କରାଯାଇଥିବା ବେଳେ ଫେରାର ଅଭିଯୁକ୍ତମାନଙ୍କୁ ଧରିବା ପାଇଁ ପୋଲିସର ଚଢ଼ାଉ ଜାରି ରହିଛି। ଅଞ୍ଚଳରେ ପୂର୍ବରୁ ହୋଇଥିବା ଘରଭଙ୍ଗା ଚୋରି ମାମଲାରେ ଏହି ଗ୍ୟାଙ୍ଗ୍‌ର ସମ୍ପୃକ୍ତି ନେଇ ମଧ୍ୟ ତଦନ୍ତ ଚାଲିଛି।

Partha Prasanna Mishra

ସାମ୍ବାଦିକ Karanjia, Mayurbhanj•

1 day ago

ମୟୂରଭଞ୍ଜ ଜିଲ୍ଲା କରଞ୍ଜିଆ ପୋଲିସ ରାତ୍ରିକାଳୀନ ପାଟ୍ରୋଲିଂ ସମୟରେ ଏକ ବଡ଼ ଡକାୟତି ଯୋଜନାକୁ ପଣ୍ଡ କରିବାରେ ସଫଳ ହୋଇଛି। କରଞ୍ଜିଆ-ଚଢ଼େଇଭୋଳ ରାସ୍ତାର ମୋତା ଓ ଦରି ଗ୍ରାମ ମଧ୍ୟବର୍ତ୍ତୀ ଅଞ୍ଚଳରେ ପୋଲିସ ଟିମ୍ ପାଟ୍ରୋଲିଂ କରୁଥିବା ବେଳେ ଏକ ମାରୁତି–୮୦୦ କାର (ନଂ– ଓଆର ୦୫ ଏଚ ୮୧୫୮) ନିକଟରେ କିଛି ବ୍ୟକ୍ତି ସନ୍ଦେହଜନକ ଭାବେ ଥିବା ଦେଖିଥିଲେ। ପୋଲିସକୁ ଦେଖି ସମସ୍ତେ ଜଙ୍ଗଲ ଆଡ଼କୁ ପଳାଇବାକୁ ଉଦ୍ୟମ କରିଥିବା ବେଳେ ତିନି ଜଣଙ୍କୁ କାବୁ କରାଯାଇଥିଲା, କିନ୍ତୁ ଅନ୍ୟମାନେ ଅନ୍ଧାରର ସୁଯୋଗ ନେଇ ଫେରାର ହୋଇଯାଇଛନ୍ତି। ଧରାପଡ଼ିଥିବା ଅଭିଯୁକ୍ତମାନେ ହେଲେ କରଞ୍ଜିଆ ଥାନା ଅନ୍ତର୍ଗତ ମହାଦେବ ଦେଉଳି ଗ୍ରାମର ରାଜୁ ନାୟକ (୩୦), ଜମିର ଖାନ (୧୯) ଓ ରାଜେନ୍ଦ୍ର ମୁଣ୍ଡା (୨୭)। ପୋଲିସ ମାରୁତି କାରର ତଲାସୀ ନେଇ ସେଥିରୁ ଲୁହା ରଡ଼, ସାବଳ, ପ୍ଲାସ ଓ ସ୍କ୍ରୁ-ଡ୍ରାଇଭର ଭଳି ଘର ଭାଙ୍ଗିବାରେ ବ୍ୟବହୃତ ସାମଗ୍ରୀ ସହ ତିନୋଟି ମୋବାଇଲ ଫୋନ୍ ଜବତ କରିଛି। ଏହି ଗ୍ୟାଙ୍ଗ୍ ନିକଟବର୍ତ୍ତୀ ଅଞ୍ଚଳରେ ଘରଭଙ୍ଗା ଚୋରି କିମ୍ବା ଡକାୟତି ପାଇଁ ଯୋଜନା କରୁଥିବା ସନ୍ଦେହ କରାଯାଉଛି। ଏଏସ୍‌ଆଇ ଛବିଳକାନ୍ତ ନାୟକଙ୍କ ଦ୍ୱାରା ଜବତ ସାମଗ୍ରୀ ପରେ କରଞ୍ଜିଆ ଥାନାରେ ମାମଲା ନଂ–୨୫୮/୨୬ ରୁଜୁ କରାଯାଇଛି। ଗିରଫ ତିନି ଅଭିଯୁକ୍ତଙ୍କୁ ୯ ଜୁଲାଇରେ ଅଦାଲତକୁ ଚାଲାଣ କରାଯାଇଥିବା ବେଳେ ଫେରାର ଅଭିଯୁକ୍ତମାନଙ୍କୁ ଧରିବା ପାଇଁ ପୋଲିସର ଚଢ଼ାଉ ଜାରି ରହିଛି। ଅଞ୍ଚଳରେ ପୂର୍ବରୁ ହୋଇଥିବା ଘରଭଙ୍ଗା ଚୋରି ମାମଲାରେ ଏହି ଗ୍ୟାଙ୍ଗ୍‌ର ସମ୍ପୃକ୍ତି ନେଇ ମଧ୍ୟ ତଦନ୍ତ ଚାଲିଛି।