मोरगाव जिह्वा परिषद शाळेत बालविवाह प्रतिबंध कार्यक्रम साजरा.. मोरगाव जि. प. शाळेत बालविवाह प्रतिबंध कार्यक्रम • अर्जुनी मोरगाव, १९ एप्रिल जिल्हा परिषद समग्र शिक्षा विभाग गोंदियाच्या मार्गदर्शनात अक्षय्य तृतीयेनिमित्त बालविवाह रोखण्यासाठी जिल्हा परिषद वरिष्ठ प्राथमिक शाळा मोरगाव येथे विविध जनजागृतिपर कार्यक्रम आयोजित करण्यात आले होते. अक्षय्य तृतीया हा विवाहासाठी शुभ मुहूर्त मानला जात असल्याने या दिवशी बालविवाह होण्याची शक्यता लक्षात घेऊन शाळेत विद्यार्थ्यांमध्ये जागृती निर्माण करण्यात आली. कार्यक्रमात विद्यार्थ्यांना बालविवाहाचे शारीरिक, मानसिक आणि सामाजिक दुष्परिणाम समजावून सांगण्यात आले. तसेच बालविवाह प्रतिबंधक कायदा २००६ बाबत माहिती देऊन अशा प्रथेविरुद्ध ठाम भूमिका घेण्याचे आवाहन मुख्याध्यापक सु. मो. भैसारे यांनी केले. यावेळी शाळेत विशेष उपक्रमांतर्गत सभा, निबंध स्पर्धा व पोस्टर स्पर्धांचे आयोजन करण्यात आले. त्यात रुचिता शहारे, हिमांशी पुस्तोडे, श्रावणी लाडे यांनी बालविवाह प्रतिबंधक विषयावर निबंध लेखन तर श्रेया सूरज शहारे हिने चित्रकला स्पर्धेत प्रभावी सहभाग नोंदवून घोषवाक्ये आणि चित्रांद्वारे बालविवाहविरोधी संदेश दिला. शिक्षकांनी बालकांशी संवाद साधून अल्पवयीन मुलामुलींचे विवाह टाळण्याचे तसेच मुलींचे शिक्षण सुरू ठेवण्याचे महत्त्व पटवून दिले. शाळेतील शिक्षक पुरुषोत्तम गहाणे यांनी जोखमीतील विद्यार्थ्यांवर विशेष लक्ष ठेवण्याचे, शाळा सोडणाऱ्या विद्यार्थ्यांना पुन्हा शिक्षण प्रवाहात आणण्याचे आणि बालविवाहाबाबत कोणतीही माहिती मिळाल्यास तत्काळ प्रशासनाला कळवण्याचे आवाहन केले. याप्रसंगी शाळा व्यवस्थापन समिती सदस्य सोनू कऱ्हाडे, शिक्षक जितेंद्र ठवकर, वामन घरतकर, रूपाली मेश्राम व विद्यार्थी मोठ्या संख्येने उपस्थित होते.

Ashlesh Made

Sadak-Arjuni, Gondia•

4 hrs ago

मोरगाव जिह्वा परिषद शाळेत बालविवाह प्रतिबंध कार्यक्रम साजरा.. मोरगाव जि. प. शाळेत बालविवाह प्रतिबंध कार्यक्रम • अर्जुनी मोरगाव, १९ एप्रिल जिल्हा परिषद समग्र शिक्षा विभाग गोंदियाच्या मार्गदर्शनात अक्षय्य तृतीयेनिमित्त बालविवाह रोखण्यासाठी जिल्हा परिषद वरिष्ठ प्राथमिक शाळा मोरगाव येथे विविध जनजागृतिपर कार्यक्रम आयोजित करण्यात आले होते. अक्षय्य तृतीया हा विवाहासाठी शुभ मुहूर्त मानला जात असल्याने या दिवशी बालविवाह होण्याची शक्यता लक्षात घेऊन शाळेत विद्यार्थ्यांमध्ये जागृती निर्माण करण्यात आली. कार्यक्रमात विद्यार्थ्यांना बालविवाहाचे शारीरिक, मानसिक आणि सामाजिक दुष्परिणाम समजावून सांगण्यात आले. तसेच बालविवाह प्रतिबंधक कायदा २००६ बाबत माहिती देऊन अशा प्रथेविरुद्ध ठाम भूमिका घेण्याचे आवाहन मुख्याध्यापक सु. मो. भैसारे यांनी केले. यावेळी शाळेत विशेष उपक्रमांतर्गत सभा,

निबंध स्पर्धा व पोस्टर स्पर्धांचे आयोजन करण्यात आले. त्यात रुचिता शहारे, हिमांशी पुस्तोडे, श्रावणी लाडे यांनी बालविवाह प्रतिबंधक विषयावर निबंध लेखन तर श्रेया सूरज शहारे हिने चित्रकला स्पर्धेत प्रभावी सहभाग नोंदवून घोषवाक्ये आणि चित्रांद्वारे बालविवाहविरोधी संदेश दिला. शिक्षकांनी बालकांशी संवाद साधून अल्पवयीन मुलामुलींचे विवाह टाळण्याचे तसेच मुलींचे शिक्षण सुरू ठेवण्याचे महत्त्व पटवून दिले. शाळेतील शिक्षक पुरुषोत्तम गहाणे यांनी जोखमीतील विद्यार्थ्यांवर विशेष लक्ष ठेवण्याचे, शाळा सोडणाऱ्या विद्यार्थ्यांना पुन्हा शिक्षण प्रवाहात आणण्याचे आणि बालविवाहाबाबत कोणतीही माहिती मिळाल्यास तत्काळ प्रशासनाला कळवण्याचे आवाहन केले. याप्रसंगी शाळा व्यवस्थापन समिती सदस्य सोनू कऱ्हाडे, शिक्षक जितेंद्र ठवकर, वामन घरतकर, रूपाली मेश्राम व विद्यार्थी मोठ्या संख्येने उपस्थित होते.